Yêrêmi 31:10 - Nau Brah Ndu Ngơi 2023

¹⁰ Ơ lĕ bri dak, iăt hom nau Brah Yêhôva; Mbơh hom nau Păng tât ma lĕ gôl dak mƀŭt ngai ngăn! Ngơi hom, ‘Nơm ƀư nchah rai pru pra phung Israel mra tâm rgum tay khân păng, Gak njrăng khân păng nâm bu rmăk biăp gak njrăng phung biăp.’

Yêrêmi 31:10 Iomraidhean Croise

Nau Ntơm 10:5

Tă bơh khân păng dĭng geh phung ƀon lan hăn gŭ lĕ gôl dak; ăp phung ƀon lan tĭng nau khân păng nơm ngơi, tĭng ndŭl mpôl êng êng, rêh tâm n'gor khân păng nơm.

Nau Mprơ Ơm 147:2

Brah Yêhôva rdâk ƀon Yêrusalem; Păng tâm rƀŭn phung kon Israel chah rai pru pra jêh;

Nau Mprơ Ơm 23:1

Brah Yêhôva jêng Nơm rmăk gâp, Gâp mâu hôm pưt mpa ôh.

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Nau Hôr 27:23

Ăn gĭt năl nanê̆ ngăn nau rêh phung biăp may, Jêh ri mât mray ueh lĕ mpô mpa rong.

Êsai 24:14

Phung bunuyh hôm gŭ rêh klen aơ mra mprơ nau răm rhơn; Bơh mpeh nhâp nar, khân păng nter huy nau răm maak Tâm rnê nau chrêk rmah Brah Yêhôva.

Êsai 27:12

Jêh nây mra tât nar Brah Yêhôva mra mbang ba ntơm bơh Dak Krong Me tât ta dak n'hor bri Êjipt; ơ phung ƀon lan Israel, khân may mra dônh tĭng du huê du huê!

Êsai 40:1

Brah Ndu khân may lah: “Bonh leng hom, bonh leng hom phung ƀon lan Gâp.

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 41:1

Ơ lĕ rngôch gôl dak mƀŭt, gŭ rklăk hom tanăp Gâp! Ăn hom lĕ ntil mpôl bunuyh sŏk dơn nau ktang mhe; Ăn khân păng văch dăch jêh ri ăn khân păng ngơi! Ăn he hăn dăch ndrel n'grŭp gay ma phat dôih!

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

Êsai 42:4

Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 54:7

“Gâp chalơi jêh ay ƀât lât, Ƀiălah Gâp mra vơt ay sĭt ma nau yô̆ nđach mâu blau lôch.

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Êsai 66:19

Gâp mra dơm du nau mbên ta nklang khân păng, jêh ri Gâp mra njuăl phung hôm gŭ rêh klen khân păng hăn tât ma lĕ bri dak jêng Tarsis, Pul, Lut, jêng phung geh blau pănh na, tât ma phung Tubal jêh ri phung Javan, tât ma lĕ gôl dak mƀŭt gŭ ngai, jêng lĕ ntŭk phung ê hŏ mâp tăng lư ôh nau lư n'găr Gâp jêh ri ê hŏ mâp saơ ôh nau chrêk rmah Gâp. Khân păng mra mbơh nau chrêk rmah Gâp ta nklang lĕ bri dak.”

Yêrêmi 23:4

Gâp mra dơm phung rmăk biăp gay chiăp leo khân păng jêh ri khân păng mâu hôm klach, mâu lĕ rdja klach krit đŏng ôh, jêh ri mâu mra nhhơt roh du mlâm biăp lĕ,” Brah Yêhôva lah pônây.

Yêrêmi 25:22

phung hađăch Tyre, lĕ rngôch hađăch Sidôn, jêh ri lĕ rngôch phung hađăch gŭ lĕ gôl dak mƀŭt;

Yêrêmi 3:15

Gâp mra ăn khân may phung chiăp ueh nuih n'hâm Gâp. Khân păng mra sŏk nau gĭt rbăng jêh ri nau blau mĭn rong siăm khân may.”

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Yêrêmi 50:19

Ƀiălah Gâp mra njŭn Israel sĭt ma ntŭk ndrêch gơ̆ nse păng nơm, păng mra sa gơ̆ hơm mpay ta Karmel jêh ri tâm bri Basan, jêh ri ta klơ yôk bri Êphraim jêh ri tâm bri Gilêat.”

Êsêkiêl 11:16

Yor nây, lah hom ma khân păng: ‘Kôranh Brah Yêhôva lah: Nđâp tơlah Gâp hŏ mprơh jêh khân păng ngai ta nklang phung băl mpôl bunuyh êng, hŏ ƀư chah rai khân păng tâm âk bri dak, Gâp ăt jêng ntŭk kloh ueh ma khân păng tâm du năng nar ta lĕ bri dak khân păng hăn tât.’

Êsêkiêl 20:34

Gâp mra leo khân may du luh tă bơh phung ƀon lan êng; Gâp mra sŏk ti ktang, yơr nting tur ti jêh ri nau ji nuih nkhŭt gay rgum khân may tă bơh lĕ rngôch bri dak khân may nchah rai pru pra jêh tâm nây.

Êsêkiêl 34:12

Nâm bu du huê rmăk biăp tĭng joi phung biăp păng tâm nar păng gŭ ta nklang phung biăp păng lĕ nchah rai nhhơt, Gâp ăt joi biăp Gâp nâm bu pônây lĕ. Gâp mra tâm rklaih khân păng luh du bơh lĕ rngôch ntŭk khân păng bơh lĕ rngôch ntŭk khân păng hŏ nchah rai nhhơt tâm nar tŭk mbâl ngo klĕng.

Êsêkiêl 37:24

Oh mon Gâp jêng Y-Đavit mra ƀư hađăch ta klơ khân păng jêh ri lĕ rngôch mra geh knŏng du huê bunuyh chiăp dơm. Khân păng mra chuat tĭng nau vay ƀư bơh Gâp; khân păng mra djôt prăp nau vay dăp Gâp jêh ri tĭng ƀư.

Êsêkiêl 5:10

Yor ri, tâm nklang may, mbơ̆ mra sa puăch kon, kon mra sa puăch mbơ̆. Gâp mra ƀư ăn nau phat dôih tât ta may, jêh ri Gâp mra ƀư lĕ rngôch phung bunuyh may hôm e klen ăn păng nchah rai pru pra tĭng ăp mpeh sial.’”

Êsêkiêl 5:2

Tơlah lĕ lôch jêh lĕ nar nchueng ƀon, ăn may su lơi tâm ŭnh du kô̆ tâm pe sŏk nây ta nklang ƀon, jêh nây sŏk du kô̆ tâm pe êng ăn may dŏng đao lơh păng ta jŭm ƀon. Jêh ri nglĕ dŭt nây dŏng du kô̆ tâm pe ăn may ntô̆ tâm sial yorlah Gâp nơm ro mra tŏk đao tĭng pakơi.

Daniel 11:18

Pakơi nau nây, hađăch plơ̆ hăn rlet ma n'gor kơh dak mƀŭt jêh ri dơi pit âk ntŭk. Ƀiălah du huê kôranh tahan mra ƀư ăn lôch nuih n'hâm nau hađăch sưr, ƀư ăn nau sưr păng nơm tâm rdâng đah păng.

Kan Lêvi 26:33

Gâp mra nkhah khân may lam phung ndŭl mpôl bunuyh jêh ri tŏk đao gưm tĭng lơh khân may. Neh khân may mra jêng ntŭk rngol, ƀon toyh khân may mra jêng rngot rklăk.

Mika 2:12

“Hơi Yakôb! N'hêl nanê̆ Gâp mra tâm rƀŭn lĕ rngôch khân may, Nanê̆ ngăn Gâp mra rgum lĕ phung Israel hôm e, Jêh ri djôt khân păng gŭ nsum tay Nâm bu phung biăp tâm ndrung, Nâm bu du phung biăp gŭ ta nklang tâm ndrêch khân păng; Ta ntŭk nây mra geh bâr bunuyh drơu drơu.

Mika 4:6

Brah Yêhôva lah: “Tâm nar nây Gâp mra rgum bunuyh kuet, Rgum tay bunuyh bu hŏ mprơh du, Jêh ri phung Gâp hŏ ƀư rngot jêh.

Mika 5:4

Păng nơm mra jêng nau đăp mpăn ma he. Lah phung Asiri mra tât tâm bri he Jêh ri tŭn jot plên tâm ngih hađăch he, Pôri he mra n'hao pơh nuyh rmăk biăp Jêh ri pham nuyh kôranh bơh phung ƀon lan gay tâm rdâng đah păng.

Sôphôni 2:11

Ma đah khân păng, Brah Yêhôva ma nau krit klach dŭt n'hâm, Yorlah Păng mra ƀư rai lĕ rngôch phung brah ta neh ntu, Jêh ri ăp nơm mra yơk mbah ma Păng tâm ntŭk păng nơm, Lĕ rngôch gôl dak mƀŭt ma lĕ bri dak tâm ban pônây lĕ.

Sôphôni 3:19

Aơ, tâm nôk nây, Gâp mra tâm rdâng đah lĕ rngôch phung tŭn jot may; Gâp mra tâm rklaih ƀư bah phung kuet rvĕn, Kuăl rgum phung tă bu mprơh du, Gâp mra ƀư ma khân păng geh nau tâm rnê jêh ri nau lư n'găr Tâm ăp ntŭk bu hŏ ƀư bêk prêng jêh khân păng.

Sakari 10:8

Gâp mra kuăl khân păng jêh ri rgum tay khân păng, Yorlah Gâp hŏ tâm chuai jêh khân păng; Jêh ri khân păng mra jêng bĭk rơ̆ nâm bu kăl e.

Sakari 2:6

Brah Yêhôva lah: “Hơi, hơi! Du hom tă bơh bri mpeh pa lơ, yorlah Gâp hŏ srih khân may pru pra nâm bu puăn njônh sial tâm trôk.” Brah Yêhôva lah.

Sakari 9:16

Ta nar nây, Yêhôva Brah Ndu khân păng mra tâm rklaih ƀon lan khân păng Nâm bu phung biăp Păng; Khân păng mra sol ang ta klơ neh Nâm bu lŭ khlay nchrat rêp ƀlêp ta klơ đon hađăch,

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Yôhan 10:27

Biăp Gâp tăng bâr Gâp, Gâp gĭt năl khân păng jêh ri khân păng tĭng ndô̆ Gâp.

Yôhan 11:52

mâu di knŏng ma phung ƀon lan nây dơm, ƀiălah gay rgum lĕ phung kon sau Brah Ndu hŏ chah rai pru pra jêng tay du mpôl.

Nau Vay Nkah Tay 30:4

Nđâp lah bu nsot khân may gŭ tâm ntŭk ngai dŭt trôk, bơh nây Yêhôva Brah Ndu khân may mra rgum tay khân may jêh ri djôt leo khân may plơ̆ sĭt.

Nau Vay Nkah Tay 32:26

Gâp ŭch mĭn jêh: ‘Gâp mra nchah rai khân păng ăp ntŭk, Jut ƀhiau nau ndray ma khân păng bơh phung bunuyh.’