Yêrêmi 32:8 - Nau Brah Ndu Ngơi 2023

⁸ Y-Hanamel, kon bu klâu kônh gâp, tông bâr Brah Yêhôva văch ma gâp tâm nhuang ntŭk phung tahan gak, jêh ri lah: ‘Gâp dăn ma may rvăt tay mir gâp ta ƀon Anathôt, tâm bri Benjamin, yorlah may geh nau dơi chuai jêh ri dơi jêng tâm mir nây; dăn may rvăt ăn ma may nơm.’ Rnôk nây, gâp gĭt nau nây jêng nau Brah Yêhôva ngơi!

Yêrêmi 32:8 Iomraidhean Croise

I Phung Hađăch 2:26

Jêh nau nây, hađăch ntăm ma kôranh ƀư brah Y-Abiathar: “Hăn sĭt hom ma tâm mir may ta Anathôt, yorlah may khư khĭt. Ƀiălah nar aơ gâp mâu nkhĭt ôh may, yorlah may tung Hip Nau Tâm Rnglăp Kôranh Brah jêng Brah Yêhôva, tanăp măt Y-Đavit, mbơ̆ gâp, jêh ri yor may lĕ tâm pă jêh lĕ rngôch nau rêh ni nđâp ma mbơ̆ gâp.”

I Phung Hađăch 22:25

Y-Mika lah: “May mra gĭt rah vah nau nây tâm nar may nchuăt tă bơh jrô aơ tât ma jrô ri gay du krap.”

I Nau Rêh Jêng 6:60

Ntơm bơh ndŭl mpôl Benjamin, bu ăn ma khân păng ƀon Gêba, ndrel ma lĕ ndrêch gơ̆ văr jŭm; ƀon Alêmet, ndrel ma lĕ ndrêch gơ̆ văr jŭm; ƀon Anathôt, ndrel ma ndrêch gơ̆ văr jŭm. Lĕ rngôch ƀon khân păng dơn jêh jêng jât ma pe rplay ƀon tĭng nâm ndŭl mpôl khân păng.

Yêrêmi 1:1

Aơ jêng nau Y-Yêrêmi mbơh, kon bu klâu Y-Hilkia, du huê tâm phung kôranh ƀư brah gŭ ta Anathôt, n'gor Benjamin.

Yêrêmi 32:2

Tâm rnôk nĕ, phung tahan hađăch Babilôn gŭ nchueng lơh ƀon Yêrusalem, bi ma nơm mbơh lor Y-Yêrêmi dôl bu krŭng tâm nhuang ngih phung tahan gak tâm ngih hađăch Yuđa.

Yêrêmi 32:25

Ơ Brah Yêhôva, May hŏ lah jêh ma gâp: “Sŏk hom prăk rvăt mir aơ, jêh ri jă bunuyh mbơh gĭt nanê̆.” Pô nĕ ƀon aơ hŏ tŭp tâm ti phung Kaldê kđôi!’”

Yêrêmi 32:7

Aơ Y-Hanamel, kon bu klâu Y-Salum kônh may, mra mâp may jêh ri lah: ‘May rvăt hom mir gâp ta ƀon Anathôt, yorlah may dơi geh nau chuai gay ma rvăt mir nây.’

Yêrêmi 33:1

Tâm rnôk Y-Yêrêmi hôm e bu krŭng tâm nhuang ntŭk tahan gak, geh bâr Brah Yêhôva lah ma păng tơ̆ bar pô aơ:

Yêrêmi 37:12

pôri Y-Yêrêmi du luh bơh Yêrusalem, hăn tât ma bri Benjamin gay păng sŏk dơn ma drăp ndơn ta nklang phung ƀon lan nây.

Êsêkiêl 12:7

Gâp ƀư tĭng nau Kôranh Brah hŏ ntĭnh jêh. Gâp djôt leo ndô ndơ gâp nâm bu ndô ndơ bunuyh ƀư bu nă hăn dôl nôk nar, jêh ri tât kêng mhaơ ma ti gâp nơm lôk êng du trôm tâm mpêr. Gâp mbăk ta klơ săng nglik jêh ri hăn du tâm bri măng tanăp măt khân păng.

Sakari 11:11

Pôri Păng ngroh lơi nau tâm rnglăp tâm nar nây ro, jêh ri phung biăp rêh ni ngăn tâm mpôl phung biăp tĭng ndô̆ Gâp gĭt pô aơ, nây jêng nau Brah Yêhôva ngơi.

Yôhan 4:53

Bunuyh mbơ̆ nây gĭt năl di ta mông Brah Yêsu lah ma păng pô aơ: “Kon may mra rêh”; pôri păng, jêh ri nđâp ma lĕ rnăk vâl chroh da dê.