Yêrêmi 33:6 - Nau Brah Ndu Ngơi 2023

⁶ Ƀiălah, Gâp mra ăn tay n'hâm suan jêh ri nau ƀư bah ma ƀon nây. Gâp mra ƀư bah ăn ma phung ƀon lan khân păng, mra tâm mpơl ma khân păng saơ nau chăt jêng rmeh ler jêh ri đăp rmên jŏ jong.

Yêrêmi 33:6 Iomraidhean Croise

Nau Mprơ Ơm 147:3

Păng ƀư bah phung geh nuih n'hâm nchah rai Jêh ri put n'grêp ntŭk sôt khân păng.

Nau Mprơ Ơm 37:11

Bi ma bunuyh dêh rhêt mra geh n'gor ƀư drăp ndơn, Jêh ri maak dơn nau đăp mpăn nau ndrŏng.

Nau Mprơ Ơm 67:2

Gay trong May dơi gĭt tâm neh ntu Nau May tâm rklaih dơi gĭt ta nklang lĕ bri dak.

Nau Mprơ Ơm 72:7

Tâm rnôk hađăch chiă uănh, nau sŏng srăng ndrŏng ktang, Jêh ri nau đăp mpăn mra jong kŏ tât khay mâu hôm nchrat ang đŏng ôh.

Nau Ngluh Êjipt 34:6

Brah Yêhôva hăn rgăn panăp păng jêh ri mbơh: “Yêhôva! Yêhôva! Jêng Brah Ndu geh nau ueh, yô̆ nđach, Mâu gơnh ji nuih ôh, Rmeh ler nau ueh uĭn jêh ri nau n'hêl nanê̆ ngăn,

Nơm Nti 3:3

Geh năng nkhĭt, geh năng ƀư bah; Geh năng rơih lơi, geh năng ndâk;

Êsai 2:4

Păng mra ƀư nau phat dôih ta nklang lĕ bri dak, Jêh ri nkra dôih ma âk phung ƀon lan. Aƀaơ, khân păng mra sŏk đao chiăr njêng kau kai, Sŏk tak chiăr njêng nhuĕ. Bri dak aơ mâu mra tŏk đao lơh bri dak êng, Khân păng mâu lĕ hôm nti tay nau tâm lơh đŏng ôh.

Êsai 30:26

Nau ang khay mra jêng tâm ban ma nau ang nar, jêh ri nau ang nar mra duh ktang lơn pơh tơ̆ tâm ban ma ang pơh nar, tâm nar Brah Yêhôva put n'grêp ntŭk sôt phung ƀon lan Păng, jêh ri ƀư bah ntŭk sôt khân păng.

Êsai 39:8

Y-Hêsêkia plơ̆ lah ma Y-Êsai: “Nau Brah Yêhôva may mhe ngơi jêng ueh!” Yor păng mĭn êng: “Tâm nau rêh gâp mra geh nau đăp mpăn jêh ri nau rnơm.”

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsai 57:18

Gâp saơ jêh trong păng, ƀiălah Gâp mra ƀư bah păng, Njŭn leo jêh ri ăn nau bonh leng ma păng, Ndrel ma phung nhĭm nhhiăng păng.

Êsai 57:19

Gâp rhăk njêng nau tâm rnê ta bâr mbung khân păng: ‘Đăp mpăn! Đăp mpăn ma nơm gŭ ngai jêh ri ma phung gŭ dăch!’” Brah Yêhôva lah: “Gâp mra ƀư bah păng.

Êsai 58:8

“Rnôk nây, nau ang khân may mra nchrat tâm ban ma ƀhit rvi ang, Nau sôt rmanh khân may mra gơnh ƀư bah. Nau sŏng srăng khân may mra hăn tanăp khân may, Jêh ri nau chrêk rmah Brah Yêhôva mra king n'gang pakơi khân may.

Êsai 66:12

Yorlah Brah Yêhôva lah: “Aơ, Gâp mra ăn nau đăp mpăn hor hoch tât ta păng tâm ban ma du n'hong dak krong, Jêh ri nau chrêk rmah lĕ bri dak bêng ler tâm ban ma n'hor dak; Khân may mra pu, bu mra chông khân may ta pŭng vĕ, Jêh ri rbot ta kômâk.

Yêrêmi 17:14

Ơ Brah Yêhôva! Dăn May ƀư bah ăn gâp gay gâp dơi bah; Dăn May sâm rklaih gâp gay gâp dơi rklaih; Yorlah May jêng Nơm gâp mât ton tâm rnê.

Yêrêmi 29:11

Brah Yêhôva lah: “Yorlah Gâp gĭt nau Gâp hŏ dăp jêh ma khân; nây jêng nau đăp mpăn mâu di ôh nau mhĭk, gay ma khân may geh du nar kăndơ̆ jêh ri du nau kâp gân.

Yêrêmi 3:22

“Hơi phung kon mâu răp jăp, plơ̆ sĭt hom! Gâp mra ƀư bah nau mâu răp jăp khân may.” Khân may plơ̆ lah: “Aơ, phung hên tât ma May, Yorlah May jêng Yêhôva Brah Ndu hên.

Ndrom Samƀŭt bơh Ôsê 6:1

“Văch hom, ăn he plơ̆ sĭt ma Brah Yêhôva Yorlah Păng hŏ sa hêk jêh he, ƀiălah Păng mra ƀư bah; Păng hŏ dong sôt he, ƀiălah mra put sôt.

Ndrom Samƀŭt bơh Ôsê 7:1

Tơlah Gâp ŭch ƀư bah ăn ma Israel Pôri nau tih Êphraim Jêh ri nau djơh mhĭk phung Samari hŏ mpơl jêh. Yorlah khân păng ƀư ma nau mƀruh, Phung ntŭng lăp tâm trôm Jêh ri phung kâp pit ƀư rai padih.

Mika 4:3

Păng mra ƀư nau phat dôih ta nklang âk mpôl băl bunuyh, Jêh ri phat dôih ta nklang lĕ bri dak dŭt dăng gŭ ntŭk ngai. Khân păng mra sŏk đao chiăr njêng kau kai, Sŏk tak chiăr njêng nhuĕ; Bri dak aơ mâu mra tŏk ôh đao tâm rdâng đah bri dak êng Jêh ri mâu lĕ hôm nti tay đŏng nau tâm lơh.

Mika 7:20

May mra tâm mpơl nau răp jăp ngăn ma Y-Yakôb Jêh ri nau ueh ăn ma Y-Abraham, Jêng nau May sơm ton ma phung chô yau hên Ntơm bơh rnôk saơm.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Yôhan 10:10

Bunuyh ntŭng knŏng văch gay ntŭng, nkhĭt, jêh ri ƀư rai, bi Gâp hŏ văch gay ma biăp geh nau rêh jêh ri nau rêh âk rmeh.

Êphêsô 6:23

Dăn nau đăp mpăn, nau rŏng jêh ri nau chroh tă bơh Brah Ndu jêng Mbơ̆, jêh ri tă bơh Kôranh Brah jêng Brah Yêsu Krist, gŭ ndrel phung oh nâu.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,