Yêrêmi 30:20 - Nau Brah Ndu Ngơi 2023

²⁰ Phung kon khân păng mra jêng nâm bu rnôk saơm; Phung tâm rƀŭn khân păng mra jêng nâp tanăp Gâp; Gâp mra tâm rmal lĕ rngôch phung tŭn jot khân păng.

Yêrêmi 30:20 Iomraidhean Croise

Nau Mprơ Ơm 102:18

Nchih hom nau aơ tât tâm rnôk kăndơ̆, Gay du mpôl băl bunuyh kăndơ̆ mra mprơ tâm rnê ma Brah Yêhôva.

Nau Mprơ Ơm 102:28

Kon sau phung oh mon May mra hôm gŭ mro, Noi deh khân păng mra gŭ nâp tanăp măt May.

Êsai 49:26

Gâp mra ăn phung tŭn jot may sa nglay săk khân păng nơm, Nhŭl nhêt mham khân păng nơm tâm ban ma nhŭl ndrănh mhe. Lĕ rngôch bunuyh mra gĭt Gâp jêng Brah Yêhôva, Nơm Tâm Rklaih may, Jêng Nơm Tâm Chuai may, Nơm Geh Lĕ Nau Brah phung Yakôb!”

Êsai 51:22

Kôranh Brah jêng Brah, Yêhôva, Brah Ndu may Jêng Nơm ngơi n'gang ma phung ƀon lan Păng, lah pô aơ: “Aơ, Gâp sŏk lơi jêh kachok nau hăn ndĭt ndĭl bơh ti may, Jêng kachok nau Gâp ji nuih; May mâu mra nhêt đŏng ôh.

Êsai 54:14

Gâp mra ƀư nâp may ma nau sŏng srăng, May mra klaih bơh nau bu tŭn jot, mâu klach ôh; Jêh ri klaih bơh nau krit kir, yorlah nau nây mâu mra văch dăch may ôh.

Yêrêmi 2:3

Israel jêng phung ƀon lan prăp êng kloh ueh ăn ma Brah Yêhôva, Jêng play dak bôk bơh kan Păng. Ma mbu nơm sa rvăn phung nây mra geh tih, Nau mhĭk mra nkhŭt tât ta klơ khân păng.’ ” Brah Yêhôva lah pônây.

Yêrêmi 30:16

Yor nây, lĕ rngôch mbu nơm rvăn may bu mra rvăn; Lĕ rngôch phung rlăng may, tâm ăp nơm mra hăn jêng bu nă; Mbu nơm tŭn jot may bu mra tŭn jot, Lĕ rngôch phung tŭn jot may, Gâp mra jao ma nau tŭn jot.’

Yêrêmi 32:39

Gâp mra ăn ma khân păng du nuih n'hâm, ndrel ma du trong gay ma khân păng dơi klach yơk ma Gâp lôch nau rêh khân păng, yor nây khân păng nơm jêh ri ndŭl deh ma phung kon sau khân păng dơi geh nau ueh da dê.

Nau Nhĭm Vơl 5:21

Ơ Brah Yêhôva, njêng tay hom hên gay ma hên dơi plơ̆ sĭt tay! Dăn ƀư mhe tay nar khay hên nâm bu kăl e!

Sakari 10:6

“Gâp mra ƀư ăn dăng ma ngih Yuđa, Jêh ri mra tâm rklaih ngih Yôsep. Gâp mra leo khân păng plơ̆ sĭt, yorlah yô̆ klâng khân păng, Jêh ri khân păng mra jêng nâm bu Gâp ê hŏ mâp dun ôh ma khân păng; Yorlah Gâp jêng Yêhôva Brah Ndu khân păng, jêh ri mra dơn nau khân păng dăn.

Sakari 10:8

Gâp mra kuăl khân păng jêh ri rgum tay khân păng, Yorlah Gâp hŏ tâm chuai jêh khân păng; Jêh ri khân păng mra jêng bĭk rơ̆ nâm bu kăl e.

Sakari 8:5

Ăp nkual ntŭk rlu pâl tâm ƀon toyh mra bêng phung bu klâu ndăm bu ur druh gŭ pâl rlưn ta nây.”