Yêrêmi 33:5 - Nau Brah Ndu Ngơi 2023

⁵ ‘Dôl tâm lơh ma phung tahan Kaldê, ngih vâl aơ mra bêng ma bunuyh khĭt ma phung Gâp hŏ nkhĭt tâm nau duh nuih jêh ri ji nuih; yorlah ƀon lan aơ janh ƀai ngăn Gâp pôn jêh muh măt tă ƀon nây.

Yêrêmi 33:5 Iomraidhean Croise

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Yêrêmi 18:17

Gâp mra ƀư ăn khân păng nchah rai pru pra tanăp măt phung rlăng Nâm bu sial tă luh nar khôm rdu. Tâm nar khân păng geh nau ji tưp, Gâp rle măt mâu uănh ma khân păng.”

Yêrêmi 21:10

Brah Yêhôva lah: ‘Yor Gâp hŏ tâm nal jêh nau ƀư mhĭk ntrok ma nau ƀư ueh ta ƀon aơ, yor nây ƀon aơ mra jao tâm ti hađăch Babilôn, jêh ri hađăch nây mra su ƀon aơ ma ŭnh.’

Yêrêmi 32:5

Y-Sêdêkia bu mra leo nsĭt rlet Babilôn păng mra gŭ ta nây kŏ tât Gâp chop khâl păng; nđâp lah khân may tâm rdâng đah phung Kaldê mâu mra dơi ôh.’ Brah Yêhôva lah pônây?”

Yêrêmi 42:18

N'hêl nanê̆ yơh, Brah Yêhôva ma phung tahan, Brah Ndu Israel, lah: ‘Nâm bu Gâp hŏ nkhŭt jêh nau nuih jêh ri nau ji nuih ma phung gŭ tâm ƀon Yêrusalem, lah khân may hăn rlet ma bri Êjipt, Gâp mra nkhŭt nau ji nuih Gâp ma khân may tâm ban lĕ. Khân may mra jêng ndơ bu suai rak jêh ri nau klach krit, nau rak rtăp jêh ri nau bêk prêng. Khân ay may mâu mra hôm saơ ntŭk aơ đŏng ôh.’

Nau Nhĭm Vơl 2:7

Păng hŏ mƀăr lơi jêh nơng ƀư brah, Tâm rmot lơi ntŭk kloh ueh; Păng hŏ jao jêh mpêr ngih hađăch ƀon Siôn Tâm ti phung rlăng; Khân păng troh nter tâm ngih Brah Yêhôva Nâm bu tâm nar rƀŭn.

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”

Mika 3:4

Nôk nây, lĕ phung kôranh nây mra mbơh sơm ma Brah Yêhôva, Ƀiălah Păng mâu ôh plơ̆ lah. Păng mra pôn muh măt bơh khân păng Yorlah khân păng hŏ ƀư jêh nau djơh mhĭk.

Nau Vay Nkah Tay 31:17

Tâm nar nây, Gâp mra ji nuih ma khân păng. Gâp mra chalơi khân păng jêh ri pôn muh măt Gâp ma khân păng, bu mra kăp rvăn khân păng kđôi jêh ri âk ntil nau mhĭk, nau uh ah tât ma khân păng. Tâm nar nây, khân păng mra lah: ‘Mâu di hĕ nau mhĭk aơ tât ma gâp yorlah Brah Ndu mâu ŭch gŭ ta nklang gâp mâu?’

Nau Vay Nkah Tay 31:18

Bi Gâp, tâm nar nây, n'hêl nanê̆ Gâp mra pôn muh măt Gâp yorlah lĕ rngôch nau djơh mhĭk khân păng hŏ ƀư jêh dôl khân păng nchuăt tĭng phung brah êng.

Nau Vay Nkah Tay 32:20

Păng lah: “Gâp mra pôn muh măt Gâp Gay saơ moh nau mra jêng kêng lôch dŭt khân păng, Yorlah khân păng jêng noi deh tih mhĭk ngăn, Jêng phung kon mâu geh nau răp jăp ôh.