Yêrêmi 32:10 - Nau Brah Ndu Ngơi 2023

¹⁰ Gâp nchih samƀŭt nau nkol, tâp pŏng păng, jă bunuyh mbơh gĭt nanê̆ jêh nây veh prăk ta klơ njing.

Yêrêmi 32:10 Iomraidhean Croise

Nau Ntơm 23:16

Y-Abraham sŏk dơn nau Y-Êp-rôn lah; jêh ri tanăp măt phung kon sau ndŭl deh Y-Het, Y-Abraham njing ăn ma Y-Ephrôn di rnoh prăk păng hŏ mbơh jêh jêng puăn rhiăng sêkel, tĭng nâm prăk bu dŏng tâm nau tăch tơr.

Nau Ntơm 23:20

Pônây, mir jêh ri tâm nây geh trôm lŭ lĕ phung kon sau ndŭl deh Y-Het hŏ jao ngăn ro ma Y-Abraham jêng ntŭk ƀư môch.

Ndrom Samƀŭt bơh Yôp 14:17

Lĕ nau tih gâp dơi pôn tâm trôm dŭng, Nau djơh mhĭk gâp May nkŭm jêh.

Nau Mprơ Ueh 8:6

Dăn n'gân gâp nâm bu ndơ tâp pŏng tâm play nuih may, Nâm bu ndơ tâp pŏng ta klơ tur ti may; Yorlah nau rŏng ŭch ngăn ktang nâm bu nau khĭt, Nuih n'hâm ntôn ktang ngăn nâm bu ƀon phung khĭt. Ŭnh nau rŏng hit n'gă ang, Nâm bu mpiăt ŭnh Brah Yêhôva.

Êsai 30:8

Aƀaơ, ăn may nchih hom nau nây ta klơ pŏk kađar, Nchih hom nau nây tâm du ndrom samƀŭt, Gay prăp nau nây n'ho ro ma phung kon sau.

Êsai 44:5

Nơm aơ mra lah pô aơ: ‘Gâp jêng ndơ Brah Yêhôva;’ Nơm êng tâm amoh păng nơm ma amoh Yakôb, Nơm êng đŏng nchih ta ti păng nơm pô aơ: ‘Gâp jêng ndơ Yêhôva’ Jêh ri mbơh tâm amoh păng nơm ma amoh Y-Israel.”

Yêrêmi 32:12

jêh ri ăn ma Y-Baruk, kon bu klâu Y-Nêria, sau Y-Mahseya, tanăp Y-Hanamel, kon bu klâu kônh gâp, tanăp bunuyh mbơh gĭt nanê̆ phung nây hŏ nchih kach jêh amoh ta samƀŭt rvăt, tâm ban tanăp lĕ rngôch phung Yuđa dôl gŭ tâm nhuang ntŭk phung tahan gak.

Yêrêmi 32:25

Ơ Brah Yêhôva, May hŏ lah jêh ma gâp: “Sŏk hom prăk rvăt mir aơ, jêh ri jă bunuyh mbơh gĭt nanê̆.” Pô nĕ ƀon aơ hŏ tŭp tâm ti phung Kaldê kđôi!’”

Yêrêmi 32:44

Bu mra rvăt mir ma prăk, nchih samƀŭt tăch, tâp pŏng tay, jă bunuyh nơm gĭt nanê̆ tâm bri Benjamin, jêh ri tâm ntŭk văr jŭm ƀon Yêrusalem, tâm lĕ rngôch ƀon n'gor Yuđa jêh ri tâm lĕ ƀon klơ yôk, n'gor Sêphêla jêh ri n'gor Nêgep. Yorlah Gâp mra ăn phung jêng bu nă plơ̆ sĭt tay đŏng.’” Yêhôva lah pônây.

Daniel 8:26

Nau tâm saơ tâm lĕ mhaơ jêh ri lĕ ôi hŏ mbơh jêh jêng nau nanê̆ ngăn. Ƀiălah ăn may mra prăp ndâp nau tâm saơ aơ, yorlah păng jêng ndơ ma rnôk kăndơ̆.”

Mathay 27:66

Pôri khân păng hăn jêh ri rdâl ntu môch Păng jêh ri ăn tahan gak chiă njrăng.

Yôhan 3:33

Mbu hŏ sŏk dơn nau Păng mbơh knoch, ƀư nâp pô aơ Brah Ndu jêng nau nanê̆ ngăn.

Yôhan 6:27

Lơi ôh pah kan yor ma ndơ sông sa blau ôm, ƀiălah yor ndơ sông sa hôm mro tât nau rêh n'ho ro, jêng ndơ sông sa Kon Bunuyh mra ăn khân may; yor Nơm nây, Brah Ndu jêng Mbơ̆, hŏ tâp pŏng jêh.”

II Kôrintô 1:22

Păng yơh tâp pŏng Păng ta klơ he, jêh ri ăn Brah Huêng Ueh Păng gŭ tâm nuih n'hâm he gay ƀư ndơ ma nau mbơh.

Êphêsô 1:13

Tâm Păng, khân may jêng phung tăng jêh nau ngơi ngăn, jêng Nau Mhe Mhan Ueh ma nau tâm rklaih khân may. Tâm Păng đŏng, khân may chroh jêh, jêh ri tâp pŏng jêh ma Brah Huêng Ueh nâm bu nau ton.

Êphêsô 4:30

Khân may lơi ƀư rngot Brah Huêng Ueh Brah Ndu; yor tâm Păng, khân may geh nau tâp pŏng tât ma nar tâm chuai.

Nau Vay Nkah Tay 32:34

Nau kan pônây mâm Gâp dơi chuêl? Gâp lĕ ntĭl jêh păng tâm ntŭk prăp drăp khlay Gâp.

Yôsuê 18:9

Khân păng hăn lam tâm bri nây, nchih rup neh tâm du ndrom samƀŭt tâm pă tâm pơh kô̆, tĭng nâm ăp ƀon jê̆, jêh nây khân păng plơ̆ sĭt ma Y-Yôsuê ta pôih tahan tâm ƀon Silô.

Nau Tâm Mpơl 7:2

Gâp saơ du huê tông mpăr êng văch tă bơh mpeh luh nar, păng djôt tâp pŏng tă bơh Brah Ndu gŭ rêh mro mrăng. Tông mpăr aơ bâr kuăl huy ktang ma puăn nuyh tông mpăr geh nau dơi ƀư mhĭk ma neh ntu nđâp ma dak mƀŭt

Nau Tâm Mpơl 9:4

Bu lah jêh ma khân păng lơi ƀư mhĭk ma gơ̆ rêp ta neh ntu, lĕ ndơ ndrêh jêh ri ma tơm si ôh, ƀiălah knŏng ƀư nau mhĭk ma phung bunuyh mâu geh ndơ tâp pŏng tă bơh Brah Ndu ta ndăr kleng khân păng.

Bu ur Rut 4:1

Y-Bôas hăn tât ma mpông ƀon jêh ri gŭ ta nây. Aƀaơ, nơm geh nau dơi chuai drăp ndơn, nơm Y-Bôas hŏ lah jêh mhe hăn rgăn ta nây. Y-Bôas lah: “Hơi mĭt jiăng, veh gŭ hom ta aơ.”