Yêrêmi 33:3 - Nau Brah Ndu Ngơi 2023

³ ‘Kuăl mbơh sơm hom ma Gâp, Gâp mra plơ̆ lah ma may; Gâp mra mpơl ma may lĕ kan toyh jêh ri jêr, jêng lĕ kan may mâp gĭt ôh.’

Yêrêmi 33:3 Iomraidhean Croise

Nau Mprơ Ơm 145:18

Brah Yêhôva gŭ dăch đah lĕ rngôch phung kuăl mbơh sơm ma Păng, Jêng gŭ dăch phung kuăl mbơh sơm ma Păng ma nau nanê̆ ngăn.

Nau Mprơ Ơm 25:14

Brah Yêhôva jan jiăng ndrel ma phung klach yơk ma Păng, Jêh ri mpơl ma nơm nây gĭt nau tâm rnglăp Păng.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Êsai 45:3

Gâp mra ăn ma may jay ndơ khlay ndâp, Drăp ndơ bu prăp tâm ntŭk ndâp, Gay ma dơi gĭt Gâp yơh jêng Yêhôva Brah Ndu, Brah Ndu phung Israel, Nơm hŏ kuăl amoh may.

Êsai 48:6

May tăng jêh, aƀaơ aơ uănh hom lĕ nau nây. Khân may mâu mra mbơh hĕ nau nây? Ntơm aƀaơ, Gâp mra ăn may gĭt ma lĕ nau mhe, Jêng lĕ nau kan ndâp khân may mâu mâp gĭt ôh.

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Yêrêmi 23:35

Pônây, aơ jêng nau ăp nơm ôp phung chiau meng păng jêh ri ăp nơm ôp ma oh nâu păng: ‘Mâm nau Brah Yêhôva hŏ plơ̆ lah jêh?’ Mâu lah ‘Mâm nau Yêhôva lah jêh?’

Yêrêmi 29:12

Nôk nây khân may mra kuăl dăn Gâp, văch mbơh sơm ma Gâp, jêh ri Gâp mra iăt nau khân may.

Yêrêmi 32:17

‘Ơ Yêhôva Brah Ndu ơi! May yơh geh nau brah toyh jêh ri mpang ti brah toyh may rhăk njêng jêh trôk jêh ri neh ntu! Mâu geh ôh du ntil nau jêng jêr ir ma May.

Yêrêmi 32:27

“Aơ, Gâp jêng Yêhôva, Brah Ndu ma lĕ rngôch bunuyh; geh lĕ moh nau jêr ir ma Gâp đŏng?

Daniel 2:18

jêh ri đă khân păng dăn nau yô̆ bơh Brah Ndu tâm trôk ma nau ndâp aơ, gay ma Y-Daniel jêh ri phung băl păng mâu geh khĭt ndrel ma phung njêh êng tâm n'gor bri Babilôn.

Daniel 2:22

Păng nơm yơh tâm mpơl lĕ nau jru ndâp ngăn; Păng gĭt lĕ nau tât geh tâm nau ngo Jêh ri nau ang gŭ ndrel ma păng.

Daniel 2:23

Ơ Brah Ndu phung chô yau gâp, Gâp lah ueh jêh ri tâm rnê ma May, Yorlah May ăn jêh nau blau mĭn jêh ri nau dơi ma gâp, Aƀaơ aơ, May tâm mpơl ma gâp gĭt nau hên dăn ôp May, Yorlah May mpơl ăn ma hên nau hađăch tĭng joi.”

Yôel 2:32

Rnôk nây, mbu nơm kuăl dăn amoh Brah Yêhôva mra dơi rklaih da dê Yorlah tĭng nau Brah Yêhôva, Ta klơ yôk Siôn jêh ri tâm ƀon Yêrusalem Mra geh bunuyh dơi tâm rklaih; Jêh ri tâm phung hôm e rêh klen, Mra dơi geh bunuyh Brah Yêhôva kuăl.

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Mika 7:15

Gâp mra tâm mpơl ma khân păng lĕ nau mbên khlay, Nâm bu tâm lĕ nar khân păng du luh tă bơh n'gor bri Êjipt.

Mathay 13:35

Pôri, n'hêl nanê̆ jêh nau nơm mbơh lor: “Gâp mra hă mbung gay ngơi lĕ nau hôr, Gâp mra mbơh lĕ nau pôn ndâp ntơm rnôk rhăk njêng neh ntu.”

Kôranh Oh Mon 2:21

Jêh ri mbu nơm kuăl dăn amoh Kôranh Brah mra dơi rklaih.’

I Kôrintô 1:2

nchih njuăl ma Phung Ngih Brah Ndu ta ƀon Kôrintô jêh ri ma phung geh nau kloh ueh jêh tâm Brah Yêsu Krist, dơi rnha jêng phung kloh ueh, nđâp ma lĕ rngôch phung gŭ lam ntŭk dôl mbơh sơm ma amoh Kôranh Brah he jêng Brah Yêsu Krist, Kôranh Brah khân păng jêh ri Kôranh Brah he.

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.

Nau Vay Nkah Tay 4:29

Ƀiălah bơh ntŭk nây đŏng khân may mra joi Yêhôva Brah Ndu jêh ri ndah nâm jŏ khân may joi Păng ma lĕ nuih n'hâm, ma lĕ huêng, pôri khân may mra tâm mâp đah Păng.

Nau Vay Nkah Tay 4:7

Yorlah mbu phung ƀon lan toyh geh du brah gŭ dăch khân păng tâm ban ma Yêhôva Brah Ndu gŭ dăch he ăp tơ̆ he kuăl mbơh sơm ma păng?

Nau Tâm Mpơl 2:17

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm mra dơi, Gâp mra ăn mana pôn ndâp; Gâp mra ăn ma bunuyh nây du lŭ jê̆ nglang, ta lŭ nây bu nchih jêh du amoh mhe, mâu geh bunuyh gĭt ôh, knŏng nơm sŏk dơn dơm dơi gĭt.’ ”