Yêrêmi 34:14 - Nau Brah Ndu Ngơi 2023

¹⁴ ‘Tât năm tal pơh, ăn ăp nơm tâm lĕ khân may mplơ̆ ăn kon me ma bunuyh Hêbrơ hŏ bu tăch jêh ma may. Pakơi prao năm pah kan, may mra mplơ̆ ăn kon me ma bunuyh nây.’ Ƀiălah phung chô yau khân may mâu iăt ôh nau, mâu lĕ rkêng tôr iăt ma Gâp.

Yêrêmi 34:14 Iomraidhean Croise

I Phung Hađăch 21:25

Nanê̆ ngăn, mâu geh ôh bunuyh tâm ban ma Y-Ahap, tăch êng păng nơm gay ƀư nau mhĭk tanăp măt Brah Yêhôva, jêng nơm H'Jêsêbel ur păng hŏ nsŭk nsôr.

I Phung Hađăch 9:22

Ƀiălah Y-Salômôn mâu ŭch sŏk ôh phung ƀon lan Israel ƀư dĭk. Khân păng jêng phung tahan, phung kôranh chiă uănh, phung kôranh tahan chiă uănh, phung kôranh tahan ƀĭt ndeh seh jêh ri phung tahan ncho seh ma hađăch.

II Nau Rêh Jêng 28:10

Aƀaơ ri, khân may ŭch nhŭp tay phung ƀon lan Yuđa jêh ri phung Yêrusalem, bu ur nđâp ma bu klâu njêng dĭk ma khân may ƀơh? Bi ma khân may, mâu di hĕ khân may yơh hŏ ƀư tih đah Yêhôva Brah Ndu ma phung khân may?

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Nêhêmi 9:30

Kôranh Brah srôih nuih đah khân păng âk năm. Jêh ri mbơh ăn khân păng njrăng đah Brah Huêng jêh ri phung nơm mbơh lor May. Ƀiălah khân păng mâu rkêng tôr iăt ôh Rĭ dĭng Kôranh Brah jao khân păng tâm ti lĕ ntil mpôl bunuyh rêh gŭ tâm n'gor.

Êsai 50:1

Brah Yêhôva lah: “Ta ntŭk pŏk samƀŭt tâm chalơi ur sai mê̆ may Ma samƀŭt nây Gâp chalơi jêh păng? Mâu lah tâm phung tơm rnon ma Gâp Mbu moh Gâp tăch khân may? Aơ, yor nau kue may yơh dĭng bu tăch khân may; Yor nau khân may ƀư tih rĭ dĭng bu chalơi jêh mê̆ khân may.

Êsai 58:6

Mâu di hĕ nau ât sông sa Gâp săch, nây jêng: Doh lơi lĕ rse rvăk nau ƀai, Doh lơi rse kât mâng mbăk, Ăn jêng kon me phung bu tŭn jot, Jêh ri nkê̆ch lơi ăp mâng mbăk?

Yêrêmi 11:7

Gâp hŏ đă dŭt n'hâm ngăn ma phung chô yau khân may ntơm bơh nar Gâp djôt khân păng du luh bơh n'gor Êjipt kŏ tât nar aơ. Gâp ƀaƀơ đă khân păng: ‘Iăt tĭng hom bâr Gâp!’

Yêrêmi 32:30

Yorlah ntơm bơh kon se, phung kon sau Israel jêh ri phung kon Yuđa knŏng gĭt ƀư nau mhĭk tâm dâng măt Gâp. Nanê̆ ngăn, phung kon sau Israel knŏng nsônh nuih Gâp ma lĕ kan ti khân păng ƀư, Brah Yêhôva lah pônây.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Êsêkiêl 20:4

Hơi kon bunuyh, may ŭch phat dôih khân păng, may ŭch phat dôih khân păng lĕ? May lah hom ăn khân păng gĭt nau ƀơ̆ phung chô yau khân păng.

Êsêkiêl 20:8

Ƀiălah khân păng ŭch tâm rdâng đah Gâp jêh ri mâu ŭch iăt Gâp ôh; ăp nơm mâu mƀăr ôh lĕ nau ƀơ̆ măt khân may jêh ri mâu chalơi phung rup brah bri Êjipt. Rnôk nây, Gâp lah pô aơ Gâp mra nkhŭt nau Gâp ji nuih ta klơ khân păng, nkhŭt lĕ nau ji nuih Gâp mra tâm rdâng ma khân păng ta nklang bri Êjipt.

Kan Lêvi 25:10

Ăn khân may ƀư tâm năm tal prăm jât jêng kloh ueh jêh ri mbơh nau kon me ma lĕ rngôch phung ƀon lan gŭ tâm lam n'gor. Nây jêng năm ueh maak ma khân may; ăp nơm dơn tay drăp ndơn khân păng, jêh ri ăp nơm plơ̆ sĭt ma ndŭl mpôl păng nơm.

Amôt 2:6

Brah Yêhôva lah: “Yor nau tih mhĭk Israel ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah khân păng hŏ tăch bunuyh sŏng srăng sŏk prăk, Tăch phung ndĭt trơi sŏk du kôp jep.

Amôt 8:6

Gay he sŏk prăk rvăt phung o ach, Rgâl bunuyh ndĭt trơi sŏk đah du kôp ntâu jot Jêh ri tăch tât ma ba nsiăp đŏng.”

Samƀŭt Pôl Njuăl Ăn Ma Phung Nsing Ta Ƀon Rôm 7:24

Rêh ni ngăn ma gâp! Mbu nơm mra rklaih gâp bơh săk jăn blau khĭt aơ?

Nau Vay Nkah Tay 15:1

“Ta lôch ăp pơh năm ăn khân may ƀư soih lơi rnon.

Nau Vay Nkah Tay 15:12

“Lah du huê tâm khân may mâu lah du huê tâm bu ur jêng phung Hêbrơ, bu ŭch tăch păng ma khân may, păng mra pah kan ma khân may tâm prao năm, ƀiălah tât năm tal pơh ăn khân may mƀơk khăn păng jêng kon me.

Nau Vay Nkah Tay 15:9

Njrăng hom, lơi prăp nau mĭn mhĭk tâm nuih n'hâm khân may pô aơ: ‘Bơi tât năm tal pơh jêng năm jut lơi rnon’ jêh ri khân may uănh oh nâu khân may ma măt mhĭk, mâu ăn ôh du mlâm ndơ ma khân păng. Khân păng mra nter ma Brah Yêhôva phong khân may jêh ri khân may mra anh nau tih.