Yêrêmi 32:24 - Nau Brah Ndu Ngơi 2023

²⁴ Ri, ăp ntŭk pôih hŏ bât tât êp ƀon toyh, gay lơh pit in păng. Yor ma pêh đao, sa sât ji ngot, nau ji tưp, yor nây ƀon aơ tŭp tâm ti phung Kaldê dôl tâm lơh đah khân păng. Nau May lah hŏ geh tât jêh, May saơ rah vah ngăn!

Yêrêmi 32:24 Iomraidhean Croise

II Samuel 20:15

Lĕ rngôch phung tahan Y-Jôap hăn nchueng jŭm Y-Sêba tâm Abel Bet-Maka. Khân păng n'hao neh ta pĭt mpêr ƀon, tâm tham đah pôih. Jêh nây khân păng mbang chah mpêr ƀon gay kăl lơi păng.

Êsai 37:33

Yor nây, Brah Yêhôva lah ma hađăch Asiri kơt aơ: ‘Păng mâu mra lăp ƀon aơ ôh, mâu mra pănh tong hăr ta nây, mâu đŏng sŏk khêl mâu lah bât pôih gay rduh lơh ƀon.

Yêrêmi 16:4

“Khân păng mra khĭt yor nau ji tưp, mâu geh bunuyh nhĭm nhhiăng ăt mâu lĕ geh bunuyh tâp brôi. Khân păng mra jêng nâm bu buh ta klơ măt neh. Bu mra khĭt khân păng ma pêh đao jêh ri sa sât ji ngot. Săk jăn khĭt khân păng mra ƀư ndơ sa ăn ma phung sĭm klơ trôk jêh ri ma mpô mpa bri ta klơ neh.”

Yêrêmi 20:5

Gâp mra jao lĕ rngôch drăp ndơ tâm ƀon, lĕ rngôch ndơ, ăp ndơ khlay, tâm ban lĕ rngôch jay ndơ khlay phung hađăch Yuđa tâm ti phung rlăng khân păng. Phung rlăng mra sŏk ntŭng, sŏk pit jêh ri djôt leo ma bri Babilôn.

Yêrêmi 24:10

Gâp mra đă đao, nau sât ji ngot, nau ji tưp tât ta nklang khân păng, kŏ tât bu mra ƀư rai lĕ bơh neh Gâp hŏ ăn jêh ma khân păng jêh ri ma phung chô yau khân păng.’”

Yêrêmi 29:17

Aơ jêng nau Brah Yêhôva ma phung tahan lah: “Aơ, Gâp mra njuăl đao, nau sât ji ngot, jêh ri nau ji tưp tât ta klơ khân păng; Gâp mra ƀư ma khân păng nâm bu lĕ play rvi ôm, mhĭk ngăn kŏ tât mâu dơi sa ôh.

Yêrêmi 29:18

Gâp mra njuăl ma đao, nau sât ji ngot, jêh ri nau ji tưp tĭng khân păng. Gâp mra njêng khân păng du ntil ndơ nkrit ngăn ma lĕ rngôch ƀon bri hađăch ta neh ntu, du ntil ndơ bu rak rtăp, du ntil nau ntêh rmot, du ntil nau gơm mưch, du ntil nau bêk prêng ta nklang lĕ rngôch mpôl băl bunuyh Gâp hŏ mprơh jêh khân păng.”

Yêrêmi 32:25

Ơ Brah Yêhôva, May hŏ lah jêh ma gâp: “Sŏk hom prăk rvăt mir aơ, jêh ri jă bunuyh mbơh gĭt nanê̆.” Pô nĕ ƀon aơ hŏ tŭp tâm ti phung Kaldê kđôi!’”

Yêrêmi 32:28

Yor ri, Brah Yêhôva lah: Aơ, Gâp mra jao ƀon aơ tâm ti phung Kaldê, tâm ti Y-Nêbukatnetsar, hađăch Babilôn, jêh ri hađăch nây mra pit sŏk ƀon.

Yêrêmi 32:3

Y-Sêdêkia, hađăch Yuđa, hŏ krŭng jêh păng jêh ri lah: “Moh nau may nănh mbơh lor jêng Brah Yêhôva lah: ‘Aơ, Gâp mra jao ƀon toyh aơ tâm ti hađăch Babilôn jêh ri hađăch nây mra dơi pit in ƀon;

Yêrêmi 32:36

Yor nây, aƀaơ aơ Yêhôva Brah Ndu Israel lah ma ƀon aơ khân may ngơi pô aơ păng hŏ tŭp tâm ti hađăch Babilôn yor ma pêh đao, nau sa sât ji ngot, nau ji tưp, kơt aơ:

Yêrêmi 32:5

Y-Sêdêkia bu mra leo nsĭt rlet Babilôn păng mra gŭ ta nây kŏ tât Gâp chop khâl păng; nđâp lah khân may tâm rdâng đah phung Kaldê mâu mra dơi ôh.’ Brah Yêhôva lah pônây?”

Yêrêmi 33:4

Bi ma ngih vâl tâm ƀon aơ jêh ri ngih hađăch phung Yuđa bu hŏ rơih jêh gay ndâk njêng mpêr king tâm rdâng lĕ pôih nâp jêh ri đah tak đao phung rlăng, pôri Yêhôva, Brah Ndu phung Israel, lah pô aơ:

Yêrêmi 34:17

Yor nây, Brah Yêhôva lah: pô aơ: ‘Khân may mâu tông ôh bâr Gâp, mâu geh du huê mbơh ôh nau kon me ma oh nâu jêh ri nơm chiau meng păng.’ Brah Yêhôva lah: ‘Aơ, Gâp mbơh “nau kon me” ma khân may, nâm bu ntĭt jao khân may mâp ma tak đao, nau ji tưp, sa sât ji ngot, mra ƀư ma khân may plơ̆ jêng tâm rmot ma lĕ rngôch bri hađăch ta neh ntu.

Yêrêmi 52:4

Ta nar jât khay jât tâm năm rơh sĭn rnôk rô̆ hađăch Sêdêkia, Y-Nêbukatnetsar, hađăch Babilôn, djôt leo lĕ rngôch phung tahan hăn tâm lơh ƀon Yêrusalem. Khân păng ndâk ntŭk tahan gŭ nchueng jêh ri ƀư mpêr tâm lơh văr jŭm ƀon.

Yêrêmi 52:6

Ta nar sĭn khay puăn, nau ji ngot hâu ngăn tâm ƀon kŏ tât mâu hôm geh ndơ sông sa đŏng ôh.

Yêrêmi 6:6

Yorlah Brah Yêhôva ma phung tahan lah: “Kăl hom tơm si Jêh ri bât pôih nchueng jŭm Yêrusalem! Aơ jêng ƀon bu mra tâm rmal; Yorlah ta nklang păng bêng âk nau bu tŭn jot.

Êsêkiêl 14:21

Pônây Kôranh Brah Yêhôva lah: ‘Gâp sŏk puăn ntil nau tâm rmal jru rlau lơn ma nây jêng gưm đao, nau sa sât ji ngot, mpô mpa bri janh jêh ri nau ji tưp nkhĭt ăn ma ƀon Yêrusalem gay ƀư rai lơi bunuyh jêh ri mpô mpa tâm bri tâm nây.

Êsêkiêl 21:22

Tâm ban lĕ Gâp tap bar đah ti ƀư bah nau Gâp ji nuih. Gâp nơm yơh, Brah Yêhôva, lah pônây.”

Êsêkiêl 21:27

Tâm ti ma hađăch geh ndơ pol ma ƀon Yêrusalem đă sŏk ndơ ƀư rai ƀon, sreh nkhĭt, nter huy rduh tâm lơh, dŏng ndơ ƀư rai ƀon gay ma rduh lơh lăp ta mpông ƀon, n'hao bun neh jêh ri ndâk pôih nchueng jŭm ƀon.

Êsêkiêl 26:8

Hađăch nây mra djôt đao nkhĭt kon bu ur may dôl gŭ tâm mir; mra ndâk pôih jêh ri yơr khêl tâm rdâng đah may.

Êsêkiêl 4:2

Ăn may nchueng lơh ma ƀon nây, ndâk njêng pôih, ƀư mpêr tâm rdâng đah păng; dăp phung tahan nchueng lơh jêh ri nkra mâng ƀư klưh lơi mpêr jŭm ƀon tâm rdâng đah păng.

Habakuk 1:10

Khân păng mưch ma phung hađăch Jêh ri ntêh rmot ma phung kôranh chiă uănh. Khân păng gơm mưch ma lĕ rngôch pôih nâp, Jêh ri n'hao bun neh nchueng jŭm jêh nây sŏk pit in ƀon toyh.

Sakari 1:6

Ƀiălah, lĕ nau Gâp ngơi jêh ri nau vay Gâp ƀư hŏ ntĭm jêh ma phung oh mon Gâp jêng phung nơm mbơh lor, mâu di bơh lĕ nau nây ban jêh ma phung chô yau khân may? Yor rĭ dĭng khân păng rmal nau tih jêh ri lah: ‘Lĕ rngôch nau Brah Yêhôva ma phung tahan hŏ ton mĭn jêh ma hên tĭng trong jêh ri kan pah bơh hên ƀư, pôri Păng hŏ nkra jêh ma hên di kơt nây.’”

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Nau Vay Nkah Tay 4:26

pôri nar aơ gâp kuăl trôk jêh ri neh ntu gay mbơh pô aơ, khân may mra gơnh roh lĕ bơh n'gor khân may bơi dơn jêng drăp ndơn đah ri dak krong Yurdan; khân may mâu mra dơi gŭ jŏ ta nây ôh ƀiălah bu mra nkhĭt khân may lĕ ƀhiau.