Yêrêmi 34:18 - Nau Brah Ndu Ngơi 2023

¹⁸ Mbu nơm hŏ ƀư tih đah nau tâm rnglăp Gâp, mâu djôt prăp ôh lĕ nau vay tâm nkol tâm rnglăp hŏ ƀư jêh tanăp Gâp, pôri Gâp mra ƀư ăn ma khân păng nâm bu ndrôk kon khân păng sreh ta n'gul jêh ri hăn rgăn ta vah vang nây.

Yêrêmi 34:18 Iomraidhean Croise

Nau Ntơm 15:10

Y-Abram nhhơr ma Păng lĕ rngôch ndơ nây, blah khân păng jêng bar buh jêh ri dơm du đah pa aơ tâm tham đah du đah pa tê̆, ƀiălah mâu blah ôh lĕ ntil sĭm.

Nau Ntơm 15:8

Ƀiălah Y-Abram ơh: “Ơ Kôranh Brah jêng Brah Yêhôva, mâm ƀư gâp dơi gĭt gâp mra dơi ndơn bri aơ?”

Nau Mprơ Ơm 50:1

Nơm geh nau brah jêng Brah Ndu, jêng Brah Yêhôva, Lah jêh ri kuăl lĕ rngôch bunuyh Ntơm bơh mpeh nar luh kŏ tât mpeh nar nhâp.

Ndrom Samƀŭt bơh Ôsê 6:7

Ƀiălah nâm bu Y-Ađam, khân păng hŏ ƀư tih jêh đah nau tâm rnglăp; Ta nây, khân păng mâu gŭ răp jăp ôh đah Gâp.

Ndrom Samƀŭt bơh Ôsê 8:1

Ăn hom nŭng ta trôm mbung may gay uh! Phung rlăng nâm bu du mlâm klang jŭr pah ngih Brah Yêhôva; Yorlah khân păng hŏ tâm rdâng đah nau tâm rnglăp Gâp, Ƀư tih đah nau vay Gâp.

Samƀŭt Pôl Njuăl Ăn Ma Phung Nsing Ta Ƀon Rôm 2:8

Bi ma mbu nơm mbeh, mâu tông bâr nau ngăn, ƀiălah tông bâr nau kue, mra sŏk dơn nau ji nuih hâu ngăn jêh ri nau ji nuih.

Nau Vay Nkah Tay 17:2

Tơlah tâm nklang khân may ta du ntŭk tâm ƀon Yêhôva Brah Ndu khân may ăn jêh ma khân may, geh du huê bu klâu mâu lah du huê bu ur ƀư nau mhĭk tanăp măt Brah Ndu, ƀư tih rlau nau Păng tâm rnglăp,

Yôsuê 23:16

Tơlah khân may rlau nau tâm rnglăp Yêhôva Brah Ndu khân may ntĭnh ntăm jêh ma khân may, jêh ri hăn pah kan ma phung brah êng jêh ri chon mon mbah panăp khân păng, rnôk nây Brah Yêhôva mra hao ji nuih ma khân may, jêh ri khân may mra rai yot gơnh ngăn bơh bri ueh Păng hŏ ăn jêh ma khân may.”

Yôsuê 7:11

Phung Israel ƀư tih jêh, khân păng ƀư tih đah nau tâm rnglăp Gâp hŏ ntăm jêh: Khân păng sŏk jêh lĕ ndơ prăp ma nau ƀư rai, ntŭng, ndơm mƀruh, rlau lơn ma nĕ pôn ndơ nây nsum tâm ndơ dŏng păng nơm.