Yêrêmi 37:21 - Nau Brah Ndu Ngơi 2023

²¹ Hađăch Sêdêkia ntĭnh njŭn leo Y-Yêrêmi tâm nhuang phung tahan gak, ăp nar ăn du glo piăng let tă bơh phung ƀư piăng let, kŏ tât ƀon nây mâu hôm geh piăng let đŏng ôh. Yor nây, Y-Yêrêmi hôm gŭ tâm nhuang tahan gak.

Yêrêmi 37:21 Iomraidhean Croise

II Phung Hađăch 25:3

Ta nar sĭn khay nây, geh nau ji ngot hâu ngăn tâm ƀon jêng knap ngăn kŏ tât mâu geh piăng let sa ma phung ƀon lan tâm n'gor bri.

Ndrom Samƀŭt bơh Yôp 5:20

Tâm nau sa sât ji ngot, Păng mra rklaih may bơh nau khǐt, Jêh ri dôl tâm lơh rklaih bơh mpiăt đao.

Nau Mprơ Ơm 37:19

Tâm rnôk rêh ni khân păng mâu mra bêk prêng ôh; Tâm nar sât ji ngot khân păng ăt dơi hơm mpay.

Nau Mprơ Ơm 37:3

Rnơm nsing hom ma Brah Yêhôva jêh ri ƀư nau ueh, Gŭ hom tâm n'gor jêh ri siăm păng nơm ma nau răp jăp Păng.

Nau Hôr 16:7

Lah Brah Yêhôva di nuih n'hâm đah nau rêh ueh ma mbu nơm, Pôri Păng ƀư ăn nơm rlăng gŭ đăp rmên ndrel ma bunuyh nây.

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Êsai 33:16

Bunuyh kơt nĕ mra dơi gŭ tâm ntŭk prêh, Geh pôih ma mpir lŭ mra jêng ntŭk păng du krap; Bu mra ăn ndơ sông sa ma păng Jêh ri păng mâu rvê pưt dak nhêt ôh.

Yêrêmi 20:2

Y-Pashur dong nơm mbơh lor Y-Yêrêmi, nkông păng tâm mpông pêr Benjamin, jêng mpông pêr mpeh klơ tâm ngih Brah Yêhôva.

Yêrêmi 32:2

Tâm rnôk nĕ, phung tahan hađăch Babilôn gŭ nchueng lơh ƀon Yêrusalem, bi ma nơm mbơh lor Y-Yêrêmi dôl bu krŭng tâm nhuang ngih phung tahan gak tâm ngih hađăch Yuđa.

Yêrêmi 32:8

Y-Hanamel, kon bu klâu kônh gâp, tông bâr Brah Yêhôva văch ma gâp tâm nhuang ntŭk phung tahan gak, jêh ri lah: ‘Gâp dăn ma may rvăt tay mir gâp ta ƀon Anathôt, tâm bri Benjamin, yorlah may geh nau dơi chuai jêh ri dơi jêng tâm mir nây; dăn may rvăt ăn ma may nơm.’ Rnôk nây, gâp gĭt nau nây jêng nau Brah Yêhôva ngơi!

Yêrêmi 33:1

Tâm rnôk Y-Yêrêmi hôm e bu krŭng tâm nhuang ntŭk tahan gak, geh bâr Brah Yêhôva lah ma păng tơ̆ bar pô aơ:

Yêrêmi 38:13

Khân păng đŏt huai Y-Yêrêmi ma rse brăt n'hao ngluh tă bơh ntu. Y-Yêrêmi gŭ tay tâm nhuang tahan gak.

Yêrêmi 38:28

Pônây, Y-Yêrêmi hôm gŭ tâm nhuang tahan gak kŏ tât nar bu lơh sŏk ƀon Yêrusalem. Lah ƀon Yêrusalem lĕ rai...

Yêrêmi 38:6

Khân păng nhŭp ro Y-Yêrêmi jêh ri nklăch tâm ntu Y-Malkija kon bu klâu hađăch, tâm nhuang phung tahan gak. Khân păng nklăch ntrŭnh Y-Yêrêmi ma rse brăt. Tâm ntu mâu geh dak ôh, knŏng geh bŏk dơm; Y-Yêrêmi rhuh tâm bŏk nây.

Yêrêmi 38:9

“Ơ kôranh gâp hađăch, phung bunuyh aơ hŏ ƀư jêh nau mhĭk ma nơm mbơh lor Y-Yêrêmi. Khân păng hŏ nklăch păng tâm ntu dak gay ma păng khĭt ji ngot tâm dâng nây, yorlah tâm ƀon mâu hôm geh piăng let đŏng ôh.”

Yêrêmi 52:6

Ta nar sĭn khay puăn, nau ji ngot hâu ngăn tâm ƀon kŏ tât mâu hôm geh ndơ sông sa đŏng ôh.

Nau Nhĭm Vơl 5:10

Ntâu săk hên duh gring nâm bu năk gŭch Yorlah nau ji ngot su hên!

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

Kôranh Oh Mon 12:5

Pôri, Y-Pêtrôs gŭ tâm ndrung, ƀiălah Phung Ngih Brah Ndu mbơh sơm ma Brah Ndu dŭt n'hâm ngăn ăn ma păng.

Kôranh Oh Mon 24:27

Bar năm pakơi, Pôrtus Phêtus ntrok Phêlik. Yorlah Phêlik ŭch ƀư maak ma phung Yuđa, ăt păng ăn bu krŭng Y-Pôl tâm ndrung.

Kôranh Oh Mon 28:16

Tơlah hên tât jêh ta ƀon Rôm, Y-Pôl dơi ăn gŭ ndrel ma du huê tahan gak.

Kôranh Oh Mon 28:30

Y-Pôl gŭ bar năm bêng tâm du mlâm ngih păng nkhôm. Păng rom lĕ rngôch bunuyh hăn khâl păng,

Êphêsô 4:1

Pôri, jêng du huê bunuyh gŭ ndrung tâm Kôranh Brah, gâp vơh vơl ma khân may gŭ rêh hom du nau rêh tâm di ma nau Brah Ndu kuăl jêh khân may.

Êphêsô 6:20

yor Nau Mhe Mhan Ueh nây, gâp jêng nơm mbơh tâm rse rvăk. Dăn mbơh sơm hom gay ma gâp geh nau janh mbơh Nau Mhe Mhan Ueh nây nâm bu ăn gâp ngơi.

II Timôthê 1:8

Pôri, may lơi đit prêng ôh nôk mbơh nkoch Kôranh Brah he, mâu đŏng đit prêng ma gâp, nơm bu nă Păng; ƀiălah nsing hom nau brah Brah Ndu, ndrel ma gâp dơn nau rêh ni yor Nau Mhe Mhan Ueh.

II Timôthê 2:9

Yor ma Nau Mhe Mhan Ueh nây gâp dơn nau rêh ni, kŏ tât nkông rse rvăk nâm bu bunuyh ƀư tih. Ƀiălah nau chroh Brah Ndu mâu geh rse rvăk ôh.