Yêrêmi 33:12 - Nau Brah Ndu Ngơi 2023

¹² Brah Yêhôva ma phung tahan lah: ‘Tâm ntŭk rngol aơ, mâu geh du huê bunuyh ôh, mâu lah mpô mpa, jêh ri tâm ăp rplay ƀon păng, mra geh tay ndrêch gơ̆ ăn ma phung rmăk biăp djôt leo phung biăp păng văch gŭ rlu.

Yêrêmi 33:12 Iomraidhean Croise

Nau Mprơ Ueh 1:7

Hơi nơm gâp rŏng ma nuih n'hâm gâp, Dăn ăn gâp gĭt ta ntŭk may chiăp biăp, Ta ntŭk may ăn khân păng rlu nar nklang bôk; Moh yor gâp jêng nâm bu du huê bu ur nkŭm măt Kêng phung biăp phung băl may?

Êsai 65:10

Ma phung ƀon lan Gâp, phung tĭng joi jêh Gâp, Sarôn mra jêng ntŭk ndrêch gơ̆ ma phung biăp, Jêh ri rlŭng Akôr mra jêng ntŭk rlu ma phung ndrôk kuen.

Yêrêmi 17:26

Phung ƀon lan tă bơh lĕ ƀon n'gor Yuđa jêh ri lĕ n'gor êp kêng Yêrusalem, bơh neh Benjamin, bơh neh Sêphêla, bơh bri dor yôk, jêh ri bơh Nêgep, mra văch tât, djôt leo ndơ ƀư brah gŭch jêh ri lĕ ndơ ƀư brah, ndơ ƀư brah rnih môi jêh ri ndơ ƀâu kah, ndrel ndơ ƀư brah tâm rnê lah ueh, tât ma ngih Brah Yêhôva.

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Yêrêmi 31:24

N'gor Yuđa jêh ri lĕ rngôch ƀon toyh păng mra rêh ta nây, nâm bu phung kan mir jêh ri phung rmăk leo phung biăp mra gŭ ndrel ma mpô mpa rong.

Yêrêmi 32:15

Yorlah Brah Yêhôva ma phung tahan, Brah Ndu Israel, lah: ‘Bu mra rvăt đŏng ngih, mir, jêh ri đang krăk ƀâu tâm bri aơ.’

Yêrêmi 36:29

Bi ma Y-Jêhôjakim, hađăch Yuđa, ăn may lah: Brah Yêhôva lah: ‘May lĕ su lơi jêh ndrom samƀŭt ntâu nây jêh ri lah: Mâm ƀư may nănh nchih pô aơ hađăch Babilôn mra văch tât nanê̆ ngăn ƀư rai bri aơ jêh ri mra ƀư rai lĕ rngôch bunuyh nđâp mpô mpa rong?’

Yêrêmi 50:6

Phung ƀon lan Gâp lĕ jêng phung biăp nhhơt trong jêh; phung rmăk biăp ƀư ma khân păng hăn nhhơt trong gay ma khân păng gŭ êng ta klơ lĕ yôk, nsong blêng lĕ yôk tât dor, chuêl ndrung n'gar khân păng nơm.

Yêrêmi 51:62

Jêh ri lah: ‘Ơ Brah Yêhôva, May hŏ lah jêh May mra ƀư rai ƀon aơ, ntơm bơh kon bunuyh tât ma mpô mpa mâu dơi rêh da dê ôh, jêh ri ntŭk aơ mra jêng rngol ƀaƀơ n'ho ro.’

Êsêkiêl 36:35

Khân păng mra lah: “Bri neh rngol aơ hŏ jêng nâm bu n'gar Êđen; đơ ƀon lĕ rlâm rai, jêng rngol jêh ri ntŭk hŏ rai, aƀaơ lĕ nkra tay jêh ri geh bunuyh gŭ!”

Ndrom Samƀŭt bơh Agê 1:4

“Aƀaơ di lĕ jêng nôk khân may gŭ tâm trôm ngih ndop klơ ma kađar, dôl ngih aơ hôm e rlâm rai?