Yêrêmi 33:21 - Nau Brah Ndu Ngơi 2023

²¹ pôri nau tâm rnglăp Gâp đah Y-Đavit, oh mon Gâp, ri mơ dơi chah rai, mâm bu păng mâu hôm geh ôh kon sau thoi chiă uănh gŭ ta sưng hađăch, jêh ri nau Gâp tâm rnglăp đah phung kôranh ƀư brah noi deh Lêvi, đơ phung oh mon Gâp, tâm ban pônây lĕ.

Yêrêmi 33:21 Iomraidhean Croise

II Samuel 23:5

Mâu di hĕ ngih gâp nâm bu pônây tanăp măt Brah Ndu? Yorlah Păng hŏ njêng jêh đah gâp du nau tâm rnglăp n'ho ro, Lĕ rngôch nau vay hŏ dăp jêh jêh ri mât mray. Mâu di hĕ lĕ nau tâm rklaih jêh ri lĕ nau gâp ŭch ngăn Păng nơm yơh mra ƀư jêng ƀơh?

II Nau Rêh Jêng 21:7

Ƀiălah, yorlah Brah Yêhôva hŏ ƀư jêh nau tâm rnglăp đah Y-Đavit, Păng hŏ ton mra ăn du mlâm ŭnh kađen ma Y-Đavit jêh ri ăn tât ma phung kon sau păng kŏ tât ƀaƀơ n'ho ro, yor ri Păng mâu ŭch ƀư rai ngih Y-Đavit.

II Nau Rêh Jêng 7:18

pôri Gâp mra ƀư ma sưng hađăch may dơi nâp nâm bu nau tâm rnglăp Gâp ƀư jêh đah Y-Đavit, mbơ̆ may pô aơ: ‘May mâu mra pưt ôh bunuyh chiă uănh phung Israel.’

Nau Mprơ Ơm 132:17

Ta nây, Gâp mra ăn nke Đavit chăt hao; Gâp ndrăp jêh du mlâm ŭnh kađen ma nơm Gâp troch jêh dak ngi.

Nau Mprơ Ơm 89:34

Gâp mâu mra chalơi ôh nau Gâp tâm rnglăp, Mâu lĕ tâm rgâl moh nau lah jêh bơh bâr mbung Gâp.

Nau Mprơ Ơm 89:36

Noi deh păng mra hôm n'ho ro, Jêh ri sưng hađăch păng mra gŭ mro nâm bu nar tanăp Gâp.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Êsai 66:22

“Yorlah tâm ban ma trôk mhe jêh ri neh mhe Gâp rhăk njêng jêh, Mra ăt hôm e tanăp Gâp tâm ban kơt nây lĕ, Noi deh jêh ri amoh săk năm deh khân may mra ăt hôm e nâm bu kơt nây lĕ.” Brah Yêhôva lah pônây.

Yêrêmi 33:18

phung kôranh ƀư brah noi deh Lêvi ăt mâu mra pưt lĕ du huê bunuyh pah kan tanăp măt Gâp gay ma nhhơr ndơ ƀư brah gŭch, su ndơ ƀư brah rnih môi, jêh ri nhhơr ndơ ƀư brah ăp nar.’”

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Nau Tâm Mpơl 5:10

Jêh ri ƀư ma khân păng plơ̆ jêng ƀon bri hađăch jêh ri kôranh ƀư brah ma Brah Ndu he, Jêh ri khân păng mra chiă uănh ta neh ntu.”