Yêrêmi 30:13 - Nau Brah Ndu Ngơi 2023

¹³ Mâu geh du huê koh dŏng ăn ma may, Sôt rmanh vay dơi săm bah, Ƀiălah may mâu geh dak si săm ôh.

Yêrêmi 30:13 Iomraidhean Croise

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Ndrom Samƀŭt bơh Yôp 5:18

Yorlah păng ƀư ăn sôt, ƀiălah Păng put tay; Păng lơh ji, ƀiălah ti Păng ƀư bah tay.

Nau Mprơ Ơm 106:23

Yor nây, Brah Ndu lah pô aơ Păng mra ƀư rai khân păng. Ƀiălah Y-Môis jêng nơm Păng săch jêh, Dâk ntŭk pêch đang tanăp Păng, Gay dăn lơi ăn Păng ji nuih ƀư rai khân păng.

Nau Mprơ Ơm 142:4

Dăn May uănh pa ma gâp, Aơ, mâu geh bunuyh srâng iăt tât ma gâp ôh; Mâu đŏng geh ntŭk gay ma gâp nsing; Mâu geh nơm meng ma nau rêh gâp ôh.

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Êsai 1:6

Bơh mpang jâng tât ta bôk, Mâu geh du ntŭk bah ôh, Lĕ ntŭk sôt jêh ri ntŭk môr bŭr Jêh ri lĕ ntŭk mhe sôt, Mâu hŏ jĭr ôh, mâu lĕ mâp put, Mâu lĕ mâp mhĭng ma dak ngi ôlive jêh ri piăch.

Êsai 59:16

Păng saơ mâu geh du huê bunuyh sŏng srăng ôh, Jêh ri hih rhâl yor mâu geh nơm vah vơl. Păng dŏng ti păng nơm ƀư tât nau tâm rklaih; Nau sŏng Păng nơm kơl.

Yêrêmi 14:19

“May hŏ chalơi ngăn jêh phung Yuđa hĕ? Di lĕ nuih n'hâm May dôl tâm rmot ma phung Siôn lĕ? Mâm ƀư may dong hên, Mâu ƀư bah ôh ma hên? Hên kâp gân ma nau đăp mpăn, ƀiălah mâu saơ nau ueh tât ôh; Ŭch kâp yan ƀư bah, knŏng saơ nau klach krit.

Yêrêmi 17:14

Ơ Brah Yêhôva! Dăn May ƀư bah ăn gâp gay gâp dơi bah; Dăn May sâm rklaih gâp gay gâp dơi rklaih; Yorlah May jêng Nơm gâp mât ton tâm rnê.

Yêrêmi 30:17

Brah Yêhôva lah: ‘Gâp mra ăn tay n'hâm suan ma may, Ƀư bah sôt rmanh may, Yorlah khân păng ntơ may jêng nơm bu hŏ mƀăr lơi jêh: “Nây jêng ƀon Siôn, mâu geh bunuyh meng tât!”’

Yêrêmi 33:6

Ƀiălah, Gâp mra ăn tay n'hâm suan jêh ri nau ƀư bah ma ƀon nây. Gâp mra ƀư bah ăn ma phung ƀon lan khân păng, mra tâm mpơl ma khân păng saơ nau chăt jêng rmeh ler jêh ri đăp rmên jŏ jong.

Yêrêmi 46:11

Ơ bu ur druh, kon bu ur bri Êjipt! Hăn hao hom ma bri Gilêat, jêh ri sŏk ntăk si ƀâu kah; Khân ay dŏng âk ntil dak si kŏ mâu khlay lĕ, Mâu geh nau ƀư bah ma khân ay ôh!

Yêrêmi 6:7

Nâm bu ntu dak mâm ƀư prăp ăn dak nđik nâm pônây, Pôri ƀon nây ăt prăp nau mhĭk păng pônây lĕ. Lam ƀon knŏng tăng nau ƀai jêh ri ƀư rai; Tanăp măt Gâp knŏng saơ ji kuet jêh ri sôt rmanh.

Yêrêmi 8:22

Tâm Gilêat mâu geh ntăk si ƀâu kah hĕ? Ta nây ăt mâu hôm geh nai dak si hĕ? Pônây mâm ƀư sôt rmanh kon bu ur phung ƀon lan gâp Mâu dơi ƀư bah?

Nau Nhĭm Vơl 2:13

Hơi bu ur druh Yêrusalem, Moh ndơ gâp ƀư gay mbơh nkoch ăn ma may? Mbu đah ay tâm rđĭl? Hơi bu ur druh Siôn, Moh ndơ gâp sŏk tâm rđĭl đah may gay ma bonh leng ay? Nau mhĭk may toyh nâm bu dak mƀŭt. Mbu nơm dơi ƀư bah?

Êsêkiêl 22:30

Gâp joi jêh du huê bunuyh ta nklang khân păng gay ndâk tay mpêr ƀon toyh, yorlah neh gŭ dâk ta ntŭk lĕ đang chah tanăp Gâp gay ma Gâp mâu ƀư rai păng ôh; ƀiălah Gâp joi mâu dơi geh du huê bunuyh.

Êsêkiêl 30:21

“Hơi kon bunuyh, Gâp hŏ nkê̆ch pă nting tur Pharaôn, hađăch Êjipt. Aơ, mâu geh ôh nơm put dak si gay dơi ƀư bah; mâu geh nơm put n'grêp ntŭk sôt rmanh gay păng plơ̆ sĭt dăng ktang kuăn tay đao.

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Ndrom Samƀŭt bơh Ôsê 6:1

“Văch hom, ăn he plơ̆ sĭt ma Brah Yêhôva Yorlah Păng hŏ sa hêk jêh he, ƀiălah Păng mra ƀư bah; Păng hŏ dong sôt he, ƀiălah mra put sôt.

Nahum 3:19

Sôt rmanh may mâu geh ôh dak si ƀư bah, Sôt rmanh may dŭt glăm ngăn. Lĕ rngôch phung tăng nau nkoch ma may bu tap ti da dê, Yorlah mbu nơm dơi klaih tă bơh nau may chiă uănh ƀư djơh mro?

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

I Yôhan 2:1

Hơi phung kon jê̆ lê̆ gâp, gâp nchih lĕ nau aơ ma khân may gay ma khân may mâu ƀư tih. Ƀiălah tơlah bu ƀư tih, he geh du huê Nơm tâm kơl đah Kôranh Brah Mbơ̆ jêng Brah Yêsu Krist, Nơm Sŏng Srăng.