Yêrêmi 30:18 - Nau Brah Ndu Ngơi 2023

¹⁸ Brah Yêhôva lah: ‘Aơ, Gâp mra njŭn ngih bok Y-Yakôb plơ̆ sĭt bơh ntŭk jêng bu nă, Gâp mra yô̆ an ntŭk păng gŭ; Ƀon toyh aơ mra ndâk tay ta ntŭk rngot njăp, Ngih hađăch mra ndâk tay ta klơ ntŭk ơm.

Yêrêmi 30:18 Iomraidhean Croise

I Nau Rêh Jêng 29:1

Y-Đavit lah ma lĕ rngôch phung tâm rƀŭn: “Y-Salômôn, kon gâp, knŏng êng păng Brah Ndu hŏ săch jêh, hôm ndăm jêh ri hom pưt nau gĭt mĭn, jêh ri kan jêng toyh; yorlah ngih brah nây mâu di ndâk ma bunuyh ôh, ƀiălah mra prăp ma Yêhôva Brah Ndu.

I Nau Rêh Jêng 29:19

Dăn ma Kôranh Brah ăn ma Y-Salômôn, kon gâp, du nuih n'hâm mâu geh bu dơi nduyh djôt prăp lĕ nau vay ntăm, lĕ nau ntĭnh, jêh ri lĕ nau vay dăp bơh May, tâm ban ƀư lĕ kan gay ndâk ngih brah, gâp hŏ rơm nŭm jêh.”

Nêhêmi 7:4

Ƀon jêng huy ngăn, ƀiălah phung ƀon lan gŭ tâm ƀon hôm djê̆ jêh ri ngih vâl mhe ê-hŏ geh ndâk ôh.

Nau Mprơ Ơm 102:13

May mra gơnh yô̆ nđach ma ƀon Siôn; Yorlah jêng mông May ăn nau yô̆ ma păng. Jêh ri mông tât jêh.

Nau Mprơ Ơm 102:14

Phung oh mon May rŏng ma ăp găr lŭ Siôn Jêh ri yô̆ nđach ma lĕ ndruyh neh păng đŏng.

Nau Mprơ Ơm 122:7

Ăn nau đăp mpăn gŭ ta mpêr ƀon, Jêh ri nau chăt jêng tâm phung ngih hađăch may!

Nau Mprơ Ơm 48:13

Uănh nanê̆ lĕ mpêr ƀon, Sek uănh lĕ ngih hađăch păng, Gay ma khân may nkoch tay rnôk kăndơ̆

Nau Mprơ Ơm 48:3

Brah Ndu gŭ lĕ pôih nâp tâm ƀon Jêh ri Păng jêng ntŭk păng nde krap.

Nau Mprơ Ơm 78:69

Păng ndâk ngih brah kloh ueh tâm ban ma ngih ta klơ trôk, Tâm ban ma neh ntu Păng hŏ ƀư nâp n'ho ro.

Nau Mprơ Ơm 85:1

Ơ Brah Yêhôva, May ăn jêh nau ueh ma n'gor May nơm; May njŭn sĭt jêh phung bu nă Yakôb.

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Êsai 44:28

Păng jêng Nơm hŏ lah pô aơ: ‘Sirus jêng rmăk biăp Gâp, Păng mra ƀư lĕ nau Gâp ŭch;’ Jêng nơm lah ma ƀon Yêrusalem pô aơ: ‘Păng mra ndâk tay,’ Jêh ri ma ngih brah pô aơ: ‘Păng mra n'gân tay mbon.’ ”

Yêrêmi 23:3

Gâp nơm mra rgum biăp hôm klen luh bơh lĕ rngôch bri dak Gâp hŏ mprơh jêh khân păng tât. Gâp mra njŭn khân păng plơ̆ sĭt ma ndrêch gơ̆ khân păng nơm; khân păng mra bĭk rơ̆ dŭt âk ngăn.

Yêrêmi 29:11

Brah Yêhôva lah: “Yorlah Gâp gĭt nau Gâp hŏ dăp jêh ma khân; nây jêng nau đăp mpăn mâu di ôh nau mhĭk, gay ma khân may geh du nar kăndơ̆ jêh ri du nau kâp gân.

Yêrêmi 29:14

Brah Yêhôva lah: “Gâp mra ăn khân may dơi mâp Gâp jêh ri gâp mra njŭn leo khân may bơh ntŭk ƀư dĭk. Gâp mra rgum tay khân may bơh lĕ rngôch bri dak jêh ri bơh lĕ rngôch ntŭk Gâp hŏ mprơh khân may. Gâp mra njŭn khân may sĭt tă bơh ntŭk Gâp hŏ nhŭp veng leo jêh khân may.”

Yêrêmi 30:3

Brah Yêhôva lah: ‘Aơ, nar panăp Gâp mra njŭn leo phung ƀon lan Israel jêh ri Yuđa Gâp plơ̆ sĭt tă bơh ntŭk jêng dĭk, Gâp mra njŭn leo khân păng sĭt tâm bri dak Gâp hŏ ăn jêh ma phung chô yau khân păng, jêh ri khân păng mra sŏk dơn bri dak nây ƀư drăp ndơn.’ Brah Yêhôva lah pônây.”

Yêrêmi 31:23

Brah Yêhôva ma phung tahan, Brah Ndu Israel, lah: “Lah Gâp djôt leo lĕ rngôch phung bu nă plơ̆ sĭt jêh pôri tâm n'gor Yuđa jêh ri lĕ rngôch phung ƀon toyh păng, bu mra hôm ngơi nau aơ: ‘Hơi ntŭk gŭ nau sŏng srăng, hơi yôk kloh ueh ri, Dăn ma Brah Yêhôva ăn nau ueh uĭn ma may!’

Yêrêmi 31:38

Brah Yêhôva lah: “Aơ, lĕ nar mra tât, lah ƀon dơi ndâk tay ăn ma Brah Yêhôva, ntơm bơh ngih tŭm Hananel tât Mpông Pêr Njônh.

Yêrêmi 31:4

Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Yêrêmi 31:40

Lĕ rlŭng tâp săk khĭt jêh ri ŭnh buh, lĕ rngôch mir ngai n'gŏ dak n'hor Kidrôn jêh ri tât ta njônh Mpông Pêr Seh mpeh pa luh nar, mra dơi prăp jêng ntŭk kloh ueh ma Brah Yêhôva da dê. Ƀon nây bu mâu mra kuyh lơi păng mâu lĕ ƀư rlâm n'ho ro đŏng ôh.”

Yêrêmi 32:15

Yorlah Brah Yêhôva ma phung tahan, Brah Ndu Israel, lah: ‘Bu mra rvăt đŏng ngih, mir, jêh ri đang krăk ƀâu tâm bri aơ.’

Yêrêmi 32:44

Bu mra rvăt mir ma prăk, nchih samƀŭt tăch, tâp pŏng tay, jă bunuyh nơm gĭt nanê̆ tâm bri Benjamin, jêh ri tâm ntŭk văr jŭm ƀon Yêrusalem, tâm lĕ rngôch ƀon n'gor Yuđa jêh ri tâm lĕ ƀon klơ yôk, n'gor Sêphêla jêh ri n'gor Nêgep. Yorlah Gâp mra ăn phung jêng bu nă plơ̆ sĭt tay đŏng.’” Yêhôva lah pônây.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Yêrêmi 33:7

Gâp mra njŭn leo phung bu nă Yuđa jêh ri bu nă Israel plơ̆ sĭt; ndâk tay khân păng nâm bu ntơm bơh saơm.

Yêrêmi 46:27

“Ơ phung oh mon Gâp jêng Yakôb, lơi klach ôh! Ơ phung Israel, lơi ta klach krit ôh! Yor aơ, Gâp mra rklaih may bơh ntŭk ngai ngăn, Jêh ri noi deh may tă bơh jêng bu nă. Phung Yakôb mra plơ̆ sĭt tay jêh ri gŭ ueh đăp mpăn, Mâu hôm klach krit bu ôh.”

Yêrêmi 49:39

Ƀiălah tâm nar kăndơ̆, Gâp mra leo lĕ phung tă jêng bu nă phung Êlam plơ̆ sĭt.” Brah Yêhôva lah pônây.

Yêrêmi 49:6

Ƀiălah nar kăndơ̆, Gâp mra njŭn sĭt phung kon sau Ammôn tă bơh nau jêng dĭk nă,” Brah Yêhôva lah pônây.

Êsêkiêl 36:11

Gâp mra ntop đŏng kon bunuyh jêh ri mpô mpa ta klơ neh khân may, khân păng mra hao bĭk rơ̆ lơn jêh ri chăt jêng. Gâp mra ƀư ăn khân may ma bunuyh âk nâm bu kăl e jêh ri ăn nau ƀŭn lap ma khân may âk lơn bơh ntơm saơm. Rnôk nây, khân may mra gĭt Gâp jêng Brah Yêhôva.

Amôt 9:14

Gâp mra njŭn leo phung ƀon lan Israel Gâp plơ̆ sĭt bơh bu nă; Khân păng mra ndâk tay lĕ ƀon toyh lĕ rai jêh, jêh ri gŭ ta nây. Khân păng mra tăm đang krăk ƀâu jêh ri nhêt ndrănh păng, Khân păng mra jik mir khân păng jêh ri sa play păng.

Sakari 1:12

Nôk nây, tông mpăr bơh Brah Yêhôva lah: “Hơi Brah Yêhôva ma phung tahan, May hŏ ji nuih đah ƀon Yêrusalem jêh ri phung ƀon tâm n'gor Yuđa tâm pơh jât năm aơ jêh. Ndah hôm jŏ nau May mâu mra yô̆ ma khân păng?”

Sakari 1:16

Yor nây, Brah Yêhôva lah: ‘Gâp mra plơ̆ yô̆ đŏng ma ƀon Yêrusalem. Ngih brah Gâp mra ndâk tay ta ntŭk nĕ, jêh ri rse veh di rnhuan mra nthăng tâm ƀon Yêrusalem.’ Brah Yêhôva ma phung tahan lah.

Sakari 12:6

Tâm nar nây, Gâp mra ƀư ma phung kôranh Yuđa tâm ban ma ŭnh năk dôl ŭnh hit ta nklang mbŭch long, nâm bu chiông ŭnh rdo hit ta nklang âk nchăp ba; khân păng mra su rai lĕ rngôch phung ƀon lan gŭ jŭm, nđâp mpeh pa ma jêh ri mpeh pa chiau. Ƀiălah phung ƀon lan Yêrusalem hôm e gŭ ta ntŭk ƀon păng nơm, nây jêng Yêrusalem.”

Sakari 12:7

Brah Yêhôva mra tâm rklaih lor lơn phung vâl bok Yuđa gay ma nau chrêk ma lơp ngih Y-Đavit jêh ri nau chrêk ma lơp phung ƀon lan gŭ ta ƀon Yêrusalem mâu dơi rlau ôh nau chrêk rmah phung Yuđa.

Sakari 14:10

Lĕ n'gor bri mra plơ̆ jêng neh lâng ntơm bơh Gêba tât ta Rimôn, mpeh pa dâng Yêrusalem. Ƀiălah Yêrusalem mra n'hao klơ gŭ ta ntŭk ơm păng, ntơm bơh mpông pêr Benjamin kŏ tât mpông pêr tal nguay jêh ri tât mpông pêr Njônh, jêh ri ntơm bơh vâl tŭm Hananel tât ta ntu păt ndrănh ma hađăch.