Yêrêmi 32:33 - Nau Brah Ndu Ngơi 2023

³³ Khân păng ndôn kơi jêh ri pôn muh măt khân păng ma Gâp. Nđâp lah Gâp hŏ nti ma khân păng ƀaƀơ, khân păng ăt mâu ŭch iăt ôh, mâu sŏk dơn nau ntĭm nti.

Yêrêmi 32:33 Iomraidhean Croise

Ndrom Samƀŭt bơh Yôp 35:11

Ntĭm nti he dơi gĭt rbăng lơn ma rbăn ntil mpô mpa bri tâm neh ntu, Jêh ri ăn he blau mĭn lơn ma lĕ ntil sĭm tâm trôk.’

Yêrêmi 18:17

Gâp mra ƀư ăn khân păng nchah rai pru pra tanăp măt phung rlăng Nâm bu sial tă luh nar khôm rdu. Tâm nar khân păng geh nau ji tưp, Gâp rle măt mâu uănh ma khân păng.”

Yêrêmi 2:27

Khân păng ngơi ma n'gâng tơm si: ‘Păng jêng mbơ̆ gâp,’ Ma glo lŭ: ‘Păng hŏ deh jêh gâp.’ Yorlah khân păng hŏ ndôn kơi jêh, Mâu ŭch rle măt uănh Gâp. Ƀiălah tâm nôk nau rêh ni, khân păng ngơi: ‘Dăn gơnh sâm rklaih phung hên ƀă!’

Yêrêmi 26:5

tơlah khân may mâu iăt nau phung oh mon Gâp, jêng phung nơm mbơh lor ngơi Gâp prơh hăn tât ma khân may âk tơ̆, khân may ơm mâu ŭch iăt ôh,

Yêrêmi 35:13

“Brah Yêhôva ma phung tahan, Brah Ndu Israel, lah: Hăn ngơi hom ma phung Yuđa jêh ri phung gŭ ta ƀon Yêrusalem pô aơ: Brah Yêhôva lah: ‘khân may mâu sŏk dơn nau nkah nti, jêh ri mâu iăt hĕ nau Gâp ngơi?

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 44:4

Nđâp lah Gâp hŏ prơh hăn ƀaƀơ jêh ma lĕ rngôch phung oh mon Gâp, nây jêng phung nơm mbơh lor, tât lah ma khân may pô aơ: ‘Vơ, lơi ta ƀư ôh nau ƀơ̆ bơch Gâp tâm rmot nây!’

Yêrêmi 7:13

Brah Yêhôva lah: ‘Aƀaơ ri, yorlah khân may hŏ ƀư jêh lĕ nau nây, Gâp vay ngơi ƀaƀơ lah ma khân may ƀiălah khân may mâu iăt ôh; Gâp hŏ kuăl khân may khân may mâu plơ̆ sĭt lah.

Yêrêmi 7:24

Ƀiălah khân păng mâu iăt, mâu srâng iăt; sŏl ko chuat hăn tĭng lĕ nau mĭn êng khân păng nơm, tĭng tâm nau nuih n'hâm djơh mhĭk jêh ri dăng ko păng nơm; khân păng plơ̆ sĭt pakơi mâu hăn ôh rlet panăp.

Yêrêmi 7:28

May lah hom ma khân păng: ‘Aơ jêng ƀon lan mâu tông tĭng nau Yêhôva Brah Ndu khân păng, mâu dơn nau nkra nti. Nau nanê̆ ngăn hŏ rai lêk, hŏ du roh bơh trôm mbung khân păng jêh.

Êsêkiêl 23:35

Yor nây, Kôranh Brah Yêhôva lah: ‘Yorlah ay lĕ chuêl Gâp jêh, chalơi Gâp pakơi ay, yor nây ay dơn nau tât geh yor nau ƀơ̆ nau ka n'hong ay!’”

Êsêkiêl 8:16

Jêh nây, Păng leo gâp lăp nkual nhuang ta trôm ngih Brah Yêhôva, ntŭk trong lăp ngih Brah Yêhôva, ta vah vang ndring jêh ri nơng ƀư brah. Gâp saơ geh tâm bar jât ma prăm nuyh, ndôn kơi mpeh ma ngih Brah Yêhôva, bi muh măt rle mpeh ma luh nar gŭ yơk mbah ma nar mpeh luh nar.

Ndrom Samƀŭt bơh Ôsê 11:2

Lơ hâu Gâp kuăl păng Păng lơ hâu du der ma Gâp. Khân păng hŏ nhhơr ndơ ƀư brah ma rup brah Baal Jêh ri su ndơ ƀâu kah ma rup brah.

Sakari 7:11

Ƀiălah khân păng dun mâu ŭch iăt, dăng bôk jêh ri ndôn kơi, nsêt lơi tôr khân păng nơm gay lơi ăn tăng ôh nau ngơi.

Yôhan 8:2

Tât ơm ôi, Păng plơ̆ tay ta ngih brah. Geh âk phung ƀon lan văch ta Păng da dê; Păng gŭ nti lah ma khân păng.