Yêrêmi 33:7 - Nau Brah Ndu Ngơi 2023

⁷ Gâp mra njŭn leo phung bu nă Yuđa jêh ri bu nă Israel plơ̆ sĭt; ndâk tay khân păng nâm bu ntơm bơh saơm.

Yêrêmi 33:7 Iomraidhean Croise

Nau Mprơ Ơm 126:1

Tơlah Brah Yêhôva hŏ njŭn phung Siôn sĭt tă bơh nau jêng bu nă, Pôri hên jêng nâm bu du nau mbơi.

Nau Mprơ Ơm 126:4

Ơ Brah Yêhôva, njŭn hên plơ̆ sĭt bơh nau jêng bu nă, Nâm bu dak hoch tâm n'hong dak suăt ta n'gor Nêgep!

Nau Mprơ Ơm 14:7

Ơ, dăn Kôranh Brah văch tă bơh Siôn tâm rklaih phung Israel! Tơlah Brah Yêhôva djôt leo phung ƀon lan Păng plơ̆ sĭt tă bơh n'gor ƀư bu nă, Pôri Yakôb mra hâk maak jêh ri phung Israel răm rhơn!

Nau Mprơ Ơm 85:1

Ơ Brah Yêhôva, May ăn jêh nau ueh ma n'gor May nơm; May njŭn sĭt jêh phung bu nă Yakôb.

Êsai 1:26

Gâp mra ndâk tay phung kôranh phat dôih may tâm ban nôk lor, Jêh ri phung kôranh nchră may tâm ban ma ntơm saơm. Jêh nau nây, bu mra rnha ma may jêng ƀon sŏng srăng, Jêng ƀon răp jăp.”

Êsai 52:8

Phung gak may troh mprơ, Khân păng troh n'grŭp ma nau maak; Yorlah khân păng mra saơ rah vah ma măt Brah Yêhôva plơ̆ sĭt tay ma ƀon Siôn.

Yêrêmi 23:3

Gâp nơm mra rgum biăp hôm klen luh bơh lĕ rngôch bri dak Gâp hŏ mprơh jêh khân păng tât. Gâp mra njŭn khân păng plơ̆ sĭt ma ndrêch gơ̆ khân păng nơm; khân păng mra bĭk rơ̆ dŭt âk ngăn.

Yêrêmi 24:6

Gâp mra ntreng măt tât ma khân păng, ƀư nau ueh ma khân păng jêh ri njŭn leo khân păng plơ̆ sĭt ma bri aơ. Gâp mra ndâk njêng mâu di ƀư rai ôh; mra brôi tăm mâu di rôk lơi ôh.

Yêrêmi 29:14

Brah Yêhôva lah: “Gâp mra ăn khân may dơi mâp Gâp jêh ri gâp mra njŭn leo khân may bơh ntŭk ƀư dĭk. Gâp mra rgum tay khân may bơh lĕ rngôch bri dak jêh ri bơh lĕ rngôch ntŭk Gâp hŏ mprơh khân may. Gâp mra njŭn khân may sĭt tă bơh ntŭk Gâp hŏ nhŭp veng leo jêh khân may.”

Yêrêmi 30:18

Brah Yêhôva lah: ‘Aơ, Gâp mra njŭn ngih bok Y-Yakôb plơ̆ sĭt bơh ntŭk jêng bu nă, Gâp mra yô̆ an ntŭk păng gŭ; Ƀon toyh aơ mra ndâk tay ta ntŭk rngot njăp, Ngih hađăch mra ndâk tay ta klơ ntŭk ơm.

Yêrêmi 30:20

Phung kon khân păng mra jêng nâm bu rnôk saơm; Phung tâm rƀŭn khân păng mra jêng nâp tanăp Gâp; Gâp mra tâm rmal lĕ rngôch phung tŭn jot khân păng.

Yêrêmi 30:3

Brah Yêhôva lah: ‘Aơ, nar panăp Gâp mra njŭn leo phung ƀon lan Israel jêh ri Yuđa Gâp plơ̆ sĭt tă bơh ntŭk jêng dĭk, Gâp mra njŭn leo khân păng sĭt tâm bri dak Gâp hŏ ăn jêh ma phung chô yau khân păng, jêh ri khân păng mra sŏk dơn bri dak nây ƀư drăp ndơn.’ Brah Yêhôva lah pônây.”

Yêrêmi 31:28

Nâm bu Gâp uănh njrăng jêh ma khân păng gay rôk tơm, ƀư rlâm, nklơ̆ rlă, ƀư rai jêh ri ăn tât nau mhĭk tâm ban lĕ, pôri Gâp mra gak uănh khân păng gay ndâk njêng jêh ri brôi tăm nâm bu pônây lĕ,” Brah Yêhôva lah pônây.

Yêrêmi 31:38

Brah Yêhôva lah: “Aơ, lĕ nar mra tât, lah ƀon dơi ndâk tay ăn ma Brah Yêhôva, ntơm bơh ngih tŭm Hananel tât Mpông Pêr Njônh.

Yêrêmi 31:4

Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Yêrêmi 32:44

Bu mra rvăt mir ma prăk, nchih samƀŭt tăch, tâp pŏng tay, jă bunuyh nơm gĭt nanê̆ tâm bri Benjamin, jêh ri tâm ntŭk văr jŭm ƀon Yêrusalem, tâm lĕ rngôch ƀon n'gor Yuđa jêh ri tâm lĕ ƀon klơ yôk, n'gor Sêphêla jêh ri n'gor Nêgep. Yorlah Gâp mra ăn phung jêng bu nă plơ̆ sĭt tay đŏng.’” Yêhôva lah pônây.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Yêrêmi 42:10

‘Tơlah khân may hôm dŏng gŭ tâm n'gor bri aơ pôri Gâp mra ndâk mâu rơih lơi ôh, mra brôi tăm mâu geh rôk lơi ôh; yorlah Gâp nhhuach ma nau mhĭk Gâp hŏ ƀư jêh ma khân may.

Yêrêmi 50:4

Brah Yêhôva lah: “Tâm lĕ nar nây, tâm rô̆ nây, phung kon sau Israel jêh ri phung kon sau Yuđa plơ̆ sĭt ndrel n'grŭp; khân păng hăn ƀă nhĭm ƀă, tĭng joi Yêhôva Brah Ndu khân păng.

Nau Nhĭm Vơl 4:22

Hơi kon bu ur ƀon Siôn, nau tâm rmal ay hŏ lôch jêh, Păng mâu nkân ay ta ntŭk jêng bu nă đŏng ôh! Ƀiălah, hơi kon bu ur Êđôm, Păng mra tâm rmal ay; Mpơl nau mhĭk ay!

Êsêkiêl 39:25

Yor nây, Kôranh Brah Yêhôva lah: ‘Aƀaơ ri, Gâp mra njŭn leo phung tă ƀư bu nă Y-Yakôb plơ̆ sĭt; Gâp mra yô̆ an ma lĕ phung Israel jêh ri Gâp mra ntôn yor amoh kloh ueh Gâp.

Ndrom Samƀŭt bơh Ôsê 2:15

Tă bơh ntŭk nây, Gâp mra ăn ma păng đang krăk ƀâu, Njêng rlŭng Akôr mra jêng mpông nau kâp gân. Ta nây, păng mra plơ̆ lah nâm bu tâm nar mom ndăm, Nâm bu tâm nar păng luh tă bơh n'gor bri Êjipt.”

Sôphôni 3:20

Tâm nôk nây, Gâp mra djôt leo khân may plơ̆ sĭt, Nây jêng nôk Gâp tâm rgum tay khân may; Yorlah Gâp mra ƀư ma khân may lư n'găr Jêh ri geh nau tâm rnê ta nklang lĕ rngôch phung ƀon lan tâm neh ntu, Lah Gâp leo phung tă ƀư bu nă bơh phung khân may plơ̆ sĭt Tanăp măt khân may ro,” Brah Yêhôva lah pônây.

Sakari 1:17

Mbơh hom du tơ̆ tay đŏng pô aơ Brah Yêhôva ma phung tahan lah: ‘Lĕ rngôch ƀon toyh Gâp mra ăn âk bêng ma drăp ndơ, Brah Yêhôva mra bonh leng yôk Siôn jêh ri săch tay đŏng ƀon Yêrusalem.’”