Yêrêmi 32:39 - Nau Brah Ndu Ngơi 2023

³⁹ Gâp mra ăn ma khân păng du nuih n'hâm, ndrel ma du trong gay ma khân păng dơi klach yơk ma Gâp lôch nau rêh khân păng, yor nây khân păng nơm jêh ri ndŭl deh ma phung kon sau khân păng dơi geh nau ueh da dê.

Yêrêmi 32:39 Iomraidhean Croise

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

Nau Ntơm 22:12

Tông mpăr lah: “Lơi ƀư nau mhĭk kon se nây jêh ri kŏ mâu đŏng ƀư du ntil nau ma păng. Aƀaơ aơ, Gâp gĭt ngăn may klach yơk ngăn ngên ma Brah Ndu, yorlah may mâu nhhuach ôh kon nguay may ma Gâp, nđâp lah knŏng du huê nây dơm.”

II Nau Rêh Jêng 30:12

Ti Brah Ndu rlay đŏng ma phung Yuđa gay ăn ma khân păng geh du ai nuih n'hâm tông tĭng nau hađăch jêh ri phung kôranh hŏ ntăm jêh tĭng nâm nau Brah Yêhôva ngơi.

Nau Mprơ Ơm 112:1

Halêluya! Ueh maak yơh nơm klach yơk ma Brah Yêhôva, Lĕ nuih n'hâm rŏng ngăn ma nau Păng ntăm!

Nau Mprơ Ơm 128:6

Ăn may mra dơi saơ phung kon sau may nơm! Ăn nau đăp mpăn jŭr ta phung Israel!

Nau Mprơ Ơm 86:11

Ơ Yêhôva, sâm nti gâp trong May, Pôri gâp mra hăn tâm nau ngăn May; Ăn nuih n'hâm gâp ăn blau klach yơk ma amoh May.

Nau Hôr 23:17

Nuih n'hâm may lơi keh nach đah phung tih, Ƀiălah ăp nar klach yơk hom ma Brah Yêhôva.

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Êsai 52:8

Phung gak may troh mprơ, Khân păng troh n'grŭp ma nau maak; Yorlah khân păng mra saơ rah vah ma măt Brah Yêhôva plơ̆ sĭt tay ma ƀon Siôn.

Êsai 65:23

Khân păng mâu mra pah kan dơm dam ôh, Nau tât ji tưp ndal mâu tât ma phung kon khân păng ôh; Yorlah khân păng jêh ri phung kon sau khân păng Jêng noi deh Brah Yêhôva ăn nau ueh uĭn.

Yêrêmi 24:7

Gâp mra ăn ma khân păng nuih n'hâm gĭt năl Gâp jêng Brah Yêhôva. Khân păng mra ƀư ƀon lan Gâp jêh ri Gâp mra ƀư Brah Ndu khân păng, yorlah khân păng mra lĕ nuih n'hâm plơ̆ sĭt tay ma Gâp.’

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Yêrêmi 32:40

Gâp mra ndâk ma khân păng du nau tâm rnglăp n'ho ro: Gâp mâu chalơi khân păng ôh jêh ri mâu rlu ăn nau ueh ma khân păng. Gâp mra dơm nau klach yơk ma Gâp tâm nuih n'hâm khân păng gay ma khân păng mâu chalơi Gâp đŏng ôh.

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Êsêkiêl 36:26

Gâp mra ăn ma khân may nuih n'hâm mhe jêh ri Gâp mra dơm huêng brah mhe tâm khân may. Gâp mra sŏk lơi nuih n'hâm ma lŭ bơh nglay săk khân may jêh ri ăn ma khân may nuih n'hâm ma mlay.

Êsêkiêl 37:22

Gâp mra ƀư ăn ma khân păng jêng nguay bri dak tâm neh nây ta klơ lĕ yôk Israel, jêh ri knŏng du huê hađăch mra chiă uănh khân păng. Khân păng mâu mra jêng bar bri dak jêh ri mâu geh tâm pă jêng bar bri hađăch đŏng ôh.

Êsêkiêl 37:24

Oh mon Gâp jêng Y-Đavit mra ƀư hađăch ta klơ khân păng jêh ri lĕ rngôch mra geh knŏng du huê bunuyh chiăp dơm. Khân păng mra chuat tĭng nau vay ƀư bơh Gâp; khân păng mra djôt prăp nau vay dăp Gâp jêh ri tĭng ƀư.

Êsêkiêl 37:25

Khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb, jêh ri jêng bri chô yau khân may hŏ gŭ. Khân păng, kon sau khân păng jêh ri lĕ rngôch rô̆ khân păng mra gŭ ta nây kŏ tât ƀaƀơ n'ho ro. Oh mon Gâp jêng Y-Đavit mra ƀư hađăch khân păng mro mrăng.

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 17:21

gay ma lĕ rngôch jêng nguay; nâm bu Mbơ̆ gŭ tâm Kon jêh ri Kon gŭ tâm Mbơ̆, gay ma khân păng gŭ tâm He đŏng, tă bơh nĕ neh ntu chroh ma Mbơ̆ hŏ njuăl jêh Kon văch.

Kôranh Oh Mon 13:33

pô aơ Brah Ndu hŏ ƀư tât di ngăn nau ton nây ma he, jêng phung kon sau khân păng, yor Păng ƀư ăn Brah Yêsu dâk rêh tay, nâm bu hŏ nchih jêh tâm Nau Mprơ Ơm mrô bar: ‘May jêng kon Gâp, nar aơ Gâp hŏ deh ma May.’

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

Kôranh Oh Mon 3:26

Brah Ndu hŏ ndâk Oh Mon Păng jêh ri njuăl Păng văch ta khân may lor, gay ăn nau ueh uĭn ma khân may, gay ma ăp nơm tâm phung khân may chalơi trong djơh mhĭk khân may nơm.”

Kôranh Oh Mon 4:32

Nôk nây, lĕ phung chroh geh du ai nuih n'hâm, du nau mĭn, mâu geh bu nuyh uănh drăp ndơ păng nơm jêng ndơ êng, ƀiălah kơp ma lĕ rngôch ndô ndơ jêng ndơ mpôl.

Kôranh Oh Mon 9:31

Pôri, Phung ngih Brah Ndu tâm n'gor Yuđa, Galilê, jêh ri Samari, geh nau đăp mpăn, văch ma toyh, hăn tâm nau klach yơk ma Kôranh Brah; yorlah Brah Huêng Ueh kơl, phung chroh jêng lơ nar lơ ntop âk.

Samƀŭt Pôl Njuăl Ăn Ma Phung Nsing Ta Ƀon Rôm 11:16

Tơlah kô̆ rnih lor lơn nhhơr jêng kloh ueh, lĕ rngôch mbŭch rnih jêng kloh ueh tâm ban lĕ; tơlah reh jêng kloh ueh, đơ n'gĭng păng kloh ueh tâm ban lĕ.

I Kôrintô 7:14

Yorlah sai mâu chroh ma Kôranh Brah mra geh nau kloh ueh yor ma ur păng; bi ur mâu chroh ma Kôranh Brah mra geh nau kloh ueh yor ma sai păng. Tơlah mâu, phung kon khân may mra ƀơ̆ ƀơch, ƀiălah aƀaơ aơ khân păng geh nau ƀư kloh ueh da dê.

II Kôrintô 13:11

Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

Nau Vay Nkah Tay 5:29

Tơlah phung ƀon lan aơ geh nuih n'hâm klach yơk ƀaƀơ ma Gâp, djôt prăp lĕ nau vay ntăm bơh Gâp mro, ri mơ khân păng jêh ri phung kon sau khân păng mra dơi geh nau ueh uĭn n'ho ro!

Nau Vay Nkah Tay 6:2

Bơh nây, gay khân may, phung kon sau khân may du njăr rêh mra klach yơk ma Yêhôva Brah Ndu khân may, djôt prăp lĕ nau vay dăp jêh ri nau vay ntăm bơh Păng jêng nau gâp ntĭnh ma khân may, gay ma khân may dơi rêh jŏ năm.

Nau Vay Nkah Tay 6:24

Brah Yêhôva hŏ ntrŭnh jêh ma he ăn he djôt prăp lĕ rngôch nau vay dăp aơ jêh ri klach yơk ma Yêhôva Brah Ndu he, gay ma he dơi geh nau ƀŭn lap ƀaƀơ jêh ri Păng mra mât mơh nau rêh he, nâm bu nar aơ.

ហេឞ្រើ 10:20

ma trong mhe jêh ri rêh Păng pơk jêh ma he rgăn bok nching, nâm bu ntĭt rgăn nglay săk Păng nơm;