Yêrêmi 32:44 - Nau Brah Ndu Ngơi 2023

⁴⁴ Bu mra rvăt mir ma prăk, nchih samƀŭt tăch, tâp pŏng tay, jă bunuyh nơm gĭt nanê̆ tâm bri Benjamin, jêh ri tâm ntŭk văr jŭm ƀon Yêrusalem, tâm lĕ rngôch ƀon n'gor Yuđa jêh ri tâm lĕ ƀon klơ yôk, n'gor Sêphêla jêh ri n'gor Nêgep. Yorlah Gâp mra ăn phung jêng bu nă plơ̆ sĭt tay đŏng.’” Yêhôva lah pônây.

Yêrêmi 32:44 Iomraidhean Croise

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Yêrêmi 13:19

Lĕ ƀon Nêgep bu nchueng jŭm da dê jêh Mâu geh bunuyh rklaih ăn khân păng. Lĕ rngôch phung Yuđa bu ƀư jêng bu nă, Lĕ rngôch bu nhŭp rdu.

Yêrêmi 17:26

Phung ƀon lan tă bơh lĕ ƀon n'gor Yuđa jêh ri lĕ n'gor êp kêng Yêrusalem, bơh neh Benjamin, bơh neh Sêphêla, bơh bri dor yôk, jêh ri bơh Nêgep, mra văch tât, djôt leo ndơ ƀư brah gŭch jêh ri lĕ ndơ ƀư brah, ndơ ƀư brah rnih môi jêh ri ndơ ƀâu kah, ndrel ndơ ƀư brah tâm rnê lah ueh, tât ma ngih Brah Yêhôva.

Yêrêmi 30:18

Brah Yêhôva lah: ‘Aơ, Gâp mra njŭn ngih bok Y-Yakôb plơ̆ sĭt bơh ntŭk jêng bu nă, Gâp mra yô̆ an ntŭk păng gŭ; Ƀon toyh aơ mra ndâk tay ta ntŭk rngot njăp, Ngih hađăch mra ndâk tay ta klơ ntŭk ơm.

Yêrêmi 30:3

Brah Yêhôva lah: ‘Aơ, nar panăp Gâp mra njŭn leo phung ƀon lan Israel jêh ri Yuđa Gâp plơ̆ sĭt tă bơh ntŭk jêng dĭk, Gâp mra njŭn leo khân păng sĭt tâm bri dak Gâp hŏ ăn jêh ma phung chô yau khân păng, jêh ri khân păng mra sŏk dơn bri dak nây ƀư drăp ndơn.’ Brah Yêhôva lah pônây.”

Yêrêmi 31:23

Brah Yêhôva ma phung tahan, Brah Ndu Israel, lah: “Lah Gâp djôt leo lĕ rngôch phung bu nă plơ̆ sĭt jêh pôri tâm n'gor Yuđa jêh ri lĕ rngôch phung ƀon toyh păng, bu mra hôm ngơi nau aơ: ‘Hơi ntŭk gŭ nau sŏng srăng, hơi yôk kloh ueh ri, Dăn ma Brah Yêhôva ăn nau ueh uĭn ma may!’

Yêrêmi 32:10

Gâp nchih samƀŭt nau nkol, tâp pŏng păng, jă bunuyh mbơh gĭt nanê̆ jêh nây veh prăk ta klơ njing.

Yêrêmi 32:37

‘Aơ, Gâp mra rgum tâm rƀŭn khân păng tă bơh lĕ rngôch bri Gâp hŏ mprơh jêh khân păng tâm nau hao nuih, nuih hâu ngăn jêh ri tâm nau ji nuih Gâp mra njŭn khân păng plơ̆ sĭt ma ntŭk aơ jêh ri ăn ma khân păng gŭ pah kan đăp mpăn.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Yêrêmi 33:13

Tâm lĕ rngôch ƀon bri klơ dor, lĕ rngôch ƀon gŭ ta bri Sêphêla jêh ri Nêgep, tâm bri Benjamin, tâm lĕ ƀon gŭ jŭm Yêrusalem jêh ri tâm lĕ rngôch ƀon n'gor Yuđa, đơ phung biăp mra hăn rgăn tâm dâng ti bunuyh kơp,’ Brah Yêhôva lah pônây.

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Yêrêmi 33:7

Gâp mra njŭn leo phung bu nă Yuđa jêh ri bu nă Israel plơ̆ sĭt; ndâk tay khân păng nâm bu ntơm bơh saơm.

Apdia 1:19

Phung gŭ ta Nêgep mra ndơn yôk Êsau; Phung gŭ ta Sơphêla mra ndơn neh phung Philistin, Khân păng mra ndơn mir phung Êphraim jêh ri mir phung Samari; Phung Benjamin mra ndơn neh Gilêat.

Apdia 1:20

Phung tâm phung ƀon lan Israel gŭ ta nklang phung Kanaan Mra pit in neh kŏ tât ta Sarepta. Phung tă bơh Yêrusalem hŏ jêng bu nă tâm bri Sêpharat Mra ndơn lĕ ƀon toyh ta Nêgep.

Sôphôni 2:7

N'gor nây mra jêng ăn ma phung ngih Yuđa hôm e klen; Khân păng mra chiăp biăp ta nây. Lah ngo, khân păng mra bê̆ch măng Tâm lĕ ngih ƀon Askalôn; Yorlah Yêhôva Brah Ndu khân păng mra chop khâl khân păng, Jêh ri leo phung tă ƀư bu nă ăn khân păng plơ̆ sĭt.

Sakari 7:7

Nau nây mâu di tă nau ngơi Brah Yêhôva kuăl bơh phung nơm mbơh lor rnôk kăl e hăn mbơh, lah Yêrusalem jêh ri phung ƀon chiau meng gŭ jŭm păng hôm e geh phung ƀon lan gŭ jêh ri geh nau hao jêng, tâm ban ma bri Nêgep jêh ri bri Sêphêla geh phung ƀon lan gŭ lĕ?’”