Yêrêmi 31:4 - Nau Brah Ndu Ngơi 2023

⁴ Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Yêrêmi 31:4 Iomraidhean Croise

II Phung Hađăch 19:21

Aơ jêng nau Brah Yêhôva hŏ lah ma păng: ‘Bu ur druh ƀon Siôn Tâm rmot ma păng, gơm mưch ma may; Kon bu ur ƀon Yêrusalem Rteh bôk pakơi may.

Nau Mprơ Ơm 149:3

Ăn khân păng tâm rnê ma amoh Brah Yêhôva ma nau pâl ntalơ̆, Dŏng gâr jê̆ jêh ri ma gong rêng nhhơr ma Păng!

Nau Mprơ Ơm 30:11

May tâm rgâl jêh nau gâp rngot rvê jêng nau hâk maak, May pơk ao klâng ndrê gâp Jêh ri rêt rse bŭt gâp ma nau răm maak.

Nau Mprơ Ơm 51:18

Dăn May ƀư ueh ma ƀon Siôn tĭng nâm nau ueh May ŭch; Ndâk hom lĕ mpêr ƀon Yêrusalem.

Nau Mprơ Ơm 69:35

Yorlah Brah Ndu mra tâm rklaih Siôn Jêh ri rdâk njêng tay lĕ ƀon Yuđa. Ƀon lan Păng mra gŭ ta nây jêh ri khân păng mra pit sŏk păng.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 30:32

Ăp tơ̆ Brah Yêhôva yơr mâng phat dôih tâm rmal lĕ dăp nal jêh ma khân păng, geh nteh gâr jêh ri gong rêng loih; jêh ri Păng yơr ti tâm lơh đah khân păng.

Êsai 37:22

aơ, jêng nau Brah Yêhôva hŏ lah ma păng: ‘Bu ur druh ƀon Siôn Tâm rmot ma may, gơm mưch ma may; Kon bu ur ƀon Yêrusalem Rteh bôk pakơi may!

Yêrêmi 1:10

Uănh hom, nar aơ Gâp hŏ ndâk may djôt nau dơi đah lĕ mpôl bunuyh, lĕ bri dak, Gay may rôk tơm mâu lah ƀư rlâm, Ƀư rai mâu lah n'glưh lơi, Ndâk mâu lah brôi tăm.”

Yêrêmi 14:17

May ngơi hom ma khân păng nau aơ: ‘Ăn ma măt gâp hoch dak nar măng mâu dơi rlu; Yorlah bu ur druh ƀon lan gâp bu lơh mâu hôm klen, Sôt rmanh jru glăm ngăn.

Yêrêmi 18:13

Yor ri, Brah Yêhôva lah: “Ôp hom tâm lĕ bri dak Geh nơm hŏ mâp tăng jêh nau tâm ban pônây lĕ? Bu ur druh Israel Hŏ ƀư du nau mhĭk toyh ngăn.

Yêrêmi 24:6

Gâp mra ntreng măt tât ma khân păng, ƀư nau ueh ma khân păng jêh ri njŭn leo khân păng plơ̆ sĭt ma bri aơ. Gâp mra ndâk njêng mâu di ƀư rai ôh; mra brôi tăm mâu di rôk lơi ôh.

Yêrêmi 31:13

Nôk nây, bu ur druh mra răm maak pâl ntalơ̆, Phung mom ndăm nđâp ma lĕ phung bu ranh nsum nau răm maak. Gâp mra tâm rgâl nau klâng rvê khân păng jêng nau răm maak, Mra bonh leng khân păng, ăn ma khân păng nau hâk răm ntrok nau rngot.

Yêrêmi 31:21

“Ndâk hom n'gâng, Ndâk hom ndơ ntĭm trong; Sek uănh nanê̆ trong toyh, Trong may hŏ hăn rgăn jêh. Ơ bu ur druh Israel, plơ̆ sĭt hom, Plơ̆ sĭt hom ma ƀon may!

Yêrêmi 31:38

Brah Yêhôva lah: “Aơ, lĕ nar mra tât, lah ƀon dơi ndâk tay ăn ma Brah Yêhôva, ntơm bơh ngih tŭm Hananel tât Mpông Pêr Njônh.

Yêrêmi 33:7

Gâp mra njŭn leo phung bu nă Yuđa jêh ri bu nă Israel plơ̆ sĭt; ndâk tay khân păng nâm bu ntơm bơh saơm.

Yêrêmi 46:11

Ơ bu ur druh, kon bu ur bri Êjipt! Hăn hao hom ma bri Gilêat, jêh ri sŏk ntăk si ƀâu kah; Khân ay dŏng âk ntil dak si kŏ mâu khlay lĕ, Mâu geh nau ƀư bah ma khân ay ôh!

Nau Nhĭm Vơl 1:15

Kôranh Brah hŏ mưch jêh Lĕ rngôch phung tahan gŭ ta nklang gâp; Păng rgum du phung tahan âk tâm rdâng đah gâp Gay nchah jê̆ jê̆ phung bu klâu ndăm gâp; Kôranh Brah hŏ jot jêh bu ur druh phung Yuđa Nâm bu jot play krăk ƀâu tâm ntu păt ndrănh.

Nau Nhĭm Vơl 2:13

Hơi bu ur druh Yêrusalem, Moh ndơ gâp ƀư gay mbơh nkoch ăn ma may? Mbu đah ay tâm rđĭl? Hơi bu ur druh Siôn, Moh ndơ gâp sŏk tâm rđĭl đah may gay ma bonh leng ay? Nau mhĭk may toyh nâm bu dak mƀŭt. Mbu nơm dơi ƀư bah?

Amôt 5:2

“Bu ur druh tang tat Israel lĕ cha lôt jêh, Mâu mra hôm dâk đŏng ôh. Bu lĕ mƀăr lơi jêh păng ta neh Mâu geh bunuyh kơl rdâk.”

Amôt 9:11

“Tâm nar nây, Gâp mra ndâk tay Ngih njưh Y-Đavit lĕ rlâm jêh Jêh ri kơi nkra đŏng lĕ ntŭk rlâm rai nchah păng. Gâp mra ndâk tay lĕ ntŭk hŏ jêng rngot njăp Jêh ri ndâk tay păng nâm bu rnôk kăl e,

Luka 15:23

Sŏk hom kon ndrôk lay ƀư puăch. Sông sa răm maak hom he!

Kôranh Oh Mon 15:16

‘Jêh lĕ nau nây, Gâp mra plơ̆ sĭt, Rdâk tay ngih Y-Đavit hŏ rlâm rai jêh. Gâp mra nkra tay lĕ ntŭk geh nau ƀư rai Jêh ri ndâk tay păng;

Phung Kôranh Phat Dôih 11:34

Y-Jêptê plơ̆ sĭt tay ma ngih păng ta Mispa, jêh ri aơ, kon bu ur păng djôt leo gâr jê̆ jêh ri pâl ntalơ̆ tâm mâp păng. Bu ur jêng kon bu ur păng, padih bu ur nây mâu hôm geh ôh kon bu ur mâu lah kon bu klâu êng đŏng.