Yêrêmi 36:7 - Nau Brah Ndu Ngơi 2023

⁷ Klăp lah khân păng mra plơ̆ tay vơh vơl ma Brah Yêhôva jêh ri chalơi trong mhĭk păng, yorlah nau nuih jêh ri hao nuih Brah Yêhôva hŏ mbơh jêh tâm rdâng đah ƀon lan aơ jêng krit toyh ngăn.”

Yêrêmi 36:7 Iomraidhean Croise

II Phung Hađăch 22:13

“Hăn hom ôp ma Brah Yêhôva ăn ma gâp, ma phung ƀon lan, jêh ri ma lĕ rngôch phung Yuđa, ma lĕ nau nchih tâm ndrom samƀŭt hŏ joi saơ jêh. Brah Yêhôva ji nuih hâu ngăn ma he, yorlah phung chô yau he mâu tông ôh ma lĕ nau ngơi tâm ndrom samƀŭt aơ, jêh ri mâu ƀư tĭng nâm nau hŏ ntăm jêh ma phung he.”

II Phung Hađăch 22:17

Yorlah Phung ƀon lan aơ hŏ chalơi jêh Gâp, gŭch ndơ ƀâu kah ăn ma phung brah êng jêh ri nsônh nau Gâp ji nuih ma lĕ rngôch kan ti khân păng ƀư, pôri Gâp hao ji nuih hâu ngăn nđâp ma ntŭk aơ, mâu rngơt ôh.’

II Nau Rêh Jêng 34:21

“Yor ma gâp jêh ri yor ma phung Israel hôm e klen jêh ri phung Yuđa, hăn ôp hom Brah Yêhôva ma lĕ rngôch nau ngơi tâm ndrom samƀŭt aơ hŏ joi saơ jêh. Yor nau Brah Yêhôva ji nuih nkhŭt jêh ta klơ he dŭt toyh ngăn, yor tă bơh phung che he mâu ŭch djôt prăp ôh nau Brah Yêhôva ntăm, jêh ri mâu tĭng kơt lĕ ntil nau hŏ nchih jêh tâm ndrom samƀŭt aơ.”

Yêrêmi 1:3

jêh ri tâm du bông rô̆ Y-Jêhôjakim chiă uănh, kon bu klâu Y-Jôsia, hađăch Yuđa, kŏ tât lôch năm rơh jât ma nguay rô̆ hađăch Sêdêkia, kon bu klâu Y-Jôsia, hađăch Yuđa, dôl phung ƀon lan ƀon Yêrusalem ƀư bu nă tâm khay rơh prăm.

Yêrêmi 16:10

Dôl may mbơh ăn ma phung ƀon lan aơ lĕ rngôch nau nây, khân păng mra ôp may: ‘Mâm ƀư Brah Yêhôva tâm nal nkhŭt nau mhĭk dŭt krit kir aơ tât ma hên? Moh nau mhĭk hên? Moh nau hên hŏ ƀư tih đah Yêhôva Brah Ndu hên?’

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 21:5

Gâp nơm yơh, tâm nau duh nuih, ji nuih jêh ri nau ji nuih hâu ngăn ngên mra yơr mpang ti pơk huy jêh ri tur ti dăng ktang tâm lơh tâm rdâng dah khân may.

Yêrêmi 25:5

Khân păng lah: ‘Plơ̆ sĭt hom, ăn ăp nơm tâm phung khân may chalơi hom tă bơh trong nau mhĭk jêh ri nau păng ƀư tih, jêh nây khân may mra dơi gŭ tâm bri Brah Yêhôva hŏ ăn jêh ma khân may jêh ri phung chô yau khân may bơh rnôk saơm kŏ tât ƀaƀơ n'ho ro.

Yêrêmi 26:3

Nanê̆ khân păng mra gŭ iăt may jêh ri lĕ rngôch mra chalơi tă bơh trong mhĭk gay plơ̆ sĭt tay. Nôk nây, Gâp mra rgâl nau mĭn ƀư lĕ nau mhĭk Gâp hŏ tâm nal ăn ma khân păng yor lĕ nau tih mhĭk khân păng ƀư.

Yêrêmi 36:3

Klăp lah phung Yuđa mra gĭt lĕ rngôch nau mhĭk Gâp mĭn jêh ŭch ƀư ma khân păng, khân păng plơ̆ sĭt tay, ăp nơm chalơi trong mhĭk păng, jêh ri Gâp yô̆ an nau djơh mhĭk jêh ri nau tih khân păng.”

Yêrêmi 37:20

Rnôk aơ, Ơ hađăch jêng kôranh gâp dăn maak nuih n'hâm rkêng tôr iăt jêh ri sŏk dơn nau gâp vơl dăn. Lơi ta mplơ̆ sĭt tay gâp ma ngih kôranh nchih samƀŭt Y-Jônathan, klach lah gâp mra khĭt ta nây.”

Yêrêmi 4:4

Hơi phung Yuđa jêh ri phung ƀon lan Yêrusalem, Koh hom ntâu khân may nơm yorlah Brah Yêhôva, Koh mƀăr lơi ntâu bơh nuih n'hâm khân may! Tơlah mâu, nau Gâp ji nuih mra hao hit nâm bu ŭnh, Su khân may, mâu geh bunuyh buh nhhât ôh, Yorlah nau mhĭk khân may hŏ ƀư.”

Yêrêmi 42:2

văch tât da dê lah ma nơm mbơh lor Y-Yêrêmi: “Dăn may dơn hom nau ŭch dăn hên gay mbơh sơm ma Yêhôva Brah Ndu may ăn ma hên, jêng phung bunuyh hôm klen gŭ ta aơ. Nâm bu may saơ jêh, hên knŏng hôm e djê̆ dơm mâu geh âk tâm ban ma saơm.

Nau Nhĭm Vơl 4:11

Brah Yêhôva hŏ ƀư jêh djoh nuih, Nkhŭt nau Păng ji nuih; Păng sŭnh ŭnh ta ƀon Siôn, Ŭnh sa lĕ rngôch mbon păng.

Êsêkiêl 12:3

Pônây hơi kon bunuyh, ndrăp hom ndô ndơ may djôt leo du hăn jêng bu nă jêh ri du trơn nôk nar tanăp măt khân păng. Ƀư hom nâm ƀư bu nă, hăn tă bơh ntŭk may gŭ tât du ntŭk êng tanăp măt khân păng. Ndâp tơlah khân păng jêng ngih tâm rdâng kđôi, ƀiălah gĭt khân păng mra mĭn tay.

Êsêkiêl 13:13

Yor nây Kôranh Brah Yêhôva lah: ‘Tâm nau ji nuih, Gâp mra ƀư phŭt sial hêk sat păng; tâm nau ji nuih, Gâp mra prơh dak mih tât; jêh ri tâm nau ji nuih ngăn, Gâp ăn dak mih tŭp pler toyh ƀư rai păng.

Êsêkiêl 20:33

Kôranh Brah Yêhôva lah: ‘Tĭng nâm Gâp gŭ rêh mro mrăng, Gâp mra sŏk ti ktang jêh ri yơr nting tur ti, nkhŭt nau ji nuih gay chiă uănh khân may!

Êsêkiêl 22:20

Tâm ban bu rgum prăk, kông, loih, ndrak gay krĕt tâm ŭnh năk jêh ri khôm ŭnh ta klơ ăn mâm nau lêk, pôri nau Gâp ji nuih, tâm ban nây lĕ Gâp mra rgum khân may jêh ri mƀăr khân may tâm ŭnh năk gay ƀư lêk tâm ban lĕ.

Êsêkiêl 5:13

Nau Gâp ji nuih mra dơi lôch jêh ri nau Gâp ji nuih ma khân păng kŏ tât mpay jêh ri aih jêh. Tơlah Gâp hŏ ƀư lĕ lôch jêh nau Gâp nuih ma khân păng pôri khân păng mra gĭt yor nuih n'hâm duh nđơr Gâp nơm yơh, Brah Yêhôva, hŏ lah jêh ma khân păng.

Êsêkiêl 8:18

Yor nây yơh, Gâp mra ƀư ma khân păng tĭng nau ji nuih; măt Gâp mâu nhhuach ôh, mâu lĕ yô̆ klâng đŏng. Nđâp tơlah khân păng kuăl nter tăng tât ma tôr Gâp, Gâp mâu hôm ŭch n'gĭl iăt ôh.”

Daniel 9:13

Lĕ rngôch nau mhĭk aơ ăn tât jêh ta klơ hên di nâm bu nchih jêh tâm nau vay Y-Môis. Nđâp tơlah pônây, hên ăt mâu vơl dăn ôh nau yô̆ bơh Yêhôva Brah Ndu hên gay chalơi nau djơh mhĭk jêh ri rle nuih n'hâm ma nau răp jăp May.

Daniel 9:18

Ơ Brah Ndu gâp, rkêng tôr iăt hom, ăn lin măt uănh ma nau hên jêng rngot njăp jêh ri ƀon toyh bu kuăl ma amoh May! Hên mâu vơl dăn ma May nsing yor nau sŏng srăng hên nơm, ƀiălah yor nau yô̆ May mâu blau lôch.

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Yôel 2:12

Brah Yêhôva lah: “Aƀaơ aơ, plơ̆ sĭt hom ma Gâp ma lĕ nuih n'hâm, Ât hom sông sa, nhhiăng nhĭm jêh ri rngot vơl săk.

Yôel 2:13

Hêk hom nuih n'hâm khân may jêh ri lơi hêk ôh ao. Plơ̆ sĭt hom ma Yêhôva, Brah Ndu khân may, Yorlah Păng ueh, yô̆ nđach, mâu gơnh ji nuih jêh ri ndrŏng ma nau rŏng; Rgâl nau mĭn mâu ƀư mhĭk.

Yônais 3:8

ƀiălah bunuyh jêh ri ma mpô mpa nsoh bok ƀau da dê. Lĕ rngôch bunuyh mbơh sơm hom lĕ nuih n'hâm ma Brah Ndu. Ăp nơm chalơi hom trong mhĭk jêh ri nau kan janh ktang bơh ti păng.

Sakari 1:4

Lơi ta ƀư nâm bu phung chô yau khân may, phung nơm mbơh lor kăl e hŏ kuăl jêh khân păng, Brah Yêhôva ma phung tahan lah: ‘Chalơi hom trong mhĭk jêh ri nau djơh janh khân may ƀư.’ Ƀiălah khân păng mâu iăt ôh, mâu lĕ ŭch gŭ mĭn ma Gâp. Pôri Brah Yêhôva lah.

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.

Nau Vay Nkah Tay 31:17

Tâm nar nây, Gâp mra ji nuih ma khân păng. Gâp mra chalơi khân păng jêh ri pôn muh măt Gâp ma khân păng, bu mra kăp rvăn khân păng kđôi jêh ri âk ntil nau mhĭk, nau uh ah tât ma khân păng. Tâm nar nây, khân păng mra lah: ‘Mâu di hĕ nau mhĭk aơ tât ma gâp yorlah Brah Ndu mâu ŭch gŭ ta nklang gâp mâu?’