Yêrêmi 30:16 - Nau Brah Ndu Ngơi 2023

¹⁶ Yor nây, lĕ rngôch mbu nơm rvăn may bu mra rvăn; Lĕ rngôch phung rlăng may, tâm ăp nơm mra hăn jêng bu nă; Mbu nơm tŭn jot may bu mra tŭn jot, Lĕ rngôch phung tŭn jot may, Gâp mra jao ma nau tŭn jot.’

Yêrêmi 30:16 Iomraidhean Croise

Nau Mprơ Ơm 129:5

Đơ phung tâm rmot ma ƀon Siôn Bêk prêng jêh ri rŭch lơi.

Nau Ngluh Êjipt 23:22

Ƀiălah tơlah may iăt nau tông bâr păng jêh ri ƀư tĭng lĕ nau Gâp ntĭnh ntăm, pôri Gâp mra jêng phung rlăng đah phung rlăng kon, jêh ri nơm rdâng đah phung tâm rdâng đah kon.

Nau Hôr 22:23

Yorlah Brah Yêhôva mra koh dŏng nau rplay ngơi khân păng, Jêh ri sŏk rhuăt nau rêh phung pit ntŭng ndô ndơ khân păng.

Êsai 14:2

Phung ndŭl mpôl bunuyh mra njŭn leo phung Israel plơ̆ sĭt ta ntŭk khân păng nơm. Ta neh Brah Yêhôva, ngih Israel mra pit rvăn phung ndŭl mpôl bunuyh aơ jêng phung oh mon bu klâu jêh ri oh mon bu ur. Phung Israel mra nhŭp phung hŏ nhŭp jêh khân păng, jêh ri chiă uănh phung tŭn jot jêh khân păng.

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsai 54:15

Tơlah geh nơm rduh lơh may, Nau nây mâu tât tă bơh Gâp ôh. Mbu nơm rduh lơh đah may, Mra rlâm tŭp yor may.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Yêrêmi 10:25

Dăn May nkhŭt nau ji nuih ta klơ lĕ bri dak mâu gĭt năl May, Jêh ri ta klơ lĕ ndŭl mpôl mâu kuăl amoh May. Yorlah khân păng hŏ rvăn Y-Yakôb, Jêh ri hôm rvăn đŏng; Khân păng ƀư rai lĕ Y-Yakôb, Ƀư ăn ntŭk gŭ păng jêng rngot njăp.

Yêrêmi 12:14

Brah Yêhôva lah: “Bi phung chiau meng mhĭk ngăn ma Gâp, lĕ phung sŏk rvan drăp ndơn Gâp ăn jêh ma phung ƀon lan Israel Gâp sŏk dơn, Gâp mra rôk khân păng bơh neh khân păng, jêh ri rôk ngih Yuđa du luh bơh khân păng.

Yêrêmi 2:3

Israel jêng phung ƀon lan prăp êng kloh ueh ăn ma Brah Yêhôva, Jêng play dak bôk bơh kan Păng. Ma mbu nơm sa rvăn phung nây mra geh tih, Nau mhĭk mra nkhŭt tât ta klơ khân păng.’ ” Brah Yêhôva lah pônây.

Yêrêmi 25:12

Brah Yêhôva lah: ‘Lah lĕ lôch jêh pơh jât năm, Gâp mra tâm rmal hađăch bri Babilôn jêh ri mpôl băl bunuyh nây, bri phung Kaldê, yor nau mhĭk khân păng, jêh ri njêng bri nây jêng rngot njăp n'ho ro.

Yêrêmi 30:15

Mâm may hôm nter lah yor ji sôt rmanh may? Nau ji may mâu dơi bah ôh. Yorlah nau may tih toyh ngăn, Nau djơh mhĭk may âk ngăn Yor nây Gâp ƀư ma may nâm bu pônây.

Yêrêmi 50:28

Iăt hom phung nchuăt du jêh ri phung lĕ rklaih tă bơh bri Babilôn tât tâm ƀon Siôn gay mbơh nau Yêhôva Brah Ndu he har plơng bôk, nau plơng bôk ăn ma ngih brah Păng.

Yêrêmi 8:16

Tă bơh ƀon Dan, bu hŏ tăng nau nter seh; Neh n'găr mpât yorlah nteh krĭ phung seh tâm lơh. Khân păng tât rvăn neh jêh ri play kao neh, Rvăn ƀon jêh ri bunuyh gŭ tâm ƀon.

Nau Nhĭm Vơl 1:21

Khân păng tăng bâr gâp nter vơl, Ƀiălah mâu geh ôh nơm bonh leng. Lĕ rngôch phung rlăng gâp maak rhơn da dê, Dôl Păng djôt leo nau mhĭk tât ma gâp. Ăn may djôt nar May hŏ mbơh jêh ƀư ăn tât! Gay ma khân păng rêh ni nâm bu gâp.

Nau Nhĭm Vơl 1:22

Ăn lĕ rngôch nau mhĭk khân păng mpơl tanăp măt May! Ăn May rmal khân păng Nâm bu May hŏ rmal jêh gâp Yor lĕ rngôch nau tih gâp hŏ ƀư jêh; Gâp hŏ vah vơl âk ngăn Jêh ri nuih n'hâm gâp huănh klêu.”

Êsêkiêl 29:6

Rnôk nây, lĕ rngôch phung gŭ tâm n'gor Êjipt mra gĭt Gâp jêng Brah Yêhôva, yorlah may hŏ jêng mâng jra đah rpho ăn ma ngih Israel.

Êsêkiêl 35:5

Yorlah may hôm prăp nau rlăng ntơm bơh kăl e jêh ri hŏ jao jêh ma phung kon Israel ma tak đao tâm nar nau mhĭk tât khân păng tâm rnôk nglĕ dŭt.’

Yôel 3:8

Gâp mra jao phung kon bu ur jêh ri phung kon bu klâu khân may ma ti phung ƀon lan Yuđa, jêh ri khân păng mra tăch khân păng ăn ma phung Sabê, ma phung mpôl băl bunuyh gŭ ngai.” Brah Yêhôva lah pônây.

Mika 4:11

Nôk nây, geh âk bri dak rgum băl tâm lơh đah may, Khân păng lah: “Ƀư ƀơ̆ ƀơch ăn păng Jêh ri măt he ŭch uănh ma ƀon Siôn!

Mika 7:10

Nơm rlăng ma gâp mra saơ nau nây, Jêh ri mra geh nau bêk prêng. Păng jêng nơm hŏ lah ma gâp pô aơ: “Ta ntŭk Yêhôva Brah Ndu may?” Măt gâp mra saơ nau păng rlâm rai, Jêh ri bu mra jot mpet Nâm bu dak bŏk rŏ trong.

Nahum 1:8

Ƀiălah Păng sŏk dak lip ler băm Gay ƀư rai lĕ ntŭk păng gŭ, Jêh ri hăn tĭng phung rlăng Păng lăp tâm nau ngo.

Habakuk 2:16

May mra bêng ma nau prêng yor ntrok ma nau chrêk rmah. Nhêt hom may nơm jêh ri gay mpơl nau ê hŏ ŭch koh ntâu. Kachok Brah Yêhôva djôt tâm ti ma Mra tât ăn ma may, Jêh ri nau bêk prêng mra ntrok nau chrêk ma lơp may.

Sôphôni 2:8

“Gâp hŏ tăng jêh nau Môap mưch rmot, Nau phung ƀon lan Ammôn suai rak; Khân păng mưch rmot phung ƀon lan Gâp, Ngơi sưr ma nau khân păng pit in bri dak phung ƀon lan Gâp.”

Sakari 1:14

Nôk nây, tông mpăr dôl ngơi ndrel gâp, lah ma gâp: “Mbơh hom pô aơ Brah Yêhôva ma phung tahan lah: ‘Gâp dŭt n'hâm ntôn khek ngăn yor ma ƀon Yêrusalem jêh ri Siôn.

Sakari 1:15

Ƀiălah Gâp nuih ngăn phung mpôl bunuyh dôl gŭ đăp mpăn; yorlah Gâp knŏng ji nuih djê̆ dơm ma phung ƀon lan Gâp, ƀiălah khân păng hŏ ƀư ntop đŏng nau rêh ni.’

Sakari 12:2

“Aơ, Gâp mra ƀư ăn Yêrusalem jêng du mlâm kachok ndrănh ƀư vĭr măt ma lĕ rngôch phung ƀon lan gŭ jŭm păng; jêh ri lah bu nchueng jêh ƀon Yêrusalem pôri phung Yuđa bu ŭch hăn lơh đŏng.

Sakari 14:2

Gâp mra rgum lĕ rngôch bri dak tâm lơh đah ƀon Yêrusalem. Bu mra sŏk gro ƀon toyh, bu pit in ngih vâl, phung bu ur bu mra nchâp gay bê̆ch ndrel; n'gul ƀon mra hăn ƀư bu nă, ƀiălah phung ƀon lan hôm e bu mâu mprơh ngluh ôh tă bơh ƀon.

Sakari 2:12

Brah Yêhôva mra dơn phung Yuđa jêng drăp ndơn tâm ntŭk kloh ueh Păng, jêh ri Păng mra săch rgum đŏng Yêrusalem.

Sakari 2:8

Lôch jêh mpơl nau chrêk ma lơp, Păng đă gâp hăn tât ma lĕ bri dak hŏ pit in jêh ndơ khân may. Yorlah Brah Yêhôva ma phung tahan lah pô aơ mbu nơm pah tât ta khân may nâm bu ntĭt pah tât ta găr măt Păng.

Nau Vay Nkah Tay 30:7

Yêhôva Brah Ndu khân may mra ntŭp lĕ rngôch nau rak rtăp ta klơ phung rlăng khân may, ta klơ phung tâm rmot jêh ri ƀư rêh ni khân may.

Nau Tâm Mpơl 13:10

Tơlah mbu nơm bu njŭn leo jêng bu nă, Păng mra jêng bu nă. Tơlah mbu nơm bu nkhĭt ma đao gưm, Bu mra nkhĭt păng ma đao gưm. Aơ jêng nau srôih jêh ri nau chroh phung kloh ueh.

I Samuel 17:53

Jêh hăn tĭng phung tahan Philistin, phung ƀon lan Israel plơ̆ sĭt sŏk pit pôih khân păng.