Yêrêmi 30:2 - Nau Brah Ndu Ngơi 2023

² “Yêhôva Brah Ndu Israel lah: ‘Nchih hom lĕ rngôch nau gâp ngơi ma may ta du drôm samƀŭt.’

Yêrêmi 30:2 Iomraidhean Croise

Nau Ngluh Êjipt 17:14

Brah Yêhôva lah ma Y-Môis: “Nchih hom nau aơ tâm ndrom samƀŭt gay ma ndray jêh ri nkoch ăn ma Y-Yôsuê gĭt nau aơ Gâp mra jut lĕ nau ndray ma phung Amalek tâm neh ntu aơ.”

Êsai 30:8

Aƀaơ, ăn may nchih hom nau nây ta klơ pŏk kađar, Nchih hom nau nây tâm du ndrom samƀŭt, Gay prăp nau nây n'ho ro ma phung kon sau.

Êsai 8:1

Brah Yêhôva lah ma gâp: “Sŏk hom du pŏk kađar toyh, jêh ri nchih ta nây ma rplay samƀŭt kon bunuyh: ‘Y-Maher-Salal-Has-Bas.’ ”

Yêrêmi 25:13

Gâp mra ƀư lĕ rngôch nau Gâp ngơi ma bri dak nây, lĕ rngôch nau nchih jêh tâm ndrom samƀŭt aơ, nây jêng nau Y-Yêrêmi hŏ mbơh lor jêh tâm rdâng đah lĕ rngôch bri dak.

Yêrêmi 30:1

Aơ jêng nau Brah Yêhôva lah ma Y-Yêrêmi:

Yêrêmi 36:28

“May sŏk hom du ndrom samƀŭt ntâu êng jêh ri nchih tay lĕ rngôch nau ngơi hŏ nchih jêh tâm ndrom samƀŭt saơm Y-Jêhôjakim, hađăch Yuđa, hŏ su jêh.

Yêrêmi 36:32

Y-Yêrêmi sŏk đŏng du ndrom samƀŭt ntâu êng ăn ma kôranh nchih samƀŭt Y-Baruk, kon bu klâu Y-Nêria. Păng nchih tay tĭng lĕ rngôch nau bơh mbung Y-Yêrêmi hŏ geh nchih jêh nau ngơi tâm ndrom samƀŭt ntâu Y-Jêhôjakim, hađăch Yuđa, hŏ su jêh tâm ŭnh. Păng kơi ntop âk nau ngơi ƀoi nĕ.

Daniel 12:4

Bi may, hơi Y-Daniel, nchăng hom nau aơ jêh ri tâp pŏng lơi ndrom samƀŭt aơ kŏ tât ta rnôk nglĕ dŭt. Âk bunuyh mra nsong ta aơ ta ri jêh ri nau gĭt rbăng mra hao lơn.”

Samƀŭt Pôl Njuăl Ăn Ma Phung Nsing Ta Ƀon Rôm 15:4

Lĕ nau bu nchih jêh bơh kăl e jêng gay ma ntĭm nti he, gay ma tă bơh nau nâp jêh ri n'hao nuih n'hâm Nau Brah Ndu Ngơi he geh nau kâp gân.

I Kôrintô 10:11

Lĕ rngôch nau nây tât geh ma khân păng nâm bu du nau nti, jêh ri bu nchih jêh gay lah lor ma he jêng phung gŭ êp nar dăch lôch.

Nau Vay Nkah Tay 31:19

Pôri aƀaơ aơ nchih hom nau mprơ aơ jêh ri nti ma phung Israel. Dơm hom nau nây tâm trôm mbung khân păng, gay ma nau mprơ aơ dơi jêng du nau mbơh Gâp tâm rdâng đah phung ƀon lan Israel.

II Pêtrôs 1:21

yorlah mâu geh du ntil nau mbơh lor luh tă bơh bunuyh mĭn, ƀiălah Brah Huêng Ueh sŭk nsôr khân păng ngơi nau luh bơh Brah Ndu.

Nau Tâm Mpơl 1:11

đă pô aơ: “Nchih hom lĕ nau may saơ tâm du ndrom samƀŭt jêh ri njuăl ma phung pơh Phung Ngih Brah Ndu ta ƀon Êphêsô, ƀon Smirna, ƀon Pergam, ƀon Thiatir, ƀon Sardis, ƀon Philađelphi jêh ri ƀon Laođisê.”

Nau Tâm Mpơl 1:19

Pôri, nchih hom lĕ nau may hŏ saơ jêh, lĕ nau geh jêh jêh ri lĕ nau mra tât kăndơ̆.