Yêrêmi 30:14 - Nau Brah Ndu Ngơi 2023

¹⁴ Lĕ rngôch phung rŏng ma may hŏ chuêl jêh may, Mâu meng tât ma may: Yorlah Gâp hŏ dong may kŏ sôt nâm bu du huê rlăng dong, Nduyh nkra may nâm bu phung ƀai nduyh nkra, Yorlah nau may tih toyh ngăn, Nau djơh mhĭk may âk ngăn.

Yêrêmi 30:14 Iomraidhean Croise

Ndrom Samƀŭt bơh Yôp 16:9

Tâm nau ji nuih, Păng hêk gâp jêh ri tâm rmot gâp; Păng rket sêk đah gâp Phung rlăng gâp ntơ̆ măt uănh ma gâp.

Ndrom Samƀŭt bơh Yôp 19:11

Nau Păng ji nuih hâng đah gâp, Păng uănh gâp jêng nơm rlăng Păng.

Ndrom Samƀŭt bơh Yôp 30:21

May plăch jêng nau ƀư djơh đah gâp, Dŏng nau dăng ti May ƀư mhĭk ma gâp.

Nau Mprơ Ơm 107:17

Phung rluk geh nau rêh ni yorlah nau gŭ ngao tih, Jêh ri rêh ni yor nau djơh mhĭk khân păng nơm.

Êsai 57:13

Lah may kuăl rklaih, ăn phung rup brah may tâm rklaih khân may! Sial mra khôm rdu phung brah nây, Du n'hâm nsôr mra sŏk rdu lơi lĕ rngôch khân păng. Ƀiălah mbu nơm du krap tâm Gâp mra dơn bri neh nây, Jêh ri mra dơn yôk kloh ueh Gâp ƀư drăp ndơn.

Yêrêmi 14:17

May ngơi hom ma khân păng nau aơ: ‘Ăn ma măt gâp hoch dak nar măng mâu dơi rlu; Yorlah bu ur druh ƀon lan gâp bu lơh mâu hôm klen, Sôt rmanh jru glăm ngăn.

Yêrêmi 2:36

Mâm dĭng may dơi rgâl trong may Ngăch nâm pônây? Mâm may hŏ prêng đah phung Asiri, Ăt mra prêng đah Êjipt tâm ban lĕ.

Yêrêmi 22:20

Hao hom nâm Liban jêh ri lŭng nter, Sŏk hom bâr nter vơl ta klơ bri Basan; Kuăl nter klơ yôk ntŭk Abarim! Yorlah lĕ rngôch phung may rŏng lĕ rai lôch da dê.

Yêrêmi 22:22

Sial mra đô̆ rdu lĕ rngôch phung rmăk biăp may, Phung may rŏng mra hăn jêng bu nă; Nôk nây, may mra prêng jêh ri uh ah Yor lĕ rngôch nau mhĭk may.

Yêrêmi 30:15

Mâm may hôm nter lah yor ji sôt rmanh may? Nau ji may mâu dơi bah ôh. Yorlah nau may tih toyh ngăn, Nau djơh mhĭk may âk ngăn Yor nây Gâp ƀư ma may nâm bu pônây.

Yêrêmi 32:29

Phung Kaldê dôl rduh tâm lơh đah ƀon aơ mra văch tât su ƀon aơ, su rai lơi lĕ ngih bu nhhơr ndơ ƀâu kah ma brah Baal ta klơ chor jêh ri ƀư ndơ nhhơr nhêt ăn ma brah êng, gay nsônh nuih Gâp.

Yêrêmi 32:30

Yorlah ntơm bơh kon se, phung kon sau Israel jêh ri phung kon Yuđa knŏng gĭt ƀư nau mhĭk tâm dâng măt Gâp. Nanê̆ ngăn, phung kon sau Israel knŏng nsônh nuih Gâp ma lĕ kan ti khân păng ƀư, Brah Yêhôva lah pônây.

Yêrêmi 32:34

Khân păng hŏ dơm jêh lĕ ndơ ƀơ̆ ƀơch tâm trôm ngih dơi ntơ ma Amoh Gâp, gay ƀư ƀơ̆.

Yêrêmi 32:35

Khân păng hŏ ndâk jêh lĕ ntŭk prêh klơ ăn ma brah Baal tâm rlŭng Ben-Hinôm, gay nhhơr phung kon bu klâu phung kon bu ur khân păng nơm ăn ma brah Môlek. Nây jêng nau Gâp mâu geh ntĭm nti, mâu mâp lĕ mĭn ma nau nây khân păng dơi ƀư nau tâm rmot aơ tâm ban pônây gay ăn phung Yuđa ƀư tih.

Yêrêmi 38:22

‘Aơ, lĕ rngôch phung bu ur hôm tâm ngih hađăch Yuđa bu mra veng leo ăn ma phung kôranh hađăch Babilôn; khân păng mra lah ma hađăch pô aơ: Phung mĭt jiăng may nsing Hŏ ndơm jêh may jêh ri dơi lơn đah may; Aƀaơ, lah jâng may hŏ rhuh jru jêh tâm bŏk, Pôri khân păng der ngai đah may.’

Yêrêmi 4:30

Bi may, hơi nơm rai yot, mâm may mra ƀư? Nđâp tơlah may nsoh ao chăng, văn ndơ nkrơ̆ đah mah, Sŏk dak ôch mhĭng măt may ăn huy, Nkrơ̆ ăn ueh, ăt mâu geh nau khlay ôh. Lĕ bunuyh rŏng may ăt mưch may, Joi nau ŭch nkhĭt may.

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Yêrêmi 5:5

Gâp mra tât mâp phung geh nau dơi Jêh ri ngơi đah khân păng, Yorlah khân păng gĭt rah vah trong Brah Yêhôva, Nau Brah Ndu păng lah.” Ƀiălah khân păng nơm hŏ nsum ndrel nsum ndrel nkê̆ch mâng mbăk, Tăch rse!

Yêrêmi 5:6

Yor nây, yau mŭr tâm bri mra nkhĭt khân păng, So bri bơh bri rdah ƀư rai khân păng. Yau brăch mra rmiăt kêng padih ƀon khân păng, Mbu nơm luh bơh ƀon mra hêk sa! Yorlah nau tih toyh khân păng âk ngăn, Nau tâm rdâng khân păng mâu dơi kơp.

Yêrêmi 50:42

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter, Ncho klơ seh, khân păng nkrĭp dăp tahan Du ai rduh tâm lơh đah may, Ơ phung kon bu ur ƀon Babilôn!

Yêrêmi 6:23

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter; Khân păng ncho klơ seh, Âk bunuyh nâm bu du huê, Ndrăp rduh lơh may, Hơi kon bu ur Siôn!”

Nau Nhĭm Vơl 1:19

Gâp hŏ kuăl jêh phung rŏng ma gâp Ƀiălah khân păng ndơm gâp; Phung kôranh ƀư brah jêh ri phung bu ranh Hŏ khĭt jêh tâm ƀon, Dôl khân păng joi ndơ sông sa Gay geh plơ̆ tay n'hâm suan.

Nau Nhĭm Vơl 1:2

Păng nhĭm dôl măng bêng ma nau rngot, Dak măt hoch tât ta trôm bom. Ta nklang lĕ rngôch phung rŏng ma păng rnôk kăl e, Mâu geh ôh nơm bonh leng păng. Phung mĭt jiăng tâm rdâng ma păng, Jêng phung tâm rlăng.

Nau Nhĭm Vơl 2:1

Hơi, mâm dĭng Kôranh Brah hao ji nuih Nkŭm tŭk krăk klơ ta kon bu ur Siôn? Păng hŏ klŭp tă bơh trôk prêh jŭr tât ta neh Nau chrêk rmah Israel; Tâm nar ji nuih, Păng mâu hôm kah gĭt ôh ma rnơl chrong jâng Păng.

Êsêkiêl 23:22

Yor nây, Hơi H'Ôhôliba, Kôranh Brah Yêhôva lah: ‘Aơ, Gâp mra nsônh phung tĭr nây nuih n'hâm ay lĕ dĭl jêh, tâm rdâng đah ay jêh ri Gâp leo khân păng văch rduh lơh ay tă bơh puăn mpeh:

Êsêkiêl 23:9

Yor ri, Gâp jao jêh păng tâm ti phung tĭr păng, jêng tâm ti phung Asiri ma phung păng rŏng.

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Daniel 9:13

Lĕ rngôch nau mhĭk aơ ăn tât jêh ta klơ hên di nâm bu nchih jêh tâm nau vay Y-Môis. Nđâp tơlah pônây, hên ăt mâu vơl dăn ôh nau yô̆ bơh Yêhôva Brah Ndu hên gay chalơi nau djơh mhĭk jêh ri rle nuih n'hâm ma nau răp jăp May.

Daniel 9:5

Hên hŏ geh nau tih jêh, ƀư nau tih, gŭ ngao djơh mhĭk, hên tâm rdâng, chalơi đah lĕ nau vay ntăm jêh ri nau vay ƀư bơh May.

Ndrom Samƀŭt bơh Ôsê 2:5

Ngăn yơh, mê̆ khân păng văng tĭr, Bunuyh ntreo ma khân păng hŏ ƀư jêh nau prêng. Yorlah păng lah: ‘Gâp mra hăn tĭng phung rŏng gâp; Khân păng mra ăn ƀănh, dak, rsau biăp, brai mhay, Dak ngi jêh ri ndơ nhêt.’

Ndrom Samƀŭt bơh Ôsê 5:14

Yorlah gâp mra jêng nâm bu du mlâm yau mŭr ma Êphraim, Nâm bu du mlâm yau mŭr kon ma ngih Yuđa. Gâp nơm yơh mra sa hêk jêh nây hăn du; Gâp mra djôt leo, jêh ri mâu geh ôh nơm dơi sâm rklaih.

Apdia 1:7

Lĕ rngôch phung tâm rnglăp đah may hŏ mprơh may tât ta n'har bri. Phung mĭt jiăng may ndơm may nơm jêh ri tŭn jot may; Bi phung sa ƀănh may ƀư dăk sân may nơm Ƀiălah mâu gĭt đê̆ ro.