Yêrêmi 31:2 - Nau Brah Ndu Ngơi 2023

² Brah Yêhôva lah: “Phung ƀon lan klaih bơh tak đao Hŏ dơi geh jêh nau yô̆ tâm bri rdah, Lah phung Israel joi ntŭk sĭt rlu.”

Yêrêmi 31:2 Iomraidhean Croise

Nau Mprơ Ơm 78:52

Lôch nây Păng djôt phung ƀon lan Păng hăn du nâm bu biăp, Njŭn leo khân păng tâm bri rdah nâm bu phung biăp.

Nau Mprơ Ơm 95:11

Yor nây, Gâp ji nuih ton pô aơ: “Khân păng mâu mra lăp tâm nau Gâp rlu ôh.”

Nau Ngluh Êjipt 1:16

păng lah: “Dôl khân ay mât deh bu ur Hêbrơ, jêh ri lah khân ay saơ klơ sưng deh jêng kon bu klâu ăn nkhĭt lơi păng, lah bu ur rong ăn păng rêh.”

Nau Ngluh Êjipt 1:22

Pharaôn ntăm ma lĕ rngôch phung ƀon lan păng: “Ăn khân nơm klŭp lĕ rngôch kon bu klâu mhe deh phung Hêbrơ tâm dak krong, ƀiălah bu ur rong ăn păng rêh.”

Nau Ngluh Êjipt 12:37

Phung ƀon lan Israel hăn ntơm bơh Ramsê tât ta Sukôt; klăp lah prao rsen bu klâu brô̆ jâng, mâu kơp ôh phung bu ur jêh ri phung kon se.

Nau Ngluh Êjipt 2:23

Jŏ jêh nây, hađăch Êjipt khĭt. Phung ƀon lan Israel vơh vơl, kuăl nter yor nau ƀư dĭk bu, nau khân păng lŭng nter tăng tât ma Brah Ndu.

Nau Ngluh Êjipt 33:14

Brah Yêhôva lah: “Gâp nơm mra hăn ndrel ma may, jêh ri Gâp mra ăn nau rlu ma may.”

Nau Ngluh Êjipt 5:21

Phung kôranh mbŭch ngơi: “Bar hê khân may hŏ ƀư ma hên jêng ndơ ƀơ̆ bơch tanăp măt pharaôn jêh ri phung oh mon păng, hŏ ndơ̆ jêh đao gưm tâm ti khân păng gay ma nkhĭt hên. Dăn Brah Yêhôva sek uănh jêh ri phat dôih khân may!”

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Êsêkiêl 20:35

Gâp mra leo khân may njŭn lăp tâm bri rdah lĕ rngôch phung ƀon lan êng jêh ri ta nây Gâp mra ăn gŭ panăp phat dôih khân may.

Ndrom Samƀŭt bơh Ôsê 11:4

Gâp hŏ sŏk rse nau ueh, Sŏk rse rvăk nau rŏng mphâk khân păng văch. Gâp jêng nâm bu nơm doh mâng mbăk bơh trôm mbung khân păng, Jêh ri kŭnh gay ăn khân păng sa.

Nau Kơp Bunuyh 10:33

Pôri phung ƀon lan Israel hăn ntơm bơh yôk Brah Yêhôva tâm pe nar hăn trong. Hip Nau Tâm Rnglăp Brah Yêhôva hăn panăp phung ƀon lan tâm pe nar hăn trong gay joi du ntŭk rlu ma khân păng.

Nau Kơp Bunuyh 14:20

Brah Yêhôva lah: “Gâp hŏ yô̆ an jêh ma khân păng tĭng nâm nau may dăn.

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

Nau Vay Nkah Tay 1:30

Yêhôva Brah Ndu khân may jêng Nơm hăn lor ma khân may, Păng nơm mra tâm lơh an ma khân may nâm bu Păng hŏ ƀư jêh tanăp măt khân may tâm n'gor Êjipt.

Nau Vay Nkah Tay 1:33

jêng Nơm hăn lor ma khân may tâm lĕ trong gay joi du ntŭk ăn ma khân may ndâk ngih bok; dôl măng gŭ tâm ŭnh, dôl nar gŭ tâm ndâr tŭk gay ntĭm trong ma khân may mra hăn.

Nau Vay Nkah Tay 12:9

yorlah khân may ê hŏ lăp ôh ma ntŭk nau rlu jêh ri ê hŏ dơi dơn drăp ndơn Yêhôva Brah Ndu ăn ma khân may.

Nau Vay Nkah Tay 2:7

Yorlah Yêhôva Brah Ndu hŏ ăn nau ueh uĭn jêh ma khân may tâm lĕ rngôch kan ti bơh khân may. Păng gĭt nau hăn rgăn bri rdah dŭt toyh aơ. Tâm puăn jât năm aơ Yêhôva Brah Ndu khân may hôm gŭ ndrel mro ma khân may; khân may mâu pưt du ntil ndơ ôh.’

Nau Vay Nkah Tay 8:16

Tâm bri rdah Păng ăn ma khân may sa mana, ndơ sa phung chô yau khân may ê hŏ tă gĭt ôh, gay ma khân may dơn nau rêh ni ji ngot jêh ri nau rlong uănh, gay nglĕ dŭt ăn ma nau ueh uĭn ma khân may.

Yôsuê 1:13

“Kah gĭt tay hom nau ngơi Y-Môis, oh mon Brah Yêhôva, hŏ ntăm jêh ma khân may pô aơ: ‘Yêhôva Brah Ndu khân may ăn ma khân may du ntŭk rlu jêh ri ăn neh aơ ma khân may.’