Yêrêmi 30:10 - Nau Brah Ndu Ngơi 2023

¹⁰ Brah Yêhôva lah: ‘Ơ Y-Yakôb, oh mon Gâp, lơi klach ôh. Ơ phung Israel, lơi klach krit ôh! Yorlah aơ, Gâp mra rklaih may luh bơh ntŭk ngai ngăn, Jêh ri phung kon sau may bơh bri bu nă. Y-Yakôb mra plơ̆ sĭt jêh ri rêh ueh lăng đăp rmên, Mâu hôm geh klach nuyh đŏng ôh.’

Yêrêmi 30:10 Iomraidhean Croise

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Êsai 14:3

Tât nar Brah Yêhôva ăn ma khân may nau rlu bơh nau rêh ni, nau rŭng răng toyh, jêh ri nau pah kan hŏt rgănh bu nchâp khân may ƀư,

Êsai 35:9

Ta trong nây mâu mra geh yau mŭr ôh, Mâu lĕ geh du mlâm mpa bri janh mra hăn ta nây; Bu mâu mra saơ khân păng ta nây ôh. Ƀiălah phung Brah Ndu tâm chuai jêh mra hăn ta trong nây.

Êsai 43:5

Lơi klach ôh, yorlah Gâp gŭ ndrel ma may, Gâp mra djôt noi deh may tât tă bơh mpeh luh nar, Jêh ri tâm rƀŭn may tă bơh mpeh nhâp nar.

Êsai 44:1

Aƀaơ aơ ơ phung Yakôb, oh mon Gâp, Ơ Israel Gâp hŏ săch jêh, iăt hom!

Êsai 44:2

Brah Yêhôva jêng Nơm njêng jêh may, Hŏ mon jêh may tâm ndŭl me, jêh ri mra kơl may; Păng lah: Ơ phung Yakôb, oh mon Gâp, Jêh ri Yêsurun, nơm Gâp săch jêh, lơi klach ôh!

Êsai 46:11

Bơh mpeh luh nar, Gâp hŏ kuăl du mlâm sĭm klang; Bơh bri ngai, Gâp kuăl du huê bunuyh ƀư nau ŭch nchră Gâp tât. Nau Gâp ngơi jêh, Gâp mra ƀư lôch; Nau Gâp hŏ dăp jêh, Gâp mra ƀư.

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 49:12

Aơ, phung aơ mra văch tă bơh ngai, Phung ri mra văch tă bơh mpeh pa lơ, jêh ri bơh mpeh nhâp nar, Jêh ri phung êng tă bơh bri Syene.

Êsai 49:25

Ƀiălah Brah Yêhôva lah: “Nanê̆, đơ phung bunuyh tă nơm dăng bu nhŭp mra dơi rklaih, Bu mra mplơ̆ tay ndơ bơh phung janh ƀai sŏk pit; Yorlah Gâp mra tâm rdâng đah phung tâm rdâng đah may, Jêh ri Gâp yơh mra tâm rklaih phung kon may.

Êsai 54:4

“Lơi klach ôh, yorlah ay mâu mra bêk ôh. Lơi dĭl ôh, yorlah ay mâu hôm bêk đŏng ôh. Ay mra chuêl nau ay bêk dôl kon se, Jêh ri ay mâu mra kah gĭt ôh ma nau ay bêk tâm nau bu ur ndrô sai.

Yêrêmi 23:3

Gâp nơm mra rgum biăp hôm klen luh bơh lĕ rngôch bri dak Gâp hŏ mprơh jêh khân păng tât. Gâp mra njŭn khân păng plơ̆ sĭt ma ndrêch gơ̆ khân păng nơm; khân păng mra bĭk rơ̆ dŭt âk ngăn.

Yêrêmi 23:4

Gâp mra dơm phung rmăk biăp gay chiăp leo khân păng jêh ri khân păng mâu hôm klach, mâu lĕ rdja klach krit đŏng ôh, jêh ri mâu mra nhhơt roh du mlâm biăp lĕ,” Brah Yêhôva lah pônây.

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Yêrêmi 23:8

Ƀiălah bu mra lah: ‘Tĭng nâm Brah Yêhôva gŭ rêh mro mrăng, jêng Nơm hŏ njŭn jêh noi deh ngih Israel sĭt bơh mpeh pa lơ, bơh lĕ rngôch bri dak Păng hŏ mprơh jêh khân păng tât.’ Khân păng mra gŭ tâm bri khân păng nơm.”

Yêrêmi 29:11

Brah Yêhôva lah: “Yorlah Gâp gĭt nau Gâp hŏ dăp jêh ma khân; nây jêng nau đăp mpăn mâu di ôh nau mhĭk, gay ma khân may geh du nar kăndơ̆ jêh ri du nau kâp gân.

Yêrêmi 29:14

Brah Yêhôva lah: “Gâp mra ăn khân may dơi mâp Gâp jêh ri gâp mra njŭn leo khân may bơh ntŭk ƀư dĭk. Gâp mra rgum tay khân may bơh lĕ rngôch bri dak jêh ri bơh lĕ rngôch ntŭk Gâp hŏ mprơh khân may. Gâp mra njŭn khân may sĭt tă bơh ntŭk Gâp hŏ nhŭp veng leo jêh khân may.”

Yêrêmi 3:18

Tâm nar nây, ngih Yuđa mra hăn ndrel ma ngih Israel, jêh nây khân păng mra nsum ndrel luh bơh neh mpeh pa lơ, plơ̆ sĭt ma n'gor Gâp hŏ ăn ma phung chô yau khân may ƀư drăp ndơn.

Yêrêmi 30:3

Brah Yêhôva lah: ‘Aơ, nar panăp Gâp mra njŭn leo phung ƀon lan Israel jêh ri Yuđa Gâp plơ̆ sĭt tă bơh ntŭk jêng dĭk, Gâp mra njŭn leo khân păng sĭt tâm bri dak Gâp hŏ ăn jêh ma phung chô yau khân păng, jêh ri khân păng mra sŏk dơn bri dak nây ƀư drăp ndơn.’ Brah Yêhôva lah pônây.”

Yêrêmi 30:7

Rêh ni ngăn! Nar nây klach krit ngăn Mâu mâp geh nar tâm ban ma nar nây; Nây jêng rơh nau rêh ni tât ma phung Yakôb, Ƀiălah păng mra dơi rklaih bơh nar nây.’

Yêrêmi 33:16

Tâm nar nây, n'gor Yuđa mra dơi geh nau tâm rklaih jêh ri ƀon Yêrusalem mra gŭ rêh đăp rmên; ƀon nây bu mra ntơ amoh jêng: Brah Yêhôva, nau sŏng srăng he.’

Êsêkiêl 16:52

Ay phat dôih phung oh nur ay knŏng dơn nau bêk prêng ăn ma ay nơm dơm. Yorlah nau tih ay mhĭk lơn ma khân păng yor nây khân păng jêng sŏng srăng lơn ma ay. Pônây dơn hom nau tâm rmot, nau bêk prêng yor ay ƀư jêh ăn ma oh nur ay dơi kơp jêng sŏng srăng!

Êsêkiêl 38:11

May mra lah: ‘Gâp mra hăn tât lơh bri dak geh ƀon mâu geh mpêr ôh, gâp mra hăn tât ndrel phung ƀon lan gŭ mpăn, đăp rmên, nây jêng lĕ rngôch phung gŭ tâm ntŭk mâu geh mpêr ôh, mâu geh ôh rnăng mpông jêh ri mâu geh mpông.

Daniel 12:1

“Tâm rnôk nây, tông mpăr toyh Mikel, nơm king n'gang ma phung ƀon lan may mra dâk. Jêh ri mra geh du rơh uh ah mâu mâp saơ ôh bơh ntơm ndâk njêng bri dak kŏ tât ta rnôk nây. Ƀiălah rnôk nây lĕ, mbu nơm tâm phung ƀon lan may geh amoh tâm ndrom samƀŭt ri mra dơi geh nau tâm rklaih.

Ndrom Samƀŭt bơh Ôsê 2:18

Tâm nar nây, Gâp mra ƀư nau tâm rnglăp ta nklang khân may Đah lĕ mpô mpa bri, sĭm klơ trôk, Đah lĕ mpa vơr ta neh. Gâp mra nkê̆ch pă lơi na, tak đao Jêh ri ƀư nau tâm lơh du luh bơh n'gor aơ, Gay khân may dơi gŭ mpăn.

Ndrom Samƀŭt bơh Ôsê 2:20

Di yơh, Gâp mra nđăp ay đah Gâp tâm nau răp jăp; Jêh ri ay mra gĭt Brah Yêhôva.”

Ndrom Samƀŭt bơh Ôsê 6:11

Hơi Yuđa, may tâm ban lĕ, Du yan rek hŏ nal jêh ăn may, Tơlah Gâp leo phung ƀon lan Gâp plơ̆ sĭt tă bơh ntŭk jêng bu nă.

Yôel 2:21

Hơi bri neh, lơi klach ôh! Maak răm rhơn hom, Yorlah Brah Yêhôva ƀư jêh lĕ kan toyh.

Mika 4:9

Ƀiălah aƀaơ aơ mâm ƀư may nter nhĭm huy ngăn? Mâu geh hađăch gŭ ta nklang may ƀơh? Mâu lah bunuyh sâm nchră ma may lĕ khĭt jêh Yor ri may ji dŭt hâu ngăn nâm bu du huê bu ur ji deh?

Sakari 3:10

Brah Yêhôva ma phung tahan lah: “Tâm nar nây, ăp nơm tâm khân may mra jă bunuyh chiau meng păng gŭ tâm dâng tơm krăk ƀâu jêh ri tơm rvi.”

Yôhan 12:15

“Hơi kon bu ur ƀon Siôn, lơi klach ôh! Ri, uănh hađăch ay văch, Păng ncho kon seh bri!”