Yêrêmi 33:2 - Nau Brah Ndu Ngơi 2023

² “Brah Yêhôva jêng Nơm njêng jêh kan aơ, Brah Yêhôva jêng Nơm rhăk njêng jêh ri ŭch ƀư nâp nau kan aơ, amoh Păng jêng Yêhôva, lah:

Yêrêmi 33:2 Iomraidhean Croise

Nau Mprơ Ơm 102:16

Tơlah Brah Yêhôva rdâk tay ƀon Siôn, Păng tâm mpơl tâm nau chrêk rmah Păng.

Nau Mprơ Ơm 87:5

Di yơh, bu mra lah ma Siôn pô aơ: “Nơm aơ jêh ri nơm ri bu deh jêh ta nây”; Nơm Dŭt Prêh yơh mra ndâk nâp Siôn.

Nau Ngluh Êjipt 15:3

Brah Yêhôva jêng du huê tahan; Amoh Păng jêng Brah Yêhôva.

Nau Ngluh Êjipt 6:3

Gâp hŏ tâm mpơl jêh ma Y-Abraham, Y-Isăk, jêh ri ma Y-Yakôb nhhơ Gâp nơm jêng Brah Ndu Geh Lĕ Nau Brah; ƀiălah Gâp ê hŏ mpơl ôh ma khân păng gĭt tâm amoh Gâp jêng Brah Yêhôva.

Êsai 14:32

Moh nau mra plơ̆ lah ma phung mbơh bơh bri dak aơ? Plơ̆ lah hom pô aơ: “Brah Yêhôva rdâk jêh Siôn, Jêh ri phung o ach tâm phung ƀon lan Păng mra dơi joi ntŭk nde.”

Êsai 37:26

Di lĕ may mâu mâp tăng pô aơ Gâp hŏ nal jêh nau aơ bơh jŏ jêh? Lĕ nau Gâp hŏ ndrăp ơm bơh kăl e, Aơ ri Gâp ƀư ăn tât nau nây; Gay ma may ƀư lĕ ƀon nâp, Jêng lĕ mbŭch rlâm rai nchah rngot njăp jêh.

Êsai 42:8

Gâp jêng Brah Yêhôva, pônây yơh jêng amoh Gâp. Gâp mâu mra ăn ôh nau chrêk rmah Gâp ma nơm êng, Mâu lĕ ăn nau tâm mprơ rnê Gâp ma lĕ rup brah trah!

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 43:21

Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Êsai 62:7

Mâu lĕ ăn Păng rlu Kŏ tât nôk Păng ndâk njêng tay Yêrusalem, Jêh ri njêng păng jêng nau tâm rnê tâm lam neh ntu!

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yêrêmi 16:21

“Yor nây, Gâp mra ăn ma khân păng gĭt, Nanê̆, tơ̆ aơ Gâp mra nti ăn khân păng gĭt Nau ktang jêh ri nau brah Gâp. Jêh ri khân păng mra gĭt Amoh Gâp jêng Yêhôva.”

Yêrêmi 32:18

May tâm mpơl nau yô̆ tât rbăn rô̆ nuyh, ƀiălah rmal nau tih phung mbơ̆ tât ma phung kon sau. Ơ! May jêng Brah Ndu dŭt toyh jêh ri Nơm geh nau brah, amoh May jêng Brah Yêhôva ma phung tahan.

Yêrêmi 51:19

Ƀiălah drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Israel jêng mpôl băl drăp ndơn Păng; Amoh Păng jêng Brah Yêhôva ma phung tahan.

Amôt 5:8

Joi hom Nơm hŏ rhăk njêng rchuăl mănh Plêat jêh ri mănh Ôrlon; Rgâl nau ngo klĕng jêng ơm ôi, Rgâl nôk nar jêng măng krăk, Kuăl dak mƀŭt Jêh ri nkhŭt păng ta klơ neh; Amoh Păng jêng Brah Yêhôva.

Amôt 9:6

Kôranh Brah hŏ ndâk jrô Păng tâm lĕ ndâr trôk, Jêh ri ndâk rvang Păng ta klơ neh. Păng kuăl dak mƀŭt Jêh ri nkhŭt ta klơ neh. Amoh Păng jêng Brah Yêhôva.

ហេឞ្រើ 11:10

Yorlah păng gŭ kâp du ƀon geh mbon nâp bơh Brah Ndu nơm hŏ nkra jêh ri rdâk njêng.

ហេឞ្រើ 11:16

Ƀiălah khân păng ŭch geh du ƀon tơm ueh lơn, nây jêng ƀon tơm ta klơ trôk, pôri Brah Ndu mâu bêk prêng ôh gay mbơh Păng nơm jêng Brah Ndu khân păng, yorlah Păng ndrăp lor du ƀon ma khân păng.

Nau Tâm Mpơl 21:10

Brah Huêng Ueh ntrŭt ntrôl gâp jêh ri tông mpăr njŭn leo gâp tât ta yôk toyh dŭt prêh, jêh ri ntĭm ma gâp saơ ƀon kloh ueh jêng ƀon Yêrusalem jŭr tă bơh ntŭk Brah Ndu klơ trôk,

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.