Yêrêmi 38:21 - Nau Brah Ndu Ngơi 2023

²¹ Ƀiălah tơlah may mâu ŭch hăn ran nta săk ôh aơ jêng nau Brah Yêhôva mpơl ăn ma gâp:

Yêrêmi 38:21 Iomraidhean Croise

II Nau Rêh Jêng 36:12

Păng ƀư nau mhĭk tanăp măt Yêhôva Brah Ndu păng. Păng mâu ŭch dêh rhêt ôh tanăp Y-Yêrêmi, jêng nơm mbơh lor ntuh bâr Brah Yêhôva gay ntĭm nti păng.

Ndrom Samƀŭt bơh Yôp 23:13

Păng nơm hŏ ntrŭnh jêh pôri mbu moh dơi ƀư ăn Păng rgâl nau mĭn? Moh ntil nau Păng hŏ ŭch, Păng mra ƀư ro;

Ndrom Samƀŭt bơh Yôp 34:33

Lah pônây tĭng ma may, Brah Ndu geh nau har lĕ? Ƀiălah may mâu hŏ ŭch rmal nau tih, Jêng may nơm mra săch, mâu di gâp ôh; Pôri may ngơi hom moh nau may gĭt.

Nau Ngluh Êjipt 16:28

Brah Yêhôva lah ma Y-Môis: “Khân may mâu djôt prăp ôh nau vay ntăm jêh ri nau Gâp ntĭm tât ndah nâm jŏ?

Yêrêmi 26:15

Nđâp lah pônây, ăn khân may gĭt nanê̆ pô aơ lah nkhĭt gâp pôri khân may, ƀon toyh aơ jêh ri lĕ rngôch phung gŭ tâm ƀon mra sŏk dơn mham mâu geh ôh nau tih. Yorlah n'hêl nanê̆ ngăn Brah Yêhôva hŏ prơh gâp tât gay mbơh lĕ rngôch nau ngơi aơ lăp ta tôr khân may.”

Yêrêmi 38:20

Y-Yêrêmi lah: “Bu mâu mra jao may ôh. Knŏng ŭch may tông tĭng bâr Brah Yêhôva moh nau gâp hŏ lah jêh ma may, pônây may mra dơi geh nau ueh jêh ri hôm dơi geh nau rêh.

Yêrêmi 38:22

‘Aơ, lĕ rngôch phung bu ur hôm tâm ngih hađăch Yuđa bu mra veng leo ăn ma phung kôranh hađăch Babilôn; khân păng mra lah ma hađăch pô aơ: Phung mĭt jiăng may nsing Hŏ ndơm jêh may jêh ri dơi lơn đah may; Aƀaơ, lah jâng may hŏ rhuh jru jêh tâm bŏk, Pôri khân păng der ngai đah may.’

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Êsêkiêl 2:7

Pôri may mbơh hom nau Gâp lah ma khân păng nđâp lah khân păng iăt mâu lah mâu, yorlah khân păng jêng phung tâm rdâng.

Nau Kơp Bunuyh 24:13

‘Nđâp tơlah Y-Balak ăn ma gâp ngih toyh geh bêng ma prăk jêh ri mah, gâp mâu dơi ƀư rlau ir ôh ma nau ntăm bơh Brah Yêhôva ngơi jêh, ŭch ƀư nau ueh mâu lah ƀư nau mhĭk tĭng gâp nơm ŭch?’ Gâp knŏng ngơi moh nau Brah Yêhôva ntĭnh jêh!

Kôranh Oh Mon 18:6

Ƀiălah yorlah khân păng tâm rdâng jêh ri ngơi sưr rlau ma păng, păng rtuh bok ao păng jêh ri lah pô aơ: “Ăn mham khân may tŭp ta bôk khân may nơm! Bi gâp mâu geh nau tih. Ntơm bơh aƀaơ aơ, gâp mra hăn ta phung bu năch.”

ហេឞ្រើ 12:25

Njrăng hom, lơi dun ma Nơm ngơi đah khân may. Yorlah tơlah khân păng dun iăt nơm mbơh nau mbơh lor ma khân păng ta neh ntu, rlau lơn ma he tâm rdâng đah Nơm ntrŭnh nau mbơh lor bơh trôk, lơ hô mâu dơi klaih ôh.