Yêrêmi 37:13 - Nau Brah Ndu Ngơi 2023

¹³ Ƀiălah dôl kôranh mbơh lor Y-Yêrêmi tât ta mpông pêr Benjamin geh du huê tahan gak amoh păng Y-Irijah, kon bu klâu Y-Sêlêmia, sau Y-Hanania hŏ nhŭp păng jêh ri lah: “May jêng nơm nchuăt du hăn gŭ mpeh phung tahan Kaldê!”

Yêrêmi 37:13 Iomraidhean Croise

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 20:10

Yorlah gâp tăng nau ngơi ƀŭk dŭk suyh: “Nau krit klach puăn mpeh! Phong hom! Ăn he phong hom păng!” Lĕ rngôch phung mĭt jiăng may Ŭch ma gâp chêh prah da dê. Khân păng lah: “Gĭt lah păng tŭp tâm nau ndơm, He mra dơi đah păng, Jêh ri plơng bôk păng.”

Yêrêmi 20:2

Y-Pashur dong nơm mbơh lor Y-Yêrêmi, nkông păng tâm mpông pêr Benjamin, jêng mpông pêr mpeh klơ tâm ngih Brah Yêhôva.

Yêrêmi 21:9

Mbu nơm hôm gŭ tâm ƀon aơ mra khĭt yor ma đao, ma nau sât ji ngot, jêh ri ma nau ji tưp; ƀiălah mbu nơm du luh bơh ƀon jêh ri luh jao săk khân păng nơm ma bunuyh Kaldê dôl gŭ nchueng mra rêh; bunuyh nây ăt klaih săk jêh ri dơi prăp nau rêh păng nơm.’

Yêrêmi 27:6

Aƀaơ, Gâp hŏ jao jêh lĕ rngôch bri aơ tâm ti Y-Nêbukatnetsar, hađăch bri Babilôn, oh mon Gâp. Nđâp ma lĕ rngôch mpô mpa tâm ndrêch Gâp ăt jao ma hađăch gay ma khân păng pah kan ma hađăch nây.

Yêrêmi 28:14

Yorlah Brah Yêhôva ma phung tahan, Brah Ndu Israel, lah: Gâp hŏ dơm jêh mâng mbăk loih ta trô ko lĕ rngôch bri dak aơ, gay ma khân pah kan Y-Nêbukatnetsar, hađăch Babilôn jêh ri khân păng hŏ pah kan ma hađăch nây. Nđâp ma mpô mpa bri tâm ndrêch Gâp ăt jao ăn ma hađăch nây.’”

Yêrêmi 36:12

hăn ro trŭnh rlet ma ngih hađăch, lăp tâm jrô kôranh nchih samƀŭt. Lĕ rngôch phung kôranh rgum ta nây: Kôranh nchih samƀŭt Y-Êlisama, Y-Dêlaya kon bu klâu Y-Sêmaya, Y-Êlnathan kon bu klâu Y-Akbôr, Y-Gêmaria kon bu klâu Y-Saphan, Y-Sêdêkia kon bu klâu Y-Hanania, jêh ri lĕ rngôch phung kôranh.

Yêrêmi 38:1

Y-Sêphatia, kon bu klâu Y-Matan, Y-Gêdalia, kon bu klâu Y-Pashur, Y-Jukal, kon bu klâu Y-Sêlêmia, jêh ri Y-Pashur, kon bu klâu Y-Malkija, tăng da dê nau Y-Yêrêmi mbơh nkoch tanăp ma lĕ rngôch phung ƀon lan:

Yêrêmi 38:4

Phung kôranh lah ma hađăch: “Ăn bu nkhĭt lơi bunuyh aơ, yorlah đơ nau păng ngơi ƀư rdja nuih n'hâm phung tahan hôm tâm ƀon aơ tâm ban ma lĕ rngôch phung ƀon lan. Bunuyh aơ mâu joi ôh nau ueh ma phung ƀon lan ƀiălah knŏng djôt leo ma nau rai yot dơm.”

Yêrêmi 38:7

Kôranh bu char Y-Êbet-Mêlek, bunuyh Êthiôpi, dôl gŭ tâm ngih hađăch tăng nau bu nklăch Y-Yêrêmi tâm ntu dak. Rnôk nây hađăch dôl gŭ ta Mpông Pêr Benjamin.

Nau Nhĭm Vơl 4:18

Bu n'gơr uănh nhuat jâng hên Gay ma hên mâu dơi hăn rŏ trong; Nau lôch dŭt ma hên hŏ dăch tât jêh! Nar hên hŏ lĕ jêh! Nglĕ dŭt hên hŏ tât jêh!

Amôt 7:10

Rnôk nây, Y-Amasia kôranh ƀư brah Bêthel, njuăl bunuyh hăn mbơh ma Y-Jêrôbôam hađăch Israel pô aơ: “Y-Amôt tâm nchră nau tâm rdâng đah may ta trôm nuih n'hâm Israel; bri dak mâu ŭch dơn ôh lĕ nau păng ngơi.

Sakari 14:10

Lĕ n'gor bri mra plơ̆ jêng neh lâng ntơm bơh Gêba tât ta Rimôn, mpeh pa dâng Yêrusalem. Ƀiălah Yêrusalem mra n'hao klơ gŭ ta ntŭk ơm păng, ntơm bơh mpông pêr Benjamin kŏ tât mpông pêr tal nguay jêh ri tât mpông pêr Njônh, jêh ri ntơm bơh vâl tŭm Hananel tât ta ntu păt ndrănh ma hađăch.

Luka 23:2

Khân păng ntơm phong Brah Yêsu pô aơ: “Hên gĭt năl jêh bunuyh aơ nsŭk nsôr phung ƀon lan tâm rdâng, buay hên chê̆ pi ma Sêsar, jêh ri lah păng nơm jêng Brah Krist, jêng Hađăch.”

Kôranh Oh Mon 24:13

Aƀaơ aơ, khân păng mâu dơi mpơl nau mbơh ma nau khân păng phong gâp tanăp may.

Kôranh Oh Mon 6:11

rĭ dĭng khân păng nsŭk nsôr ƀaƀă phung phong pô aơ: “Hên tăng jêh păng ngơi lĕ nau ngơi djơh tât ma Y-Môis jêh ri ma Brah Ndu.”

II Kôrintô 6:8

nđâp tơlah bu rnê mâu lah bêk prêng, nđâp tơlah geh nau lư mhĭk mâu lah ueh. Bu ƀư ma hên nâm bu phung ngơi mƀruh, ƀiălah hên jêng bunuyh nanê̆ ngăn;