Yêrêmi 30:3 - Nau Brah Ndu Ngơi 2023

³ Brah Yêhôva lah: ‘Aơ, nar panăp Gâp mra njŭn leo phung ƀon lan Israel jêh ri Yuđa Gâp plơ̆ sĭt tă bơh ntŭk jêng dĭk, Gâp mra njŭn leo khân păng sĭt tâm bri dak Gâp hŏ ăn jêh ma phung chô yau khân păng, jêh ri khân păng mra sŏk dơn bri dak nây ƀư drăp ndơn.’ Brah Yêhôva lah pônây.”

Yêrêmi 30:3 Iomraidhean Croise

Êsra 3:1

Tât khay pơh, tơlah phung Israel hŏ gŭ jêh tâm lĕ ƀon khân păng nơm jêh, pôri phung ƀon lan tâm rƀŭn tâm ban du huê bunuyh ta ƀon Yêrusalem.

Êsra 3:12

Âk phung kôranh ƀư brah, phung Lêvi, kôranh ƀon, jêng phung bu ranh hŏ saơ ngih brah kăl e ri, khân păng nhĭm nter dôl nôk saơ mbon ngih brah mhe bu hŏ ndâk njêng jêh, nôk nây geh âk đŏng phung êng troh nter yorlah răm rhơn.

Êsra 3:8

Khay bar năm rơh bar, tơlah khân păng tât jêh ta ngih Brah Ndu ta Yêrusalem, Y-Sôrôƀaƀel, kon bu klâu Y-Sêaltiêl, jêh ri Y-Jêsua, kon bu klâu Y-Jôsadak, ndrel ma lĕ rngôch phung oh nâu khân păng ƀaƀă, jêng phung kôranh ƀư brah, phung Lêvi, nđâp ma lĕ rngôch phung tă bơh nau ƀư bu nă hŏ plơ̆ sĭt ta Yêrusalem, ntơm pah kan ndâk ngih brah. Khân păng dơm kan ma phung Lêvi, ntơm bơh bar jât năm klơ, ăn khân păng mât uănh nau pah kan ndâk ngih brah Brah Yêhôva.

Nau Mprơ Ơm 126:4

Ơ Brah Yêhôva, njŭn hên plơ̆ sĭt bơh nau jêng bu nă, Nâm bu dak hoch tâm n'hong dak suăt ta n'gor Nêgep!

Nau Mprơ Ơm 53:6

Ơ! ŭch ngăn ma nau tâm rklaih phung Israel, văch tă bơh Siôn! Tơlah Brah Ndu djôt leo phung ƀon lan Păng plơ̆ sĭt tă bơh n'gor ƀư bu nă. Yakôb mra răm rhơn jêh ri phung Israel hâk maak.

Yêrêmi 16:15

Ƀiălah mra lah: ‘Tĭng nâm bu Brah Yêhôva gŭ rêh mro mrăng, jêng Nơm hŏ njŭn leo kon sau phung ƀon lan Israel plơ̆ sĭt tă bơh mpeh pa lơ jêh ri tă bơh lĕ rngôch bri dak khân păng bu hŏ mprơh tât.’ Yorlah Gâp mra njŭn tay khân păng plơ̆ sĭt ma bri Gâp hŏ ăn jêh ma phung chô yau khân păng.”

Yêrêmi 23:5

Brah Yêhôva lah: “Aơ, lĕ nar mra tât, Gâp mra ăn n'hao ma Y-Đavit du N'gĭng Sŏng Srăng; Păng mra chiă uănh nâm bu du huê hađăch, gŭ ngao ma nau blau mĭn, Mra ƀư ma nau sŏng nau di tâm bri dak.

Yêrêmi 27:11

Ƀiălah moh ƀon lan anh mâng mbăk hađăch Babilôn ta trô ko jêh ri pah kan ma hađăch nây, pôri Gâp mra ăn păng gŭ tay tâm bri păng nơm gay jik kai jêh ri gŭ ta nây.’ Brah Yêhôva lah pônây.”

Yêrêmi 27:22

‘Lĕ rngôch ndơ dŏng nây bu mra djôt leo rlet ma ƀon Babilôn jêh ri prăp ta nây kŏ tât nar Gâp chop khâl ma khân păng. Rnôk nây, Gâp mra djôt plơ̆ sĭt lĕ ndơ nây jêh ri ăn tay ntŭk aơ.’ Brah Yêhôva lah pônây.”

Yêrêmi 29:10

Brah Yêhôva lah: “Lah lôch jêh pơh jât năm ăn ma phung Babilôn, Gâp mra hăn chop khâl khân may, mra ƀư lôch nau ton ueh jêh ma khân may, jêh ri mra njŭn leo khân may plơ̆ sĭt ma ntŭk aơ.”

Yêrêmi 29:14

Brah Yêhôva lah: “Gâp mra ăn khân may dơi mâp Gâp jêh ri gâp mra njŭn leo khân may bơh ntŭk ƀư dĭk. Gâp mra rgum tay khân may bơh lĕ rngôch bri dak jêh ri bơh lĕ rngôch ntŭk Gâp hŏ mprơh khân may. Gâp mra njŭn khân may sĭt tă bơh ntŭk Gâp hŏ nhŭp veng leo jêh khân may.”

Yêrêmi 3:18

Tâm nar nây, ngih Yuđa mra hăn ndrel ma ngih Israel, jêh nây khân păng mra nsum ndrel luh bơh neh mpeh pa lơ, plơ̆ sĭt ma n'gor Gâp hŏ ăn ma phung chô yau khân may ƀư drăp ndơn.

Yêrêmi 30:10

Brah Yêhôva lah: ‘Ơ Y-Yakôb, oh mon Gâp, lơi klach ôh. Ơ phung Israel, lơi klach krit ôh! Yorlah aơ, Gâp mra rklaih may luh bơh ntŭk ngai ngăn, Jêh ri phung kon sau may bơh bri bu nă. Y-Yakôb mra plơ̆ sĭt jêh ri rêh ueh lăng đăp rmên, Mâu hôm geh klach nuyh đŏng ôh.’

Yêrêmi 30:18

Brah Yêhôva lah: ‘Aơ, Gâp mra njŭn ngih bok Y-Yakôb plơ̆ sĭt bơh ntŭk jêng bu nă, Gâp mra yô̆ an ntŭk păng gŭ; Ƀon toyh aơ mra ndâk tay ta ntŭk rngot njăp, Ngih hađăch mra ndâk tay ta klơ ntŭk ơm.

Yêrêmi 30:4

Aơ jêng nau Brah Yêhôva lah ma phung Israel jêh ri phung Yuđa:

Yêrêmi 31:16

Brah Yêhôva lah: “Rlu hom bâr nhĭm vơl Jut sơh dak măt, Yorlah kan ay mra geh nau nkhôm; Khân păng mra plơ̆ sĭt tă bri phung rlăng,” Brah Yêhôva lah pônây.

Yêrêmi 31:23

Brah Yêhôva ma phung tahan, Brah Ndu Israel, lah: “Lah Gâp djôt leo lĕ rngôch phung bu nă plơ̆ sĭt jêh pôri tâm n'gor Yuđa jêh ri lĕ rngôch phung ƀon toyh păng, bu mra hôm ngơi nau aơ: ‘Hơi ntŭk gŭ nau sŏng srăng, hơi yôk kloh ueh ri, Dăn ma Brah Yêhôva ăn nau ueh uĭn ma may!’

Yêrêmi 31:27

Brah Yêhôva lah: “Aơ, lĕ nar mra tât, Gâp mra sŏk ntil bunuyh jêh ri ntil mpô mpa srih tâm ntŭk ngih Israel jêh ri Yuđa.

Yêrêmi 31:31

Brah Yêhôva lah: “Aơ, lĕ nar mra tât, Gâp mra ƀư nau tâm rnglăp mhe đah ngih Israel jêh ri đah ngih Yuđa.

Yêrêmi 31:38

Brah Yêhôva lah: “Aơ, lĕ nar mra tât, lah ƀon dơi ndâk tay ăn ma Brah Yêhôva, ntơm bơh ngih tŭm Hananel tât Mpông Pêr Njônh.

Yêrêmi 32:37

‘Aơ, Gâp mra rgum tâm rƀŭn khân păng tă bơh lĕ rngôch bri Gâp hŏ mprơh jêh khân păng tâm nau hao nuih, nuih hâu ngăn jêh ri tâm nau ji nuih Gâp mra njŭn khân păng plơ̆ sĭt ma ntŭk aơ jêh ri ăn ma khân păng gŭ pah kan đăp mpăn.

Yêrêmi 32:44

Bu mra rvăt mir ma prăk, nchih samƀŭt tăch, tâp pŏng tay, jă bunuyh nơm gĭt nanê̆ tâm bri Benjamin, jêh ri tâm ntŭk văr jŭm ƀon Yêrusalem, tâm lĕ rngôch ƀon n'gor Yuđa jêh ri tâm lĕ ƀon klơ yôk, n'gor Sêphêla jêh ri n'gor Nêgep. Yorlah Gâp mra ăn phung jêng bu nă plơ̆ sĭt tay đŏng.’” Yêhôva lah pônây.

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Yêrêmi 51:60

Y-Yêrêmi nchih lĕ rngôch nau mhĭk tât tâm du ndrom samƀŭt. Lĕ rngôch nau ngơi aơ nchih ma bri Babilôn.

Êsêkiêl 20:42

Khân may mra gĭt Gâp jêng Brah Yêhôva tơlah Gâp njŭn khân may lăp tâm n'gor bri Israel jêng n'gor Gâp hŏ yơr ti ton ăn jêh ma phung chô yau khân may.

Êsêkiêl 34:13

Gâp mra djôt leo khân păng luh du tă bơh ta nklang mpôl ƀon lan bri êng; Gâp mra rgum khân păng tă bơh tâm lĕ bri dak êng jêh ri njŭn leo khân păng sĭt tâm bri neh prăp êng ma khân păng nơm. Gâp mra chiăp khân păng ta klơ lĕ yôk Israel, êp tu dak jêh ri lĕ rngôch ntŭk geh bunuyh gŭ tâm n'gor bri.

Êsêkiêl 36:24

Gâp mra sŏk sĭt lơi phung khân may tă bơh ta nklang lĕ phung ƀon lan, rgum tay khân may tă bơh lĕ rngôch bri dak jêh ri leo sĭt tâm bri êng khân may nơm.

Êsêkiêl 47:14

Ăn khân may mra tâm pă ndrăng khân may nơm ƀư drăp ndơn yorlah Gâp ton jêh mra ăn neh aơ ma phung chô yau khân may, jêh ri khân may mra geh neh nây ƀư drăp ndơn.

Yôel 3:1

“Yor aơ, tâm lĕ nar nây, jêh ri jêng rnôk Gâp mra njŭn phung bu nă bơh Yuđa jêh ri Yêrusalem plơ̆ sĭt,

Sôphôni 2:7

N'gor nây mra jêng ăn ma phung ngih Yuđa hôm e klen; Khân păng mra chiăp biăp ta nây. Lah ngo, khân păng mra bê̆ch măng Tâm lĕ ngih ƀon Askalôn; Yorlah Yêhôva Brah Ndu khân păng mra chop khâl khân păng, Jêh ri leo phung tă ƀư bu nă ăn khân păng plơ̆ sĭt.

Sôphôni 3:20

Tâm nôk nây, Gâp mra djôt leo khân may plơ̆ sĭt, Nây jêng nôk Gâp tâm rgum tay khân may; Yorlah Gâp mra ƀư ma khân may lư n'găr Jêh ri geh nau tâm rnê ta nklang lĕ rngôch phung ƀon lan tâm neh ntu, Lah Gâp leo phung tă ƀư bu nă bơh phung khân may plơ̆ sĭt Tanăp măt khân may ro,” Brah Yêhôva lah pônây.

Luka 17:22

Păng lah tay ma phung oh mon: “Mra geh nar tâm rnôk khân may ŭch saơ du nar Kon Bunuyh, ƀiălah mâu dơi saơ păng ôh.

Luka 19:43

Yorlah mra geh nar, phung rlăng mra bât pôih, nchueng jŭm jêh ri rêt nâp puăn mpeh ma may.

Luka 21:6

“Nar mra tât lĕ ndơ khân may saơ ta ao mra rlâm rai lĕ ƀhiau, mâu hôm du glo lŭ aơ gŭ ta klơ glo lŭ êng ôh.”

Nau Vay Nkah Tay 30:3

pôri Yêhôva Brah Ndu mra rklaih khân may luh bơh nau ƀư dĭk, mra yô̆ nđach ma khân may jêh ri mra rgum khân may sĭt bơh lĕ rngôch ntŭk phung ƀon lan Yêhôva Brah Ndu hŏ ƀư chah rai jêh khân may.

Nau Vay Nkah Tay 30:5

Yêhôva Brah Ndu mra njŭn khân may sĭt tâm n'gor phung chô yau khân may pit sŏk jêh ri khân may dơi sŏk in n'gor nây. Păng mra ăn khân may chăt jêng âk lơn jêh ri jêng bĭk rơ̆ lơn ma phung chô yau khân may.

ហេឞ្រើ 8:8

Ƀiălah Kôranh Brah nduyh ma phung Israel nôk Păng lah: “Aơ, lĕ nar mra tât, Nôk Gâp mra ƀư nau tâm rnglăp mhe đah ngih Israel jêh ri đah ngih Yuđa,