Yêrêmi 32:41 - Nau Brah Ndu Ngơi 2023

⁴¹ Gâp mra maak ƀư nau ueh ma khân păng, ma lĕ nuih n'hâm ma lĕ nau ktang tăm khân păng ma nau nâp tâm bri aơ.’

Yêrêmi 32:41 Iomraidhean Croise

Nau Mprơ Ơm 80:8

Ntơm bơh n'gor Êjipt, May djôt sĭt jêh du mlâm tơm krăk ƀâu; May mprơh phung mpôl băl jêh ri tăm tơm nây.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 62:4

Bu mâu hôm mra rnha ôh may jêng “nơm bu chalơi,” Mâu hôm rnha ôh bri may jêng “bri rngol” đŏng; Ƀiălah bu mra rnha may jêng “nơm Gâp Maak”, Jêh ri bu mra rnha neh may jêng “nơm geh sai”; Yorlah Brah Yêhôva maak đah may, Jêh ri neh may mra geh sai.

Êsai 62:5

Tâm ban ma du huê bu klâu ndăm nđăp du huê bu ur druh, Pôri phung kon bu klâu may mra dơn drăp ndơn may; Tâm ban ma bu klâu gŭ ur răm maak yor bu ur păng gŭ, Tâm ban pônây lĕ Brah Ndu may mra răm maak yor may.

Êsai 65:19

Gâp mra hâk maak yor Yêrusalem, Gâp mra maak yor phung ƀon lan Gâp; Ta ntŭk nây bu mâu mra tăng ôh bâr nhĭm, Mâu lah bâr nter nau nđêh nji đŏng.

Yêrêmi 18:9

Ăt geh tơ̆ Gâp mbơh nau ndâk njêng păng, brôi tăm du bri dak mâu lah du ƀon bri hađăch êng nây,

Yêrêmi 24:6

Gâp mra ntreng măt tât ma khân păng, ƀư nau ueh ma khân păng jêh ri njŭn leo khân păng plơ̆ sĭt ma bri aơ. Gâp mra ndâk njêng mâu di ƀư rai ôh; mra brôi tăm mâu di rôk lơi ôh.

Yêrêmi 31:28

Nâm bu Gâp uănh njrăng jêh ma khân păng gay rôk tơm, ƀư rlâm, nklơ̆ rlă, ƀư rai jêh ri ăn tât nau mhĭk tâm ban lĕ, pôri Gâp mra gak uănh khân păng gay ndâk njêng jêh ri brôi tăm nâm bu pônây lĕ,” Brah Yêhôva lah pônây.

Êsêkiêl 36:36

Rnôk nây, phung mpôl băl bunuyh hôm e klen văr jŭm khân may mra gĭt Gâp, Brah Yêhôva, hŏ ndâk njêng tay ntŭk rai jêh jêh ri tăm tay ta ntŭk ƀư rai. Gâp, Brah Yêhôva, hŏ lah, jêh ri mra ƀư nau nây.’

Ndrom Samƀŭt bơh Ôsê 14:5

Gâp mra jêng nâm bu dak ngom ma phung Israel; Păng mra luh kao nâm bu kao si ueh Jêh ri hon reh nâm bu krŏng bri Liban.

Amôt 9:15

Gâp mra tăm tay Israel tâm bri khân păng nơm Jêh ri bu mâu mra hôm rôk ôh khân păng bơh bri Gâp ăn jêh ma khân păng.” Brah Yêhôva jêng Brah Ndu may lah kơt nây.

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Nau Vay Nkah Tay 28:63

Brah Yêhôva hŏ geh nau maak jêh dôl ƀư ăn khân may chăt hao jêh ri ăn bĭk rơ̆ ngăn, pôri Păng mra geh nau maak đŏng dôl ƀư ma khân may roh rai jêh ri nau rai lôch kơt nây. Bu mra nsot lơi khân may bơh n'gor khân may bơi lăp gay pit sŏk.

Nau Vay Nkah Tay 30:9

Yêhôva Brah Ndu khân may mra ăn ma khân may ndrŏng tâm lĕ rngôch kan ti khân may ƀư, ntơm bơh play săk jăn khân may tât ma phung kon mpô mpa rong khân may jêh ri play do bơh neh khân may. Yorlah Brah Yêhôva mra răm maak đŏng ăn nau ueh lăng ma khân may nâm bu Păng răm maak jêh ăn nau ueh lăng ma phung chô yau khân may,