Yêrêmi 34:3 - Nau Brah Ndu Ngơi 2023

³ May nơm mâu mra klaih tă bơh hađăch nây, ƀiălah bu mra nhŭp jêh ri jao tâm ti hađăch nây. May mra saơ ma măt hađăch Babilôn, tâm ngơi măt đah măt ma hađăch nây jêh ri may mra hăn ma bri Babilôn.’

Yêrêmi 34:3 Iomraidhean Croise

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 27:22

‘Lĕ rngôch ndơ dŏng nây bu mra djôt leo rlet ma ƀon Babilôn jêh ri prăp ta nây kŏ tât nar Gâp chop khâl ma khân păng. Rnôk nây, Gâp mra djôt plơ̆ sĭt lĕ ndơ nây jêh ri ăn tay ntŭk aơ.’ Brah Yêhôva lah pônây.”

Yêrêmi 32:28

Yor ri, Brah Yêhôva lah: Aơ, Gâp mra jao ƀon aơ tâm ti phung Kaldê, tâm ti Y-Nêbukatnetsar, hađăch Babilôn, jêh ri hađăch nây mra pit sŏk ƀon.

Yêrêmi 32:3

Y-Sêdêkia, hađăch Yuđa, hŏ krŭng jêh păng jêh ri lah: “Moh nau may nănh mbơh lor jêng Brah Yêhôva lah: ‘Aơ, Gâp mra jao ƀon toyh aơ tâm ti hađăch Babilôn jêh ri hađăch nây mra dơi pit in ƀon;

Yêrêmi 32:4

Y-Sêdêkia, hađăch Yuđa, mâu mra klaih ôh bơh ti phung Kaldê, ƀiălah bu mra jao păng tâm ti hađăch Babilôn. Y-Sêdêkia saơ đăp măt jêh ri tâm ngơi mbung đah mbung măt đah măt ma hađăch Babilôn nây.

Yêrêmi 34:21

Ăt Gâp mra jao Y-Sêdêkia hađăch Yuđa, jêh ri phung kôranh hađăch nây tâm ti phung rlăng jêh ri nơm ŭch ƀư mhĭk nau rêh khân păng, nây jêng ma ti phung tahan hađăch Babilôn jêng phung mhe du bơh khân may.’

Yêrêmi 34:4

Nđâp lah kơt nĕ, hơi Y-Sêdêkia, hađăch Yuđa, iăt hom nau Yêhôva! Brah Yêhôva lah ma hađăch kơt aơ: ‘May mâu mra khĭt yor ma đao ôh,

Yêrêmi 37:17

Jêh nây, Hađăch Sêdêkia prơh hăn njŭn leo Y-Yêrêmi sĭt ma ngih hađăch jêh ri ôp păng ma nau ndâp: “Geh lĕ nau Brah Yêhôva lah?” Y-Yêrêmi plơ̆ lah: “Geh lĕ!” Jêh nây păng lah tay: “Bu mra jao may tâm ti hađăch Babilôn.”

Yêrêmi 38:18

Ƀiălah tơlah may mâu yơr ti ôh đah phung kôranh hađăch Babilôn, ƀon aơ bu mra jao ma ti phung Kaldê, khân păng mra su ƀon aơ ma ŭnh, jêh ri may mâu mra klaih ôh tă bơh ti khân păng.’”

Yêrêmi 38:23

Lĕ rngôch phung ur kon hađăch bu mra njŭn leo ăn ma phung Kaldê; bi ma hađăch ăt mâu mra klaih ôh bơh ti khân păng, ƀiălah hađăch Babilôn mra nhŭp jêh ri bu mra su ƀon aơ ma ŭnh.”

Êsêkiêl 12:13

Gâp mra nthăng jal ta klơ hađăch, jêh ri păng mra geh tâm dăk Gâp. Gâp mra njŭn leo hađăch ma Babilôn jêng bri phung Kaldê. Ƀiălah păng mâu mra saơ bri nây ôh nđâp lah mra khĭt ta nây.

Êsêkiêl 17:15

Ƀiălah, hađăch nây hŏ tâm rdâng đah hađăch Babilôn, mprơh nơm hăn mbơh tât ma n'gor bri Êjipt gay ma phung Êjipt ăn seh gay tâm lơh jêh ri du phung tahan âk. Păng mra dơi lĕ? Du huê bunuyh dơi klaih lĕ dôl ƀư pônây? Dơi lĕ păng chalơi rlau nau hŏ tâm rnglăp mâm dơi klaih lĕ?’

Êsêkiêl 17:16

Kôranh Brah Yêhôva lah: ‘Tĭng nâm gâp gŭ rêh mro mrăng, hađăch nây mra khĭt ta bri Babilôn, tâm ntŭk păng hŏ njêng hađăch jêh, yorlah păng tâm rmot nau ton jêh ri chalơi rlau nau tâm rnglăp.

Êsêkiêl 21:25

May treh hom du mlâm trong ăn ma đao hăn rgăn rlet ma Raba, ƀon phung kon sau Ammôn, jêh ri du mlâm trong rlet ma Yuđa ta Yêrusalem jêng ƀon geh pôih nâp.