Yêrêmi 36:8 - Nau Brah Ndu Ngơi 2023

⁸ Y-Baruk, kon bu klâu Y-Nêria, ƀư lĕ rngôch nau kôranh nơm mbơh lor Y-Yêrêmi hŏ nti jêh, rŏ nau Brah Yêhôva tâm ndrom samƀŭt tâm ngih Brah Yêhôva.

Yêrêmi 36:8 Iomraidhean Croise

Nêhêmi 8:3

Păng dâk ta nkual toyh tanăp mpông pêr Dak, rŏ tâm ndrom samƀŭt nây ntơm ƀhit rvi ang tât ma nklang bôk nar, lĕ bu klâu jêh ri bu ur nđâp lĕ rngôch dơi gĭt rbăng. Lĕ rngôch phung ƀon lan rkêng tôr iăt nau rŏ tâm ndrom samƀŭt nau vay.

Yêrêmi 1:17

Ƀiălah du huê kon, vân hom rse bŭt jêh ri gơnh ro ngơi đah khân păng ăp ntil nau Gâp ntăm jêh ăn may. Lơi ta klach krit ôh khân păng klach lah Gâp nơm yơh ƀư ăn may klach krit tanăp măt khân păng.

Yêrêmi 32:12

jêh ri ăn ma Y-Baruk, kon bu klâu Y-Nêria, sau Y-Mahseya, tanăp Y-Hanamel, kon bu klâu kônh gâp, tanăp bunuyh mbơh gĭt nanê̆ phung nây hŏ nchih kach jêh amoh ta samƀŭt rvăt, tâm ban tanăp lĕ rngôch phung Yuđa dôl gŭ tâm nhuang ntŭk phung tahan gak.

Yêrêmi 36:4

Y-Yêrêmi kuăl Y-Baruk, kon bu klâu Y-Nêria, tât. Yêrêmi rŏ ăn ma Y-Baruk nchih ta ndrom samƀŭt lĕ rngôch nau Brah Yêhôva lah jêh ma păng.

Yêrêmi 36:6

Yor nây ta nar ver ât sông sa, ăn may lăp ta ngih Brah Yêhôva jêh ri rŏ ăn ma phung ƀon lan tăng nau Brah Yêhôva tâm ndrom samƀŭt gâp hŏ rŏ ăn may nchih jêh. Tâm ban lĕ may răk ăn lĕ rngôch phung Yuđa văch tă bơh ma lĕ ƀon iăt đŏng.

Mathay 16:24

Jêh nây Brah Yêsu lah ma phung oh mon pô aơ: “Tơlah mbu nơm ŭch tĭng Gâp, ăn păng dun khân păng nơm, tuy si tâm rkăng khân păng nơm gay tĭng Gâp.

I Kôrintô 16:10

Tơlah Y-Timôthê tât, srôih kơl hom ma păng geh nau nơih ta nklang khân may, yorlah păng pah kan ma Kôranh Brah tâm ban ma gâp.