Yêrêmi 32:2 - Nau Brah Ndu Ngơi 2023

² Tâm rnôk nĕ, phung tahan hađăch Babilôn gŭ nchueng lơh ƀon Yêrusalem, bi ma nơm mbơh lor Y-Yêrêmi dôl bu krŭng tâm nhuang ngih phung tahan gak tâm ngih hađăch Yuđa.

Yêrêmi 32:2 Iomraidhean Croise

II Phung Hađăch 25:1

Tâm năm rơh sĭn rnôk rô̆ hađăch Sêdêkia chiă uănh, lơ jât khay jât, Nêbukatnetsar, hađăch Babilôn, ndrel ma lĕ rngôch phung tahan hăn văch tâm lơh ƀon Yêrusalem. Hađăch ƀư pôih rmlak tanăp ƀon nây jêh ri ntâk ntŭk tâm lơh văr jŭm ƀon nây.

Nêhêmi 3:25

Y-Pala, kon bu klâu Y-Uxai, nkra ntŭk tâm tra đah njônh ƀon jêh ri vâl tŭm prêh klơ ngih hađăch ta ndring ngih phung tahan gak. Jêh păng geh Y-Pêdaya, kon bu klâu Y-Parôs, nkra tay mpêr ƀon.

Nau Mprơ Ơm 88:8

May ƀư phung mĭt jiăng gâp du ngai đah gâp; Gâp jêng du ntil ndơ ƀơ̆ ƀơch ma khân păng. Bu krŭng gâp, gâp mâu dơi klaih ôh.

Yêrêmi 32:3

Y-Sêdêkia, hađăch Yuđa, hŏ krŭng jêh păng jêh ri lah: “Moh nau may nănh mbơh lor jêng Brah Yêhôva lah: ‘Aơ, Gâp mra jao ƀon toyh aơ tâm ti hađăch Babilôn jêh ri hađăch nây mra dơi pit in ƀon;

Yêrêmi 32:8

Y-Hanamel, kon bu klâu kônh gâp, tông bâr Brah Yêhôva văch ma gâp tâm nhuang ntŭk phung tahan gak, jêh ri lah: ‘Gâp dăn ma may rvăt tay mir gâp ta ƀon Anathôt, tâm bri Benjamin, yorlah may geh nau dơi chuai jêh ri dơi jêng tâm mir nây; dăn may rvăt ăn ma may nơm.’ Rnôk nây, gâp gĭt nau nây jêng nau Brah Yêhôva ngơi!

Yêrêmi 33:1

Tâm rnôk Y-Yêrêmi hôm e bu krŭng tâm nhuang ntŭk tahan gak, geh bâr Brah Yêhôva lah ma păng tơ̆ bar pô aơ:

Yêrêmi 34:1

Aơ jêng nau Brah Yêhôva lah ma Y-Yêrêmi rnôk Y-Nêbukatnetsar, hađăch Babilôn, ndrel ma lĕ rngôch phung tahan hađăch nây, lĕ rngôch bri hađăch ta neh ntu jêh ri lĕ rngôch ndŭl mpôl gŭ tâm dâng nau dơi chiă uănh hađăch nây, tâm lơh đah ƀon Yêrusalem jêh ri ƀon văr jŭm.

Yêrêmi 36:5

Y-Yêrêmi ntĭnh ma Y-Baruk: “Gâp bu buay, mâu dơi lăp tâm ngih Brah Yêhôva ôh.

Yêrêmi 37:15

Phung kôranh hao ji nuih ma Y-Yêrêmi; khân păng dong jêh ri krŭng păng tâm ngih kôranh nchih samƀŭt Y-Jônathan; yorlah khân păng hŏ njêng jêh ngih nây jêng ngih ndrung.

Yêrêmi 37:21

Hađăch Sêdêkia ntĭnh njŭn leo Y-Yêrêmi tâm nhuang phung tahan gak, ăp nar ăn du glo piăng let tă bơh phung ƀư piăng let, kŏ tât ƀon nây mâu hôm geh piăng let đŏng ôh. Yor nây, Y-Yêrêmi hôm gŭ tâm nhuang tahan gak.

Yêrêmi 37:4

Rnôk nây, Y-Yêrêmi hôm dôl hăn nsong tâm nklang phung ƀon lan, ê hŏ nhŭp krŭng ôh.

Yêrêmi 38:13

Khân păng đŏt huai Y-Yêrêmi ma rse brăt n'hao ngluh tă bơh ntu. Y-Yêrêmi gŭ tay tâm nhuang tahan gak.

Yêrêmi 38:6

Khân păng nhŭp ro Y-Yêrêmi jêh ri nklăch tâm ntu Y-Malkija kon bu klâu hađăch, tâm nhuang phung tahan gak. Khân păng nklăch ntrŭnh Y-Yêrêmi ma rse brăt. Tâm ntu mâu geh dak ôh, knŏng geh bŏk dơm; Y-Yêrêmi rhuh tâm bŏk nây.

Mathay 5:12

Maak răm hom, yorlah nau nkhôm ma khân may ta klơ trôk jêng toyh ngăn; yorlah nơm mbơh lor kăl e khân may bu hŏ ƀư mhĭk kơt nây.”