Yêrêmi 33:11 - Nau Brah Ndu Ngơi 2023

¹¹ bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Yêrêmi 33:11 Iomraidhean Croise

I Nau Rêh Jêng 16:34

Tâm rnê hom ma Brah Yêhôva, yorlah Păng jêng ueh; Nau ueh Păng hôm ƀaƀơ n'ho ro.

I Nau Rêh Jêng 16:8

Mprơ tâm rnê hom ma Brah Yêhôva, jêh ri kuăl mbơh sơm ma amoh Păng, Mbơh hom nau kan Păng ta nklang phung mpôl băl bunuyh!

II Nau Rêh Jêng 20:21

Hađăch tâm chră jêh đah phung ƀon lan jêh ri păng dơm phung mprơ gay mât ton ma Brah Yêhôva. Khân păng nsoh ao kloh ueh, n'ho chuat panăp phung tahan n'ho tâm rnê Brah Ndu pô aơ: “Tâm rnê lah ueh hom ma Brah Yêhôva, Yorlah nau ueh Păng hôm e tât ƀaƀơ n'ho ro.”

II Nau Rêh Jêng 29:31

Hađăch Hêsêkia lah: “Aƀaơ ri, khân may prăp jêh khân may nơm jêng kloh ma Brah Yêhôva. Văch hom, djôt mpa ƀư brah jêh ri ndơ ƀư brah tâm rnê lăp tâm ngih Brah Yêhôva.” Phung tâm rƀŭn leo ro lĕ mpa ƀư brah jêh ri ndơ ƀư brah tâm rnê lah ueh, geh đŏng phung nđơr êng djôt nhhơr lĕ ndơ ƀư brah gŭch.

II Nau Rêh Jêng 5:13

Phung uh nŭng nđâp ma phung mprơ ăn bu iăt khân păng tâm rnglăp tâm ban du huê, mât ton tâm rnê ma Brah Yêhôva. Khân păng mprơ ndrel nđâp ma bâr nŭng, bâr rgu dang nteh ăn huy, jêh ri lĕ gong êng, jêh ri mât ton ma Brah Yêhôva pô aơ: “Yorlah Kôranh Brah jêng ueh, Nau ueh Păng hôm tât ƀaƀơ n'ho ro!” Nôk nây, ngih Brah Yêhôva geh bêng tŭk

II Nau Rêh Jêng 7:3

Lĕ rngôch phung ƀon lan Israel saơ da dê ŭnh tă klơ jêh ri nau chrêk rmah Brah Yêhôva bêng ngih brah. Khân păng păn ta neh, nkŭp muh măt ta klơ mbon ngih, yơk mbah jêh ri tâm rnê ma Brah Yêhôva pô aơ: “Yorlah Kôranh Brah jêng ueh, Nuih n'hâm ueh Păng hôm gŭ ƀaƀơ n'ho ro!”

Êsra 6:22

Khân păng djôt prăp nau rƀŭn Piăng Let Mâu Geh Ndrui tâm pơh nar ma nau răm maak, yorlah Brah Yêhôva hŏ ƀư ăn nuih n'hâm khân păng hâk răm nôk rgâl nuih n'hâm hađăch Asiri, ƀư ăn hađăch kơl ma khân păng tâm nau ndâk ngih brah Brah Ndu, jêng Brah Ndu phung Israel.

Nêhêmi 12:43

Tâm nar nây, khân păng nhhơr lĕ ndơ ƀư brah nau khư yơk jêh ri bêng nau răm maak, yorlah Brah Ndu ƀư ăn khân păng răm rhơn. Phung bu ur jêh ri kon se răm maak tâm ban lĕ. Nau răm maak tă bơh Yêrusalem bu tăng lư tât ntŭk ngai.

Nêhêmi 8:12

Lĕ rngôch ƀon lan hăn sông sa nhêt jêh ri njuăl kô̆ ndơ sa ma bunuyh mâu geh. Khân păng sông sa tâm nau răm maak ngăn, yorlah khân păng gĭt rbăng jêh lĕ nau ngơi bu hŏ ntĭm nti jêh ma khân păng.

Nau Mprơ Ơm 106:1

Halêluya! Mprơ tâm rnê hom ma Brah Yêhôva, yorlah Păng jêng ueh, Nau ueh Păng hôm ƀaƀơ n'ho ro.

Nau Mprơ Ơm 107:1

Tâm rnê lah ueh hom ma Brah Yêhôva yorlah Păng jêng ueh; Nau ueh Păng hôm ƀaƀơ n'ho ro.

Nau Mprơ Ơm 107:22

Ăn khân păng nhhơr ndơ ƀư brah nau tâm rnê lah ueh, Jêh ri nkoch bri lĕ kan Păng ma nau mprơ răm maak.

Nau Mprơ Ơm 116:17

Gâp mra nhhơr ma May ndơ nhhơr tâm rnê May. Jêh ri gâp mra kuăl mbơh sơm ma amoh Brah Yêhôva.

Nau Mprơ Ơm 147:13

Yor Păng hŏ ƀư nâp jêh mâng nđăng mpông pêr may, Jêh ri ăn nau ueh uĭn ma phung kon may ta nklang may.

Nau Mprơ Ơm 85:7

Ơ Brah Yêhôva, dăn mpơl nau ueh May ăn ma hên, Jêh ri ăn ma hên nau May tâm rklaih.

Êsai 35:10

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter răm rhơn; Nau hâk răm n'ho ro mra gŭ ta klơ bôk khân păng. Khân păng mra bêng nau maak, Jêh ri nau rngot lŭng nter mra roh lĕ.

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Êsai 51:3

Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Êsai 52:8

Phung gak may troh mprơ, Khân păng troh n'grŭp ma nau maak; Yorlah khân păng mra saơ rah vah ma măt Brah Yêhôva plơ̆ sĭt tay ma ƀon Siôn.

Êsai 52:9

Ơ ntŭk rlâm tâm ƀon Yêrusalem, Troh hom ma nau mprơ ndrel n'grŭp. Yorlah Brah Yêhôva hŏ bonh leng jêh phung ƀon lan Păng, Tâm chuai jêh ƀon Yêrusalem.

Yêrêmi 16:9

Yorlah Brah Yêhôva ma phung tahan, Brah Ndu phung Israel, lah: ‘Aơ, tanăp măt khân may, tâm rô̆ khân may, Gâp mra ƀư ăn n'gor aơ mâu hôm geh nau răm maak ma bâr mprơ, mâu hôm geh bâr klay ƀăn.’

Yêrêmi 17:26

Phung ƀon lan tă bơh lĕ ƀon n'gor Yuđa jêh ri lĕ n'gor êp kêng Yêrusalem, bơh neh Benjamin, bơh neh Sêphêla, bơh bri dor yôk, jêh ri bơh Nêgep, mra văch tât, djôt leo ndơ ƀư brah gŭch jêh ri lĕ ndơ ƀư brah, ndơ ƀư brah rnih môi jêh ri ndơ ƀâu kah, ndrel ndơ ƀư brah tâm rnê lah ueh, tât ma ngih Brah Yêhôva.

Yêrêmi 25:10

‘Gâp mra ƀư ăn ta nklang khân păng mâu hôm geh bâr mprơ răm maak, bâr klay bâr ƀăn, nteh bu rvah mpăl, jêh ri mâu hôm ang nchrat ang ŭnh kađen.

Yêrêmi 29:14

Brah Yêhôva lah: “Gâp mra ăn khân may dơi mâp Gâp jêh ri gâp mra njŭn leo khân may bơh ntŭk ƀư dĭk. Gâp mra rgum tay khân may bơh lĕ rngôch bri dak jêh ri bơh lĕ rngôch ntŭk Gâp hŏ mprơh khân may. Gâp mra njŭn khân may sĭt tă bơh ntŭk Gâp hŏ nhŭp veng leo jêh khân may.”

Yêrêmi 30:19

Tă bơh ntŭk khân păng tăng nau mprơ tâm rnê Jêh ri bâr troh maak phung răm rhơn. Gâp mra ăn khân păng âk lơn, mâu di hŭch ôh Gâp mra ƀư đŏng khân păng dơi geh nau bu yơk, mâu hôm jêng jê̆ ôh.

Yêrêmi 30:3

Brah Yêhôva lah: ‘Aơ, nar panăp Gâp mra njŭn leo phung ƀon lan Israel jêh ri Yuđa Gâp plơ̆ sĭt tă bơh ntŭk jêng dĭk, Gâp mra njŭn leo khân păng sĭt tâm bri dak Gâp hŏ ăn jêh ma phung chô yau khân păng, jêh ri khân păng mra sŏk dơn bri dak nây ƀư drăp ndơn.’ Brah Yêhôva lah pônây.”

Yêrêmi 32:44

Bu mra rvăt mir ma prăk, nchih samƀŭt tăch, tâp pŏng tay, jă bunuyh nơm gĭt nanê̆ tâm bri Benjamin, jêh ri tâm ntŭk văr jŭm ƀon Yêrusalem, tâm lĕ rngôch ƀon n'gor Yuđa jêh ri tâm lĕ ƀon klơ yôk, n'gor Sêphêla jêh ri n'gor Nêgep. Yorlah Gâp mra ăn phung jêng bu nă plơ̆ sĭt tay đŏng.’” Yêhôva lah pônây.

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Yêrêmi 33:7

Gâp mra njŭn leo phung bu nă Yuđa jêh ri bu nă Israel plơ̆ sĭt; ndâk tay khân păng nâm bu ntơm bơh saơm.

Yêrêmi 7:34

Aƀaơ, Gâp mra ƀư lĕ ƀon Yuđa jêh ri rŏ trong Yêrusalem rlu bâr troh răm maak, bâr bu klâu ntơm nsông ur jêh ri bâr bu ur nđăp ma sai, yorlah neh aơ mra jêng ntŭk rngol.”

Amôt 9:14

Gâp mra njŭn leo phung ƀon lan Israel Gâp plơ̆ sĭt bơh bu nă; Khân păng mra ndâk tay lĕ ƀon toyh lĕ rai jêh, jêh ri gŭ ta nây. Khân păng mra tăm đang krăk ƀâu jêh ri nhêt ndrănh păng, Khân păng mra jik mir khân păng jêh ri sa play păng.

Yônais 2:9

Phung mĭn rvê ma nau mƀruh Pôri nau yô̆ nđach mra chalơi khân păng.

Nahum 1:7

Brah Yêhôva jêng ueh ngăn, Jêng pôih nâp tâm nar rêh ni; Păng gĭt phung du krap tâm ntŭk Păng.

Sôphôni 3:14

Hơi kon bu ur Siôn, mprơ huy hom! Hơi Israel, nter bâr ngơi huy! Hơi kon bu ur ƀon Yêrusalem, Răm rhơn hom ma lĕ nuih n'hâm!

Sakari 10:7

Phung Êphraim mra jêng nâm bu phung geh nau janh, Nuih n'hâm khân păng hâk răm nâm bu nôk nhŭl ndrănh; Phung kon khân păng mra saơ nau nây jêh ri răm maak, Nuih n'hâm khân păng mra maak tâm Brah Yêhôva.

Sakari 8:19

Brah Yêhôva ma phung tahan lah: “Lĕ nau ât sông sa ta khay puăn, ta khay prăm ta khay pơh, jêh ri khay jât mra jêng nau maak răm, jêh ri lĕ nar rƀŭn bêng ma nau maak ma Yuđa. Yor nây rŏng hom ma nau nanê̆ ngăn jêh ri đăp mpăn.”

Sakari 9:17

Ngăn yơh, ueh reh ngăn lĕ rngôch nau ueh! Ba mra ƀư ăn dăng phung mom ndăm, Jêh ri ndrănh mhe ƀư răm maak ma phung bu ur druh.

Yôhan 3:29

Mbu mhe gŭ ur, păng nây jêng klay; ƀiălah mĭt jiăng klay gŭ iăt jêh ri maak răm ngăn nôk tăng bâr klay ngơi. Nây jêng nau gâp răm maak nanê̆ rĭng ngăn.

ហេឞ្រើ 13:15

Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

Nau Tâm Mpơl 18:23

Nau ang kađen mâu mra nchrat ang ta ntŭk may đŏng; nteh maak ma ur sai mhe mâu mra hôm tăng ta ntŭk may đŏng, yorlah phung tăch rgâl may jêng phung bunuyh geh nau ktang ta neh ntu, jêh ri yorlah may dŏng nau ƀŭk rƀên gay ndơm mƀruh ma lĕ rngôch mpôl băl bunuyh.