Yêrêmi 30:5 - Nau Brah Ndu Ngơi 2023

⁵ “Brah Yêhôva lah: ‘He hŏ tăng jêh bâr nter nau phit phơr Nau klach krit, mâu di nau đăp mpăn ôh.

Yêrêmi 30:5 Iomraidhean Croise

Êsai 5:30

Tâm nar nây, mra geh nau ngrông tâm rdâng đah phung nây, Tâm ban ma nteh rbuh dak mƀŭt djhut djhut; Tơlah mbu nơm uănh lăp tâm n'gor knŏng saơ nau ngo klĕng jêh ri nau mhĭk, Ndâr tŭk nkŭm lơi nau ang ƀư ma nau ngo klĕng.

Êsai 59:11

He rđêng nđor tâm ban ma kau ngrông, Jêh ri rđêng rngot tâm ban nteh sĭm plŭk rđêng; He kâp gân nau sŏng ƀiălah mâu tât ôh, Kâp gân nau tâm rklaih, ƀiălah păng gŭ ngai đah hên!

Yêrêmi 12:12

Ta klơ yôk hil tâm bri rdah Phung sŏk ntŭng ƀư rai hŏ lip tât jêh; Yor mpiăt đao Brah Yêhôva rvăn neh aơ Ntơm bôk đah aơ tât bôk đah ri, Mâu geh du săk jăn dơi đăp mpăn.

Yêrêmi 25:36

Ri, nau lŭng nter phung chiăp biăp, Nau nhĭm vơl phung kôranh leo phung biăp! Yorlah Brah Yêhôva ƀư rai ndrêch gơ̆ khân păng,

Yêrêmi 30:4

Aơ jêng nau Brah Yêhôva lah ma phung Israel jêh ri phung Yuđa:

Yêrêmi 46:5

Mâm ƀư Gâp hŏ saơ jêh nau aơ? Khân păng klach ngăn jêh ri rŭch plơ̆; Phung tahan bu lơh rai lĕ jêh, Ngăch ma du ro, Khân păng mâu hôm plơ̆ n'gĭl pakơi ôh; Geh nau nkrit toyh jŭm chiau meng!” Brah Yêhôva lah pônây.

Yêrêmi 6:22

Brah Yêhôva lah: “Aơ, du phung ƀon lan tât bơh mpeh pa lơ; Du bri dak toyh ktang hao ntoh tă bơh nglĕ dŭt rplay neh.

Yêrêmi 6:26

Hơi phung kon bu ur ƀon lan Gâp, put hom bok ƀau tâm săk, Jêh ri rlă tâm ndruyh ŭnh buh. Nhĭm vơl hom nâm bu roh kon bu klâu kon dul, Vơl nhĭm hom rngot ji ngăn; Yorlah phung ƀư rai Mra tât ndal rduh ma he.

Yêrêmi 8:16

Tă bơh ƀon Dan, bu hŏ tăng nau nter seh; Neh n'găr mpât yorlah nteh krĭ phung seh tâm lơh. Khân păng tât rvăn neh jêh ri play kao neh, Rvăn ƀon jêh ri bunuyh gŭ tâm ƀon.

Yêrêmi 8:19

Aơ, geh bâr bu ur ƀon lan gâp kuăl rklaih, Plơ̆ sĭt bơh bri ngai ngăn: “Brah Yêhôva mâu hôm gŭ tâm ƀon Siôn hĕ? Hađăch Siôn mâu hôm gŭ tâm ƀon nây hĕ?” “Mâm ƀư khân păng dŏng rup trah khân păng Jêh ri brah dơm dam phung bu năch, Ƀư srônh ji nuih Gâp?”

Yêrêmi 9:19

Yorlah geh nau nhĭm vơl bơh ma ƀon Siôn pô aơ: ‘Hên lĕ rai jêh! Hên prêng hâu ngăn yơh! Yorlah hên hŏ chalơi ntŭk gŭ; Ngih vâl hên bu hŏ ƀư rai jêh!’”

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Habakuk 1:10

Khân păng mưch ma phung hađăch Jêh ri ntêh rmot ma phung kôranh chiă uănh. Khân păng gơm mưch ma lĕ rngôch pôih nâp, Jêh ri n'hao bun neh nchueng jŭm jêh nây sŏk pit in ƀon toyh.

Habakuk 1:6

Aơ, Gâp nsônh phung Kaldê văch hao lơh; Khân păng jêng du phung ƀon lan djơh ngăn mâu djân bu ôh, Phung hăn lăp tâm ăp n'gor bri neh ntu dŭt huy, Gay pit âk ntŭk gŭ mâu di ôh ntŭk khân păng nơm.