Yêrêmi 33:18 - Nau Brah Ndu Ngơi 2023

¹⁸ phung kôranh ƀư brah noi deh Lêvi ăt mâu mra pưt lĕ du huê bunuyh pah kan tanăp măt Gâp gay ma nhhơr ndơ ƀư brah gŭch, su ndơ ƀư brah rnih môi, jêh ri nhhơr ndơ ƀư brah ăp nar.’”

Yêrêmi 33:18 Iomraidhean Croise

Êsra 3:5

Pakơi nây, khân păng nhhơr lĕ ndơ ƀư brah gŭch ƀaƀơ, nđâp ma lĕ ndơ ƀư brah ta nar bôk khay mhe jêh ri ta lĕ rngôch nar rƀŭn khư yơk prăp ma nau kloh ueh ma Brah Yêhôva, tâm ban đŏng lĕ ndơ ƀư brah ma ăp nơm ŭch nhhơr ma Brah Yêhôva.

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Êsai 61:6

Bi khân may bu mra rnha khân may phung kôranh ƀư brah ma Brah Yêhôva, Bu mra kuăl khân may jêng phung oh mon Brah Ndu he; Khân may mra dơn drăp ndơ bơh lĕ bri dak, Jêh ri sŏk lĕ nau geh jêng khân păng.

Yêrêmi 33:19

Geh nau Brah Yêhôva ngơi ma Y-Yêrêmi:

Yêrêmi 33:22

Bu mâu dơi kơp ôh lĕ mănh klơ trôk jêh ri mâu dơi nhueh lĕ ôh choih tâm dâng dak mƀŭt; Gâp mra ƀư tâm lĕ ăn ma phung kon sau Y-Đavit, oh mon Gâp, jêh ri phung kon sau Lêvi, phung pah kan ma Gâp, bĭk rơ̆ tâm ban pônây.’”

Yêrêmi 35:19

Yor nây, Brah Yêhôva ma phung tahan, Brah Ndu Israel, lah pô aơ: ‘Y-Jêhônadap, kon bu klâu Y-Rêkap, mâu mra pưt ôh du huê bunuyh dâk panăp Gâp.’”

Êsêkiêl 44:15

“Bi phung kôranh ƀư brah noi deh Lêvi, phung kon sau Y-Sadôk, hôm e mât mray ntŭk kloh ueh Gâp tơlah phung ƀon lan Israel vĭ nhhơt du ngai đah Gâp. Lĕ rngôch phung nây mra văch dăch Gâp gay pah kan ma Gâp. Khân păng mra dâk tanăp Gâp gay nhhơr ngi jêh ri mham, Kôranh Brah Yêhôva lah pônây.

Êsêkiêl 45:5

Du ntŭk neh êng nau jong geh jât ma bar rmưn prăm rhiăng met, nau dĭ rkăng prăm rbăn met, njêng ndơ mpeh ma phung Lêvi. Lĕ phung aơ pah kan tâm ngih brah jêh ri geh bar jât ƀon.

Nau Kơp Bunuyh 3:5

Brah Yêhôva ngơi đah Y-Môis:

Samƀŭt Pôl Njuăl Ăn Ma Phung Nsing Ta Ƀon Rôm 1:21

Yorlah nđâp tơlah hŏ gĭt năl jêh Brah Ndu, khân păng mâu ŭch tâm n'hao prêh ma Păng jêng Brah Ndu ôh jêh ri mâu lah ueh Păng, ƀiălah khân păng ăt mĭn mâu geh kô̆; nuih n'hâm rluk mâl khân păng plơ̆ jêng nau ngo klĕng.

Samƀŭt Pôl Njuăl Ăn Ma Phung Nsing Ta Ƀon Rôm 15:16

gay ma jêng oh mon Brah Yêsu Krist ta nklang phung bu năch, ƀư nau kan ndơ ƀư brah ma Nau Mhe Mhan Ueh Brah Ndu, gay ma phung bu năch plơ̆ jêng ndơ nhhơr ueh nuih n'hâm Kôranh Brah, dơi ƀư kloh ueh tă bơh Brah Huêng Ueh.

Nau Vay Nkah Tay 18:1

“Phung kôranh ƀư brah noi deh Lêvi jêh ri nđâp ma ndŭl mpôl Lêvi mâu mra dơi geh ôh kô̆ tâm pă mâu lah drăp ndơn ndrel ma phung Israel. Khân păng mra rêh đah mpa ƀư brah ăn ŭnh sa nhhơr ma Yêhôva, jêng ndơ tă bơh Păng.

Nau Vay Nkah Tay 24:8

Njrăng hom nau tâm tưp ji phŭng sa. Ăn khân may blau njrăng ngăn jêh ri djôt prăp lĕ ntil nau bơh phung kôranh ƀư brah noi deh Lêvi mra ntĭm nti khân may; ƀư moh nau gâp hŏ ntĭm jêh ma khân păng.

Yôsuê 3:3

ntăm ma phung ƀon lan pô aơ: “Lah khân may saơ Hip Nau Tâm Rnglăp Yêhôva Brah Ndu khân may phung kôranh ƀư brah Lêvi tung hăn, ăn khân may du luh bơh ntŭk khân may jêh ri tĭng groi pakơi hip nây.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

Nau Tâm Mpơl 1:6

jêh ri ƀư ma he plơ̆ jêng ƀon bri hađăch, plơ̆ jêng phung kôranh ƀư brah ma Brah Ndu, Mbơ̆ Păng, khư geh nau tâm rnê jêh ri nau dơi n'ho ro! Amen.

Nau Tâm Mpơl 5:10

Jêh ri ƀư ma khân păng plơ̆ jêng ƀon bri hađăch jêh ri kôranh ƀư brah ma Brah Ndu he, Jêh ri khân păng mra chiă uănh ta neh ntu.”