Yêrêmi 32:22 - Nau Brah Ndu Ngơi 2023

²² May ăn jêh ma khân păng bri aơ, du mlâm bri geh ndơ sông sa rmeh ler, May hŏ ton jêh ăn ma phung chô yau khân păng.

Yêrêmi 32:22 Iomraidhean Croise

Nau Ntơm 13:15

Lĕ rngôch n'gor neh may saơ, Gâp mra ăn ma may jêh ri ma noi deh may tât n'ho ro.

Nau Ntơm 24:7

Brah Yêhôva jêng Brah Ndu klơ trôk, Nơm hŏ djôt leo gâp luh bơh ngih mbơ̆ gâp jêh ri ƀon tơm gâp, hŏ ngơi jêh ri ton ma gâp pô aơ: ‘Gâp mra ăn n'gor aơ ma noi deh may!’ Păng nơm mra njuăl phung tông mpăr hăn tanăp may, jêh ri may mra joi ur ma kon bu klâu gâp bơh ntŭk nây.

Nau Ntơm 50:24

Y-Yôsep ngơi ma phung nâu păng: “Gâp dăch khĭt, ƀiălah nanê̆ ngăn Brah Ndu mra khâl khân may, njŭn leo khân may luh bơh n'gor aơ gay plơ̆ sĭt ma n'gor Păng hŏ ton jêh ma Y-Abraham, ma Y-Isăk, jêh ri ma Y-Yakôb.”

Nêhêmi 9:15

Tă bơh klơ trôk Kôranh Brah ăn jêh piăng let nôk khân păng ji ngot, Ƀư ăn lŭ rdŭl dak nôk khân păng ji hir, Ntăm khân păng lăp sŏk bri Kôranh Brah hŏ ton ăn jêh ma khân păng.

Nau Ngluh Êjipt 13:5

Pôri, nôk Brah Yêhôva njŭn khân may lăp tâm n'gor phung Kanaan, phung Hitit, phung Amôrit, phung Hivit, jêh ri phung Jêbusit, jêng n'gor bêng ma dak toh jêh ri dak sŭt, Păng hŏ ton ma chô yau khân may mra ăn ma khân may, pôri lah tât khay aơ khân may kah gĭt prăp nau vay rƀŭn nây.

Nau Ngluh Êjipt 3:17

Gâp ton ngăn Gâp mra ngluh khân may bơh nau rêh ni tâm n'gor Êjipt jêh ri djôt leo khân may lăp ta n'gor phung Kanaan, phung Hitit, phung Amôrit, phung Pêrisit, phung Hivit, jêh ri phung Jêbusit, jêng n'gor neh bêng ma dak toh jêh ri dak sŭt.’

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Yêrêmi 11:5

Pôri, Gâp dơi ƀư nau ton jêh Gâp hŏ ton ma phung chô yau khân may, jêng ăn ma khân păng du n'gor bri bêng ma dak toh jêh ri dak sŭt, nâm bu hŏ geh jêh nar aơ.’” Gâp plơ̆ lah: “Ơ Brah Yêhôva! Amen!”

Êsêkiêl 20:15

Gâp yơr ti ton jêh ma khân păng tâm bri rdah pô aơ Gâp mâu mra leo khân păng lăp ôh tâm n'gor bri Gâp hŏ ăn ma khân păng, jêng n'gor bri bêng ma dak toh jêh ri dak sŭt, bri ueh lơn tâm lĕ rngôch bri.

Êsêkiêl 20:6

Tâm nar nây, Gâp ton ma khân păng pô aơ Gâp mra djôt leo luh tă bơh n'gor bri Êjipt gay ma lăp tâm du n'gor bri Gâp joi rơm ndrăp ăn ma khân păng, du n'gor bri, jêng bri geh dak toh jêh ri dak sŭt, bri ueh lơn tâm lĕ rngôch bri.

Nau Kơp Bunuyh 14:16

‘Brah Yêhôva mâu dơi ôh njŭn phung ƀon lan aơ ma mŭt ta n'gor Păng hŏ sơm ton ăn jêh ma khân păng; yor nây Păng hŏ nkhĭt khân păng tâm bri rdah.’

Nau Kơp Bunuyh 14:30

mâu mra dơi lăp ôh tâm n'gor Gâp hŏ ton jêh ăn ma khân may, knŏng Y-Kalep kon bu klâu Y-Jêphunê jêh ri Y-Yôsuê, kon bu klâu Y-Nun.

Nau Vay Nkah Tay 1:35

‘Mâu geh ôh du huê nuyh tâm rô̆ djơh mhĭk aơ mra saơ n'gor ueh Gâp hŏ ton jêh ăn ma phung chô yau khân may,

Nau Vay Nkah Tay 1:8

Aơ, Gâp ăn jêh n'gor aơ ma khân may! Lăp jêh ri pit sŏk hom n'gor Brah Yêhôva hŏ ton jêh ăn ma chô yau khân may jêng Y-Abraham, Y-Isăk, Y-Yakôb jêh ri ma phung kon sau khân păng.’

Nau Vay Nkah Tay 6:10

Lah Yêhôva Brah Ndu may hŏ njŭn may lăp tâm n'gor Păng hŏ ton jêh ma phung chô yau may jêng Y-Abraham, Y-Isăk, jêh ri Y-Yakôb, gay ăn ma may lĕ ƀon toyh jêh ri ueh ngăn, may mâu mâp ndâk ôh,

Nau Vay Nkah Tay 6:18

Ăn khân may ƀư nau sŏng jêh ri nau ueh tanăp măt Brah Yêhôva, gay dơi geh nau ƀŭn lap jêh ri gay dơi lăp sŏk dơn n'gor ueh jêng drăp ndơn bơh Brah Yêhôva hŏ sơm ton ma phung chô yau khân may.

Nau Vay Nkah Tay 6:23

Păng njŭn leo jêh he luh bơh n'gor nây, njŭn jêh he lăp jêh ri ăn ma he n'gor Păng sơm ton jêh ma phung chô yau he.

Nau Vay Nkah Tay 7:13

Păng mra rŏng ma khân may, ăn nau ueh uĭn ma khân may, ƀư ma rnoh bunuyh khân may bĭk rơ̆. Păng mra ăn nau ƀŭn lap ma noi deh khân may, ma play bơh neh khân may, ba khân may, ndrănh jêh ri dak ngi khân may, ma mpôl ndrôk jêh ri ma mpôl seh bri khân may bĭk rơ̆, tâm n'gor Păng ton jêh ma phung chô yau khân may mra ăn ma khân may.

Nau Vay Nkah Tay 8:1

“Ăn khân may njrăng ƀư tĭng lĕ rngôch nau vay ntăm, gâp hŏ lah jêh ma khân may nar aơ gay ma khân may dơi rêh, bĭk rơ̆ âk bunuyh, jêh ri lăp sŏk dơn n'gor jêng drăp ndơn Brah Yêhôva hŏ ton ma chô yau khân may.

Yôsuê 1:6

Ăn may janh ktang jêh ri nănh yorlah may mra njŭn leo phung ƀon lan aơ hăn sŏk dơn bri neh Gâp hŏ ton jêh ăn ma chô yau khân păng.

Yôsuê 21:43

Pônây, Brah Yêhôva ăn ma phung Israel lĕ bri Păng ton jêh ăn ma khân păng pit sŏk jêh ri gŭ tâm bri nây.