Yêrêmi 30:8 - Nau Brah Ndu Ngơi 2023

⁸ Brah Yêhôva ma phung tahan lah: ‘Tâm nar nây, Gâp mra nkê̆ch lơi mâng mbăk bơh trô ko may, Tôch lơi rse kât ma may, Phung bu năch mâu mra đă may pah kan đŏng ôh.

Yêrêmi 30:8 Iomraidhean Croise

Nau Mprơ Ơm 107:14

Păng njŭn leo khân păng bơh ntŭk nau ngo klĕng jêh ri gui nau khĭt, Ƀư tăch rse rvăk kât ma khân păng.

Êsai 10:27

Tâm nar nây, mbăk jâk khân păng mra sŏk lơi tă bơh săng nglik may bu mra sŏk lơi, mâng mbăk khân păng bu mra sŏk lơi tă trô ko; mâng mbăk mra đoh jêh yorlah may jêng lay jêh.”

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 14:25

Gâp mra ƀư rai phung tahan Asiri tâm bri Gâp; Gâp mra jot plên păng ta klơ yôk Gâp. Mâng mbăk păng mra dơi sŏk lơi bơh phung ƀon lan Gâp, Mbăk jâk păng mra dơi sŏk lơi bơh săng nglik khân păng.”

Êsai 14:3

Tât nar Brah Yêhôva ăn ma khân may nau rlu bơh nau rêh ni, nau rŭng răng toyh, jêh ri nau pah kan hŏt rgănh bu nchâp khân may ƀư,

Êsai 9:4

Lĕ rngôch ndrom jâng phung tahan soh tâm nôk tâm lơh, Jêh ri kho ao mprănh mham Bu mra prăp ma ndơ ăn ŭnh sa da dê.

Yêrêmi 2:20

“Bơh jŏ Gâp hŏ nkê̆ch pă mâng mbăk, Tôch lơi rse rvăk ma may, Ƀiălah may ngơi: ‘Gâp mâu mra pah kan đŏng ôh.’ N'hêl nanê̆ ngăn, klơ ăp yôk prêh, Tâm dâng ăp pŭm tơm si âk n'ha, May kŭnh bôk nâm bu bu ur văng tĭr.

Yêrêmi 25:14

Khân păng nơm yơh pah kan ma bri dak toyh ktang jêh ri ma phung hađăch êng ktang lơn; jêh ri Gâp mra plơng bôk khân păng tĭng nâm nau khân păng ƀư jêh ri kan ti khân păng.’”

Yêrêmi 27:2

Brah Yêhôva lah ma gâp: “Ƀư hom ma may nơm du mlâm rse ntâu jêh ri du mlâm mâng mbăk, jêh ri văn ta trô ko.

Yêrêmi 27:7

Lĕ rngôch bri dak mra pah kan hađăch nây jêh ri ma kon sau păng, kŏ tât rnôk lĕ bri dak toyh ktang, phung hađăch toyh tâm tŭn mpet bri dak păng nơm.

Yêrêmi 28:10

Nơm mbơh lor Y-Hanania doh mâng mbăk bơh trô ko nơm mbơh lor Y-Yêrêmi, nkê̆ch pă lơi mâng mbăk,

Yêrêmi 28:13

“May hăn mbơh hom ma Y-Hanania pô aơ Brah Yêhôva lah pô aơ: ‘May hŏ nkê̆ch jêh mâng mbăk ma tơm si ƀiălah ntrok hom ta nây du mlâm mâng mbăk đah loih.

Yêrêmi 28:4

Brah Yêhôva lah: ‘Gâp mra njŭn sĭt Y-Jêkônia, kon bu klâu Y-Jêhôjakim, hađăch Yuđa, jêh ri lĕ rngôch phung Yuđa jêng bu nă hăn gŭ jêh tâm bri Babilôn, ăt plơ̆ sĭt tâm ntŭk aơ, yorlah Gâp nkê̆ch lơi mâng mbăk hađăch Babilôn.’”

Êsêkiêl 30:18

Ta ƀon Tahpanhes nôk nar mra ngo klĕng, Tơlah Gâp nkê̆ch pă lĕ mâng mbăk phung Êjipt ta nây, Jêh ri nau dăng ktang bêng ma nau sưr rlau păng mra lôch dŭt. Păng mra geh du ndâr tŭk nkŭm ndâp, Phung kon bu ur păng mra hăn jêng bu nă.

Êsêkiêl 34:27

Tơm si nklang bri mra geh play âk jêh ri neh mra chăt hon jêng ndơ. Khân păng mra gŭ mpăn tâm bri khân păng jêh ri khân păng mra gĭt Gâp jêng Brah Yêhôva tơlah Gâp hŏ nkê̆ch pă jêh lĕ mâng mbăk khân păng, jêh ri hŏ rklaih khân păng tă bơh ti phung nhŭp khân păng ƀư jêng dĭk.

Nahum 1:13

Ƀiălah aƀaơ aơ, Gâp mra nkê̆ch pă mâng mbăk păng tă bơh khân may Jêh ri ăn tăch lơi rse chăp kât khân may.”