Yêrêmi 34:9 - Nau Brah Ndu Ngơi 2023

⁹ “Ăn lĕ rngôch bunuyh mƀơk phung dĭk Hêbrơ, phung bu klâu nđâp ma bu ur, mâu geh nơm dơi kân bunuyh n'gor Yuđa, oh nâu păng, ƀư dĭk đŏng ôh.

Yêrêmi 34:9 Iomraidhean Croise

Nau Ntơm 14:13

Geh du huê nơm dơi klaih văch mbơh ma Y-Abram, bunuyh Hêbrơ. Y-Abram dôl gŭ rêh dăch ndru tơm guyh ta Mamrê, bunuyh Amôrit, nâu Y-Êskôl jêh ri Y-Aner; lĕ pe nuyh aơ khân păng tâm rnglăp jêh đah Y-Abram.

Nau Ntơm 40:15

Yorlah di ngăn, bu nhŭp ntŭng jêh ri leo gâp luh bơh n'gor phung Hêbrơ, jêh ri ta aơ gâp mâu ƀư tih du ntil ndơ ôh nkhơng ma bu krŭng gâp tâm ndrung ngo aơ.”

Nau Ngluh Êjipt 2:6

Lah păng pơk bĭ, păng saơ kon se; du huê kon se bu klâu jê̆ dôl nhĭm. Yô̆ ma kon se jê̆ nây jêh ri păng lah: “Ngăn ro kon se aơ jêng du huê phung kon Hêbrơ.”

Nau Ngluh Êjipt 3:18

Khân păng mra iăt tĭng bâr may ngơi. Pôri ăn may jêh ri phung kôranh bu ranh Israel hăn tât tâm mâp đah hađăch Êjipt jêh ri lah: ‘Brah Yêhôva, Brah Ndu phung Hêbrơ, hŏ tâm mpơl jêh đah hên. Aƀaơ, dăn ma hađăch ăn hên pe nar hăn trong lăp tâm bri rdah gay nhhơr mpa ƀư brah ma Yêhôva Brah Ndu hên.’

Yêrêmi 25:14

Khân păng nơm yơh pah kan ma bri dak toyh ktang jêh ri ma phung hađăch êng ktang lơn; jêh ri Gâp mra plơng bôk khân păng tĭng nâm nau khân păng ƀư jêh ri kan ti khân păng.’”

Yêrêmi 27:7

Lĕ rngôch bri dak mra pah kan hađăch nây jêh ri ma kon sau păng, kŏ tât rnôk lĕ bri dak toyh ktang, phung hađăch toyh tâm tŭn mpet bri dak păng nơm.

Yêrêmi 30:8

Brah Yêhôva ma phung tahan lah: ‘Tâm nar nây, Gâp mra nkê̆ch lơi mâng mbăk bơh trô ko may, Tôch lơi rse kât ma may, Phung bu năch mâu mra đă may pah kan đŏng ôh.

Yêrêmi 34:10

Lĕ rngôch phung kôranh jêh ri phung ƀon lan dơi râng da dê ma nau tâm rnglăp nây, ăp nơm mra mƀơk lơi phung dĭk păng, bu klâu tâm ban ma bu ur, mâu dơi kân gay ƀư dĭk đŏng ôh.” Khân păng hŏ iăt nau jêh ri mƀơk ma lĕ khân păng.

I Kôrintô 6:8

Ƀiălah khân may yơh ƀư mâu sŏng, ndơm jêh ri gŭ ngao mâu ueh đah ma oh nâu khân may nơm.

II Kôrintô 11:22

Khân păng jêng phung Hêbrơ ƀơh? Gâp tâm ban đŏng. Khân păng jêng phung Israel ƀơh? Gâp tâm ban lĕ. Khân păng jêng phung kon sau Y-Abraham ƀơh? Gâp tâm ban lĕ.

Nau Vay Nkah Tay 15:12

“Lah du huê tâm khân may mâu lah du huê tâm bu ur jêng phung Hêbrơ, bu ŭch tăch păng ma khân may, păng mra pah kan ma khân may tâm prao năm, ƀiălah tât năm tal pơh ăn khân may mƀơk khăn păng jêng kon me.

Philip 3:5

Gâp dơn nau koh ntâu nar rơh pham, jêng noi deh Israel, ndŭl mpôl Benjamin, jêng phung Hêbrơ, kon bunuyh Hêbrơ; ma nau vay, gâp jêng du huê bunuyh Pharisi;

I Samuel 14:11

Pôri, lĕ bar hê mpơl khân păng nơm tanăp pôih phung Philistin. Phung Philistin lah: “Ri, phung Hêbrơ du luh tă bơh trôm ntŭk khân păng tă krap.”

I Samuel 4:6

Tăng nau troh nter nây, phung Philistin ôp ndrăng khân păng: “Nau troh nter huy ngăn tâm pôih tahan Hêbrơ nây moh nau bu ntĭt?” Nôk khân păng gĭt pô aơ Hip Nau Tâm Rnglăp Brah Yêhôva hŏ tât jêh tâm pôih tahan

I Samuel 4:9

Hơi phung Philistin, ăn gŭ janh hom, mpơl hom khân may nơm jêng phung janh ktang! Tơlah mâu, khân may mra jêng dĭk ma phung Hêbrơ nâm bu khân păng hŏ tă jêng dĭk ma khân may! Mpơl hom khân may nơm jêng phung janh ktang jêh ri tâm lơh hom!”