Yêrêmi 32:19 - Nau Brah Ndu Ngơi 2023

¹⁹ Nau Păng mĭn dăp ƀư toyh ngăn ngên, kan Păng bêng ma nau brah. Măt Păng sol uănh ma lĕ rngôch trong kon bunuyh gay ăn nau nkhôm ma ăp nơm bunuyh tĭng nâm trong jêh ri tĭng nâm play ueh tă bơh kan khân păng ƀư.

Yêrêmi 32:19 Iomraidhean Croise

I Phung Hađăch 8:32

pôri dăn ma May klơ trôk rkêng tôr iăt, ƀư an jêh ri phat dôih phung oh mon May, tâm rmal nơm geh nau tih, ƀư ăn păng tuy nau tih păng nơm, jêh ri dăn May Kơp nau sŏng srăng ma nơm Kơp nau sŏng srăng ma nau nkhôm tĭng nâm nau sŏng srăng păng.

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

Ndrom Samƀŭt bơh Yôp 34:11

Păng mra nkhôm ăn ma kon bunuyh tĭng nâm nau kan păng hŏ pah, Mra ƀư ăn tât ma ăp nơm tĭng nâm nau khân păng gŭ rêh.

Ndrom Samƀŭt bơh Yôp 34:21

Yorlah măt Păng kâp uănh trong kon bunuyh, Păng saơ ăp nhuat khân păng chuat.

Nau Mprơ Ơm 111:2

Kan Brah Yêhôva jêng dŭt toyh ngăn; Lĕ rngôch phung rŏng ma păng tĭng joi kan nây.

Nau Mprơ Ơm 34:15

Măt Brah Yêhôva treng uănh ma phung sŏng srăng, Tôr Păng iăt bâr khân păng nter kuăl.

Nau Mprơ Ơm 62:12

Ơ Kôranh Brah, nau ueh jêng ndơ May, Yorlah May mplơ̆ lơi ma ăp nơm Tĭng nâm nau kan khân păng ƀư.

Nau Mprơ Ơm 92:6

Bunuyh rluk mâu dơi gĭt ôh, Bunuyh rluk mâu dơi gĭt rbăng lĕ.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Nau Hôr 5:21

Yorlah lĕ trong kon bunuyh hăn gŭ panăp măt Brah Yêhôva, Păng rli lâng lĕ rngôch trong hăn khân păng.

Nau Hôr 8:14

Nau blau nchră jêh ri nau gĭt rbăng tâm gâp da dê, Gâp jêng nau gĭt mĭn; nau ktang tă tâm gâp.

Nơm Nti 12:14

Yorlah Brah Ndu mra djôt leo phat dôih lĕ rngôch kan, Ndrel ma lĕ rngôch nau ndâp, nđâp lah ueh mâu lah mhĭk.

Êsai 28:29

Nau nây tât đŏng tă bơh Brah Yêhôva ma phung tahan, Nau Păng dăp ƀư khlay ngăn, Nau blau mĭn Păng dŭt ueh ngăn ngên!

Êsai 40:13

Mbu nơm dơi ntĭm Brah Huêng Ueh Brah Ndu, Jêh ri mbu nơm jêng nơm kơl nchră ma Păng gay nti ma Păng nau aơ nau ri?

Êsai 59:18

Păng mra mplơ̆ ma ăp nơm tĭng nâm kan păng ƀư: Nau ji nuih ma phung rdâng đah Păng, jêh ri nau plơng ma phung rlăng đah Păng; Păng mra mplơ̆ sĭt ma lĕ gôl dak mƀŭt.

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 16:17

Yorlah măt Gâp kâp uănh tâm lĕ trong khân păng. Khân păng mâu dơi du ôh bơh măt Gâp, jêh ri nau tih khân păng mâu đŏng dơi king măt Gâp.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 21:14

Brah Yêhôva lah: “Gâp mra tâm rmal khân may tĭng nâm kan khân may ƀư, Gâp mra sŭnh ŭnh tâm bri, Ŭnh mra sa lĕ rngôch ndơ gŭ văr jŭm păng.”

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

Yêrêmi 25:14

Khân păng nơm yơh pah kan ma bri dak toyh ktang jêh ri ma phung hađăch êng ktang lơn; jêh ri Gâp mra plơng bôk khân păng tĭng nâm nau khân păng ƀư jêh ri kan ti khân păng.’”

Daniel 2:45

Nâm bu may saơ jêh, glo lŭ bu trah tă bơh yôk mâu di tă bơh ti kon bunuyh ôh, jêh ri dong nchah loih, kông, neh uk, prăk jêh ri mah. Brah Ndu nơm dŭt prêh tâm mpơl jêh ma hađăch gĭt nau mra tât. Nau mbơi aơ jêng ngăn jêh ri nau rblang nây jêng nanê̆ ngăn.”

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Sakari 9:1

Aơ nau mbơh lor: Nau ngơi Brah Yêhôva tâm rdâng đah bri Hadrak, Nau ngơi nây tâm rdâng đŏng đah bri Damas. Yorlah măt lĕ rngôch bunuyh jêh ri noi deh Israel N'gơr uănh ma Brah Yêhôva da dê.

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Yôhan 5:29

mbu hŏ ƀư nau ueh mra dâk rêh tay gay geh nau rêh ngăn, mbu hŏ ƀư mhĭk mra dâk rêh tay gay dơn nau phat dôih.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

Êphêsô 1:11

Tâm Păng đŏng, he dơi săch jêng phung sŏk dơn ndơn drăp hŏ tâm nal jêh tĭng nau Brah Ndu dăp, Nơm ƀư lôch lĕ ntil ndơ tĭng nau Păng ŭch,

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

Nau Tâm Mpơl 22:12

“Aơ, Gâp văch gơnh, jêh ri djôt nau Gâp nkhôm ndrel ma Gâp, gay ăn ma ăp nơm tĭng nâm kan păng ƀư jêh.