Yêrêmi 32:35 - Nau Brah Ndu Ngơi 2023

³⁵ Khân păng hŏ ndâk jêh lĕ ntŭk prêh klơ ăn ma brah Baal tâm rlŭng Ben-Hinôm, gay nhhơr phung kon bu klâu phung kon bu ur khân păng nơm ăn ma brah Môlek. Nây jêng nau Gâp mâu geh ntĭm nti, mâu mâp lĕ mĭn ma nau nây khân păng dơi ƀư nau tâm rmot aơ tâm ban pônây gay ăn phung Yuđa ƀư tih.

Yêrêmi 32:35 Iomraidhean Croise

I Phung Hađăch 11:33

Yorlah khân păng hŏ chalơi jêh Gâp gay yơk mbah ma brah bu ur Astarôt phung Sidôn, brah Chêmôs phung Môap, jêh ri brah Milkôm phung Ammôn. Khân păng mâu chuat hăn ôh tĭng nâm lĕ trong Gâp gay ƀư nau di tanăp măt Gâp, jêh ri mâu đŏng djôt prăp lĕ nau vay dăp jêh ri lĕ nau vay ƀư bơh Gâp nâm bu Y-Đavit, chô yau khân păng.

I Phung Hađăch 11:7

Nôk nây, Y-Salômôn ndâk đŏng du ntŭk prêh ta klơ yôk tâm tra đah ƀon Yêrusalem ăn ma brah Chêmôs jêng brah dŭt mhĭk tâm phung Môap, jêh ri ăn ma brah Môlek jêng brah dŭt mhĭk tâm phung Ammôn.

I Phung Hađăch 14:16

Yor tă nau tih Y-Jêrôbôam ƀư tih jêh, jêng nau ƀư ăn phung Israel ƀư tih, yor ri Brah Yêhôva mra jao phung Israel tâm ti phung rlăng.”

I Phung Hađăch 15:26

Păng ƀư nau mhĭk tanăp măt Brah Yêhôva, hăn tĭng tâm trong chô yau păng, ƀư tih tâm ban Y-Jêrôbôam hŏ ƀư tih jêh ri nsŭk phung Israel ƀư tih tay đŏng.

I Phung Hađăch 15:30

yor nau tih Y-Jêrôbôam hŏ ƀư tih, ƀư tih đŏng ma phung Israel jêh ri nsônh nau ji nuih Yêhôva Brah Ndu phung Israel.

I Phung Hađăch 16:19

Nây jêng yor lĕ nau tih Y-Simri hŏ ƀư tih, ƀư nau mhĭk tanăp măt Brah Yêhôva, hăn tĭng ndô̆ trong Y-Jêrôbôam, jêh ri hŏ ƀư tih jêh tâm ban ma Y-Jêrôbôam hŏ ƀư tih, jêng nau leo ma phung Israel ƀư tih.

I Phung Hađăch 21:22

Yorlah may hŏ nsônh nau ji nuih Gâp, nsŭk ma phung Israel ƀư tih, pôri Gâp mra ƀư ma ngih may nâm bu ngih Y-Jêrôbôam, kon bu klâu Y-Nêbat, jêh ri nâm bu ngih Y-Baêsa, kon bu klâu Y-Ahija.’

II Phung Hađăch 21:11

“Yorlah Y-Manasê, hađăch Yuđa, hŏ ƀư tih jêh lĕ nau dŭt ƀơ̆ ƀơch nây, ƀư nau djơh mhĭk lơn ma lĕ rngôch nau phung Amôrit hŏ ƀư jêh lor ma păng, jêh ri tâm ban lĕ nsŭk nsôr jêh phung Yuđa ƀư tih mbah rup brah,

II Phung Hađăch 21:4

Păng ndâk lĕ nơng ƀư brah tâm ngih Brah Yêhôva, jêng ntŭk Brah Yêhôva lah jêh pô aơ: “Tâm ƀon Yêrusalem, Gâp mra dơm amoh Gâp ta nây.”

II Phung Hađăch 23:10

Păng ƀư ƀơ̆ đŏng ntŭk Tôphet, tâm rlŭng Ben-Hinôm, gay mâu hôm geh ôh du huê dŏng ntŭk nây gay gŭch kon bu klâu păng mâu lah kon bu ur păng tâm ŭnh gay ƀư ndơ nhhơr ma brah Môlek.

II Phung Hađăch 23:15

Rmeh ma nây, hađăch ƀư rai đŏng nơng ƀư brah ta ƀon Bêthel jêh ri ntŭk prêh klơ Y-Jêrôbôam, kon bu klâu Y-Nêbat, ndâk jêh, jêng nơm nsŭk jêh phung Israel ƀư tih. Hađăch mbang nchah lơi nơng ƀư brah, su ma ŭnh ntŭk prêh klơ jêh ri juh ndơ nây kŏ tât môi; păng su ma ŭnh rup Asêrah tâm ban lĕ.

II Phung Hađăch 3:3

Nđâp tơlah pônây, hađăch ăt hôm djôt prăp nau tih Y-Jêrôbôam, kon bu klâu Y-Nêbat, jêng nau tih nsŭk phung Israel ƀư tih. Hađăch mâu ŭch chalơi ôh nau tih nây.

II Nau Rêh Jêng 33:6

Păng nhhơr kon păng nơm jêng ndơ ƀư brah gŭch tâm ŭnh, ta rlŭng Bên-hinôm, păng uănh n'hŭm pol, gŭn rƀên jêh ri nau ƀŭk rƀên, tĭng phung gru rƀên jêh ri phung n'hŭm. Hađăch ƀư âk nau djơh tanăp măt Brah Yêhôva gay nsônh Păng ji nuih.

II Nau Rêh Jêng 33:9

Ƀiălah, Y-Manasê nsŭk nsôr phung Yuđa jêh ri phung gŭ tâm ƀon Yêrusalem, kŏ tât khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

II Nau Rêh Jêng 36:14

Rlau ma nĕ, lĕ rngôch kôranh chiă uănh ma phung kôranh ƀư brah jêh ri phung ƀon lan lơ hô mâu gŭ răp jăp, ƀư lĕ nau ƀơ̆ ƀơch nâm bu phung ƀon lan chiau meng hŏ ƀư. Khăn păng ƀư ƀơ̆ ngih Brah Yêhôva, ngih Păng hŏ ƀư kloh jêh tâm ƀon Yêrusalem.

Nau Ngluh Êjipt 32:21

Y-Môis lah ma Y-Arôn: “Moh phung ƀon lan aơ hŏ ƀư jêh ma may kŏ may ăn tât nau tih toyh ma khân păng?”

Êsai 57:5

Khân may ƀư nau văng tĭr ndrăng khân may ta meng tơm si têrêbin, Tâm dâng lĕ rngôch tơm si ndrêh, Khân may nkhĭt phung kon khân may nơm ƀư mpa ƀư brah tâm rlŭng, Tâm lĕ rkâp lŭ!

Yêrêmi 19:2

tât ta rlŭng Ben Hinôm, kêng trong lăp mpông rsong. Ta nây, may mbơh hom lĕ nau Gâp lah ma may.

Yêrêmi 30:14

Lĕ rngôch phung rŏng ma may hŏ chuêl jêh may, Mâu meng tât ma may: Yorlah Gâp hŏ dong may kŏ sôt nâm bu du huê rlăng dong, Nduyh nkra may nâm bu phung ƀai nduyh nkra, Yorlah nau may tih toyh ngăn, Nau djơh mhĭk may âk ngăn.

Yêrêmi 44:4

Nđâp lah Gâp hŏ prơh hăn ƀaƀơ jêh ma lĕ rngôch phung oh mon Gâp, nây jêng phung nơm mbơh lor, tât lah ma khân may pô aơ: ‘Vơ, lơi ta ƀư ôh nau ƀơ̆ bơch Gâp tâm rmot nây!’

Yêrêmi 7:30

Brah Yêhôva lah: “Phung kon ƀon lan Yuđa hŏ ƀư nau mhĭk tâm dâng măt Gâp. Khân păng dơm lĕ ndơ ƀơ̆ ƀơch tâm ngih dơi ntơ ma amoh Gâp, gay ƀư ăn păng ƀơ̆ ƀơch.

Yêrêmi 7:31

Khân păng hŏ ndâk lĕ ntŭk prêh klơ Tôphet tâm rlŭng Ben-Hinôm, gay su phung kon bu klâu kon bu ur păng tâm ŭnh; nây jêng nau Gâp mâu ntĭm nti ôh ăt mâu prot mĭn tât.”

Êsêkiêl 23:37

Khân păng hŏ ƀư tih văng tĭr jêh ri ti khân păng krêp mham. Khân păng hŏ ƀư tih văng tĭr jêh đah phung rup brah khân păng; nđâp ma lĕ rngôch phung khân păng deh ăn ma Gâp, tâm ban lĕ khân păng nhhơr rgăn ta ŭnh gay ƀư ndơ sông sa ăn ma rup brah!

Kan Lêvi 18:21

Lơi djôt kon khân may nhhơr ma brah Môlek, yorlah ƀư kơt nây jêng ngơi sưr ma amoh Brah Ndu may nơm. Gâp jêng Brah Yêhôva.

Kôranh Oh Mon 7:43

Lŏng aƀaơ ri khân may sŏk rnung tung brah Môlok, Jêh ri mănh brah Rêphan, Jêng phung rup brah khân may ƀư gay ma yơk mbah. Yor ri, Gâp mra njŭn leo khân may hăn đah ri ƀon Babilôn.’

Nau Vay Nkah Tay 12:31

Khân may mâu dơi ƀư ôh kơt nĕ ma Yêhôva Brah Ndu yorlah Brah Yêhôva tâm rmot lĕ kan ƀơ̆ ƀơch khân păng hŏ ƀư jêh ma phung brah khân păng. Khân păng gŭch nđâp phung kon bu klâu jêh ri phung kon bu ur khân păng tâm ŭnh gay ƀư brah ma phung brah khân păng.

Nau Vay Nkah Tay 18:10

Ta nklang khân may lơi ăn geh ôh du huê bunuyh gŭch kon bu klâu mâu lah kon bu ur păng nơm jêng mpa nhhơr, lơi ăn du huê ƀư pol, nơm sek uănh mănh, ƀŭk rƀên, du huê n'hŭm,

Nau Vay Nkah Tay 24:4

pôri sai tal lor, jêng nơm nsot jêh păng, mâu dơi vay ôh sŏk bu ur nây jêng ur du tơ̆ đŏng, bu ur nây lĕ tă ƀư ƀơ̆ jêh. Nây jêng nau tâm rmot tanăp măt Brah Yêhôva; khân may mâu dơi djôt leo ôh nau tih lăp tâm n'gor Yêhôva Brah Ndu khân may ăn ma khân may jêng drăp ndơn.