Yêrêmi 32:29 - Nau Brah Ndu Ngơi 2023

²⁹ Phung Kaldê dôl rduh tâm lơh đah ƀon aơ mra văch tât su ƀon aơ, su rai lơi lĕ ngih bu nhhơr ndơ ƀâu kah ma brah Baal ta klơ chor jêh ri ƀư ndơ nhhơr nhêt ăn ma brah êng, gay nsônh nuih Gâp.

Yêrêmi 32:29 Iomraidhean Croise

II Phung Hađăch 25:9

Păng su rai ngih brah Brah Yêhôva, ngih hađăch, jêh ri lĕ rngôch ngih tâm ƀon Yêrusalem; păng su lĕ rngôch ngih phung ndrŏng.

II Nau Rêh Jêng 36:19

Khân păng su ngih Brah Ndu, mbang rlâm mpêr ƀon toyh Yêrusalem, sŏk ŭnh su lĕ ngih hađăch, jêh ri ƀư rai lĕ ƀhiau lĕ ndơ khlay tâm ƀon.

Nêhêmi 8:16

Pôri phung ƀon lan hăn joi jêh ri djôt sĭt lĕ ntil n'ha si nây jêh ri ăp nơm ƀư ngih ndưp ta klơ chor ngih khân păng nơm, padih ndring, tâm nkual nhuang ngih Brah Ndu, tâm nkual toyh tanăp mpông pêr Dak jêh ri nkual toyh tanăp mpông pêr Êphraim.

Êsai 22:1

Nau mbơh lor ma rlŭng nau tâm saơ: Moh nau tât ma khân may, Kŏ lĕ rngôch khân may hao ta klơ chor ngih da dê?

Yêrêmi 11:17

Brah Yêhôva ma phung tahan, jêng Nơm hŏ brôi tăm khân may, Păng nơm yơh ăn nau mhĭk tât ta may, yorlah nau mhĭk ngih phung Israel jêh ri ngih Yuđa hŏ ƀư nôk nsônh nau nuih Gâp đah nau nhhơr ndơ ƀâu kah ăn brah Baal.”

Yêrêmi 17:27

Ƀiălah tơlah khân may mâu tông ôh bâr Gâp gay gĭt prăp êng ma nar saƀat jêng kloh ueh, jêh ri nar saƀat hôm tung mbăk hăn lăp mpông ƀon Yêrusalem, pôri gâp mra sŭnh ŭnh ta mpông ƀon, ŭnh nây mra su rai lĕ ngih hađăch ƀon Yêrusalem, mâu geh nơm dơi buh nhhât ôh.’”

Yêrêmi 19:13

Ngih vâl ƀon Yêrusalem jêh ri lĕ rngôch ngih phung hađăch Yuđa, nây jêng lĕ rngôch ngih bu hŏ su jêh ndơ ƀâu kah yơk mbah ma lĕ mănh tâm trôk jêh ri hŏ ƀư ndơ nhhơr nhêt ăn ma lĕ brah êng ta klơ chor ngih, bu mra ƀư ƀơ̆ da dê tâm ban Tôphet.’”

Yêrêmi 21:10

Brah Yêhôva lah: ‘Yor Gâp hŏ tâm nal jêh nau ƀư mhĭk ntrok ma nau ƀư ueh ta ƀon aơ, yor nây ƀon aơ mra jao tâm ti hađăch Babilôn, jêh ri hađăch nây mra su ƀon aơ ma ŭnh.’

Yêrêmi 30:14

Lĕ rngôch phung rŏng ma may hŏ chuêl jêh may, Mâu meng tât ma may: Yorlah Gâp hŏ dong may kŏ sôt nâm bu du huê rlăng dong, Nduyh nkra may nâm bu phung ƀai nduyh nkra, Yorlah nau may tih toyh ngăn, Nau djơh mhĭk may âk ngăn.

Yêrêmi 32:3

Y-Sêdêkia, hađăch Yuđa, hŏ krŭng jêh păng jêh ri lah: “Moh nau may nănh mbơh lor jêng Brah Yêhôva lah: ‘Aơ, Gâp mra jao ƀon toyh aơ tâm ti hađăch Babilôn jêh ri hađăch nây mra dơi pit in ƀon;

Yêrêmi 34:2

Yêhôva, Brah Ndu Israel, lah: “May hăn ngơi hom ma Y-Sêdêkia, hađăch Yuđa, pô aơ Brah Yêhôva lah: ‘Aơ, Gâp jao ƀon aơ tâm ti hađăch Babilôn, hađăch nây mra su ƀon ma ŭnh.

Yêrêmi 39:8

Phung Kaldê su ngih hađăch jêh ri ngih vâl phung ƀon lan, ƀư rai lơi mpêr ƀon toyh Yêrusalem.

Yêrêmi 44:25

Brah Yêhôva ma phung tahan, Brah Ndu Israel, lah: Nanê̆ ngăn, khân may jêh ri ur khân may mbung hŏ ngơi ti hŏ ƀư. Khân may lah: ‘Hên mra ƀư ngăn nau hên hŏ ton jêh, mra nhhơr ndơ ƀâu kah, jêh ri ƀư ndơ nhhơr nhêt ma hađăch bu ur tâm trôk.’ Pôri djôt nâp nau ton jêh ri ƀư nŭm hom nau khân may ton!

Yêrêmi 52:12

Tâm nar jât khay prăm, năm rơh jât ma sĭn Y-Nêbukatnetsar chiă uănh, hađăch Babilôn, Y-Nêbusaradan kôranh phung tahan gak, gŭ êp hađăch Babilôn, lăp tâm ƀon Yêrusalem.

Yêrêmi 52:13

Păng ntrŭnh su rai ngih brah Brah Yêhôva, ngih hađăch jêh ri lĕ rngôch ngih tâm ƀon Yêrusalem, jêh ri su lĕ rngôch ngih toyh phung ndrŏng.

Yêrêmi 7:17

May mâu saơ hĕ moh khân păng ƀư tâm lĕ ƀon Yuđa jêh ri rŏ trong ƀon Yêrusalem?

Yêrêmi 7:18

Phung kon dônh long, mbơ̆ sŭnh ŭnh, mê̆ piăch rnih, gay ƀư ƀănh nhhơr ăn ma hađăch bu ur tâm trôk, hôm ƀư tay rƀŭn ndơ nhhơr nhêt sa ăn ma lĕ brah êng, gay nsônh nau ji nuih Gâp.”

Nau Nhĭm Vơl 4:11

Brah Yêhôva hŏ ƀư jêh djoh nuih, Nkhŭt nau Păng ji nuih; Păng sŭnh ŭnh ta ƀon Siôn, Ŭnh sa lĕ rngôch mbon păng.

Êsêkiêl 23:47

Phung âk nây mra klŭp lŭ ma khân păng; sŏk đao ntâp khân păng, nkhĭt kon bu ur, bu klâu khân păng jêh ri sŏk ŭnh su ngih vâl khân păng.

Mathay 22:7

Hađăch hao ji nuih, đă phung tahan ƀư rai phung nkhĭt bunuyh nây jêh ri su ƀon khân păng.

Kôranh Oh Mon 10:9

Ôi taơ, tâm nôk pe bunuyh nây hăn trong, dăch tât ta ƀon, ri mơ Y-Pêtrôs hao ta klơ chor ngih gay mbơh sơm, nôk nây, di tâm nar nklang bôk.

ហេឞ្រើ 3:16

Mbu nơm jêng phung tăng jêh bâr Păng, ƀư nau tâm rdâng? Mâu di hĕ jêng phung bunuyh Y-Môis njŭn leo luh bơh n'gor Êjipt?