Yêrêmi 32:37 - Nau Brah Ndu Ngơi 2023

³⁷ ‘Aơ, Gâp mra rgum tâm rƀŭn khân păng tă bơh lĕ rngôch bri Gâp hŏ mprơh jêh khân păng tâm nau hao nuih, nuih hâu ngăn jêh ri tâm nau ji nuih Gâp mra njŭn khân păng plơ̆ sĭt ma ntŭk aơ jêh ri ăn ma khân păng gŭ pah kan đăp mpăn.

Yêrêmi 32:37 Iomraidhean Croise

Nau Mprơ Ơm 106:47

Ơ Yêhôva Brah Ndu hên, dăn sâm rklaih hên, Tâm rƀŭn hên bơh nklang lĕ bri dak, Gay ma hên mra tâm rnê ma amoh kloh ueh May Jêh ri dơi mprơ tâm rnê ma May.

Yêrêmi 12:14

Brah Yêhôva lah: “Bi phung chiau meng mhĭk ngăn ma Gâp, lĕ phung sŏk rvan drăp ndơn Gâp ăn jêh ma phung ƀon lan Israel Gâp sŏk dơn, Gâp mra rôk khân păng bơh neh khân păng, jêh ri rôk ngih Yuđa du luh bơh khân păng.

Yêrêmi 16:14

Yor ri, Brah Yêhôva lah: “Nanê̆ mra geh nar bu mâu hôm lah: ‘Tĭng nâm Brah Yêhôva gŭ rêh mro mrăng, jêng Nơm hŏ njŭn leo jêh kon sau Israel du luh bơh n'gor bri Êjipt,’

Yêrêmi 16:15

Ƀiălah mra lah: ‘Tĭng nâm bu Brah Yêhôva gŭ rêh mro mrăng, jêng Nơm hŏ njŭn leo kon sau phung ƀon lan Israel plơ̆ sĭt tă bơh mpeh pa lơ jêh ri tă bơh lĕ rngôch bri dak khân păng bu hŏ mprơh tât.’ Yorlah Gâp mra njŭn tay khân păng plơ̆ sĭt ma bri Gâp hŏ ăn jêh ma phung chô yau khân păng.”

Yêrêmi 21:5

Gâp nơm yơh, tâm nau duh nuih, ji nuih jêh ri nau ji nuih hâu ngăn ngên mra yơr mpang ti pơk huy jêh ri tur ti dăng ktang tâm lơh tâm rdâng dah khân may.

Yêrêmi 23:3

Gâp nơm mra rgum biăp hôm klen luh bơh lĕ rngôch bri dak Gâp hŏ mprơh jêh khân păng tât. Gâp mra njŭn khân păng plơ̆ sĭt ma ndrêch gơ̆ khân păng nơm; khân păng mra bĭk rơ̆ dŭt âk ngăn.

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Yêrêmi 23:8

Ƀiălah bu mra lah: ‘Tĭng nâm Brah Yêhôva gŭ rêh mro mrăng, jêng Nơm hŏ njŭn jêh noi deh ngih Israel sĭt bơh mpeh pa lơ, bơh lĕ rngôch bri dak Păng hŏ mprơh jêh khân păng tât.’ Khân păng mra gŭ tâm bri khân păng nơm.”

Yêrêmi 24:6

Gâp mra ntreng măt tât ma khân păng, ƀư nau ueh ma khân păng jêh ri njŭn leo khân păng plơ̆ sĭt ma bri aơ. Gâp mra ndâk njêng mâu di ƀư rai ôh; mra brôi tăm mâu di rôk lơi ôh.

Yêrêmi 29:14

Brah Yêhôva lah: “Gâp mra ăn khân may dơi mâp Gâp jêh ri gâp mra njŭn leo khân may bơh ntŭk ƀư dĭk. Gâp mra rgum tay khân may bơh lĕ rngôch bri dak jêh ri bơh lĕ rngôch ntŭk Gâp hŏ mprơh khân may. Gâp mra njŭn khân may sĭt tă bơh ntŭk Gâp hŏ nhŭp veng leo jêh khân may.”

Yêrêmi 30:18

Brah Yêhôva lah: ‘Aơ, Gâp mra njŭn ngih bok Y-Yakôb plơ̆ sĭt bơh ntŭk jêng bu nă, Gâp mra yô̆ an ntŭk păng gŭ; Ƀon toyh aơ mra ndâk tay ta ntŭk rngot njăp, Ngih hađăch mra ndâk tay ta klơ ntŭk ơm.

Yêrêmi 31:10

Ơ lĕ bri dak, iăt hom nau Brah Yêhôva; Mbơh hom nau Păng tât ma lĕ gôl dak mƀŭt ngai ngăn! Ngơi hom, ‘Nơm ƀư nchah rai pru pra phung Israel mra tâm rgum tay khân păng, Gak njrăng khân păng nâm bu rmăk biăp gak njrăng phung biăp.’

Yêrêmi 32:15

Yorlah Brah Yêhôva ma phung tahan, Brah Ndu Israel, lah: ‘Bu mra rvăt đŏng ngih, mir, jêh ri đang krăk ƀâu tâm bri aơ.’

Yêrêmi 33:16

Tâm nar nây, n'gor Yuđa mra dơi geh nau tâm rklaih jêh ri ƀon Yêrusalem mra gŭ rêh đăp rmên; ƀon nây bu mra ntơ amoh jêng: Brah Yêhôva, nau sŏng srăng he.’

Yêrêmi 33:7

Gâp mra njŭn leo phung bu nă Yuđa jêh ri bu nă Israel plơ̆ sĭt; ndâk tay khân păng nâm bu ntơm bơh saơm.

Êsêkiêl 11:17

Yor nây lah hom: ‘Kôranh Brah Yêhôva lah: Gâp mra tâm rgum khân may tă bơh ƀon lan lĕ mpôl bunuyh, mra sŏk sĭt khân may tă bơh bri dak khân may pru pra jêh, jêh ri Gâp mra plơ̆ ăn ma khân may n'gor bri Israel.

Êsêkiêl 20:34

Gâp mra leo khân may du luh tă bơh phung ƀon lan êng; Gâp mra sŏk ti ktang, yơr nting tur ti jêh ri nau ji nuih nkhŭt gay rgum khân may tă bơh lĕ rngôch bri dak khân may nchah rai pru pra jêh tâm nây.

Êsêkiêl 28:25

Kôranh Brah Yêhôva lah: “Tơlah Gâp rgum ngih Israel tă bơh nklang phung ƀon lan khân păng hŏ ƀư nchah rai pru pra jêh, Gâp mra mpơl nau kloh ueh Gâp ta nklang khân păng panăp măt lĕ phung ƀon lan. Nôk nây, khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb.

Êsêkiêl 28:26

Khân păng mra gŭ đăp mpăn ta ntŭk nây, mra ndâk ngih jêh ri tăm play krăk ƀâu. Khân păng gŭ ta nây đăp mpăn tơlah Gâp hŏ ƀư jêh nau phat dôih Gâp tâm rdâng đah bri dak chiau meng khân păng, jêng phung hŏ ƀư jêh đah khân păng ma nau tâm rmot. Nôk nây, khân păng mra gĭt Gâp yơh jêng Yêhôva Brah Ndu khân păng.”

Êsêkiêl 36:24

Gâp mra sŏk sĭt lơi phung khân may tă bơh ta nklang lĕ phung ƀon lan, rgum tay khân may tă bơh lĕ rngôch bri dak jêh ri leo sĭt tâm bri êng khân may nơm.

Ndrom Samƀŭt bơh Ôsê 1:11

Phung ƀon lan Yuđa jêh ri phung ƀon lan Israel mra tâm rgum tay jêh ri săch ăn ma khân păng du huê kôranh chiă uănh ndrel; khân păng mra du luh tă bơh n'gor bri aơ, yorlah nar toyh ngăn ma Jesrêel.”

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Yôel 3:20

Ƀiălah n'gor Yuđa mra geh bunuyh gŭ mro mrăng, Jêh ri ƀon Yêrusalem mra hôm gŭ rêh bơh rnôk aơ tât rnôk ri.

Sôphôni 3:20

Tâm nôk nây, Gâp mra djôt leo khân may plơ̆ sĭt, Nây jêng nôk Gâp tâm rgum tay khân may; Yorlah Gâp mra ƀư ma khân may lư n'găr Jêh ri geh nau tâm rnê ta nklang lĕ rngôch phung ƀon lan tâm neh ntu, Lah Gâp leo phung tă ƀư bu nă bơh phung khân may plơ̆ sĭt Tanăp măt khân may ro,” Brah Yêhôva lah pônây.

Sakari 14:11

Yêrusalem mra geh bunuyh gŭ, păng mâu mra geh nau rai đŏng ôh, ƀiălah mra gŭ đăp rmên ngăn.

Sakari 3:10

Brah Yêhôva ma phung tahan lah: “Tâm nar nây, ăp nơm tâm khân may mra jă bunuyh chiau meng păng gŭ tâm dâng tơm krăk ƀâu jêh ri tơm rvi.”