Yêrêmi 3:25 - Nau Brah Ndu Ngơi 2023

²⁵ Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 3:25 Iomraidhean Croise

Nau Mprơ Ơm 106:6

Hên jêh ri phung chô yau hên hŏ ƀư tih jêh; Hên ƀư nau kue jêh ri hên ƀư ma nau djơh jêh.

Nau Mprơ Ơm 106:7

Dôl phung chô yau hên gŭ tâm bri Êjipt, Khân păng mâu gĭt rbăng lĕ nau mbên khlay May, Mâu lĕ kah gĭt nuih n'hâm ueh May rmeh ler, Ƀiălah ƀư nau tâm rdâng ta kơh dak mƀŭt, nây jêng Dak Mƀŭt Chăng.

Nau Mprơ Ơm 109:29

Ăn phung rlăng đah gâp nsoh nau bêk. Nau bêk prêng nkŭm khân păng nâm bu ao.

Nau Hôr 13:18

Mbu nơm dun nau bu ntĭm nti mra jêng o ach jêh ri dơn nau bêk prêng, Ƀiălah mbu nơm dơn nau nduyh nkra mra dơi geh nau yơk.

Nau Hôr 5:13

Mâm gâp mâu tông bâr nai nti, Jêh ri mâu lĕ ŭch rkêng tôr iăt nau bunuyh ntĭm nti gâp!

Êsai 48:8

May mâu mâp tăng ôh, mâu lĕ mâu mâp gĭt, Bơh kăl e, tôr may mâu mâp pơk ôh. Yorlah Gâp gĭt jêh may mơng tâm rdâng, Di ngăn bu kuăl khân may jêng phung tâm rdâng bơh ndŭl me.

Êsai 50:11

Aơ, lĕ rngôch khân may jêng phung sŭnh ŭnh, Jêh ri ŭnh rdo, Hăn hom ta nklang mpiăt ŭnh Jêh ri ŭnh rdo khân may su jêh! Aơ jêng nau ti Gâp hŏ ƀư ma khân may: Khân may mra lâng săk ma nau rêh ni!

Yêrêmi 11:13

Yorlah, hơi phung Yuđa, ndah âk ƀon khân may geh ăt geh âk brah kơt nây lĕ! Ndah âk Yêrusalem geh trong toyh ăt khân may ndâk âk kơt nây lĕ nơng ƀư brah ăn brah di ma nau prêng, jêng lĕ nơng ƀư brah nhhơr ndơ ƀâu kah ăn brah Baal!’

Yêrêmi 12:13

Khân păng srih ba ƀlê jêh ri rek pôm lok, Hŏt rgănh mâu geh nau khlay ôh. Bêk prêng hom ma kao play khân păng, Yorlah nau Brah Yêhôva ji nuih hâu ngăn!”

Yêrêmi 14:20

Ơ Brah Yêhôva, hên gĭt saơ jêh nau djơh mhĭk hên, Jêh ri nau tih phung chô yau hên, Yorlah hên hŏ ƀư tih jêh đah May.

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Yêrêmi 2:17

Mâu di hĕ may nơm hŏ ƀư êng nau nây ăn ma may nơm Yorlah hŏ chalơi Yêhôva Brah Ndu, Dôl Păng njŭn may ta rŏ trong nây?

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Yêrêmi 2:26

Nơm ntŭng prêng ngăn lah bu ban păng dôl ntŭng. Pôri ngih phung Israel, Nđâp ma kôranh hađăch, phung kôranh chiă uănh, Phung kôranh ƀư brah, lĕ phung nơm mbơh lor, ăt prêng ngăn nâm bu pônây.

Yêrêmi 20:18

Mâm ƀư gâp luh du bơh ndŭl mê̆ Gay saơ nau hŏt r'ah rngot rvê, Du bông nau rêh anh nau prêng?

Yêrêmi 22:21

Gâp hŏ ngơi jêh ma may dôl nôk geh nau mpăn rlêk, Ƀiălah may lah: ‘Gâp mâu ŭch gŭ iăt ôh.’ Ntơm bơh jê̆, nau rêh jêng may hŏ nâm bu pônây, May mâu mâp tông bâr ma Gâp ôh.

Yêrêmi 3:13

‘Knŏng ŭch may dơn saơ nau tih may pô aơ: May hŏ tâm rdâng đah Yêhôva Brah Ndu; May hŏ nsong lam ntŭk tĭng brah phung bu năch tâm dâng ăp pŭm tơm si âk n'ha, Jêh ri mâu rkêng tôr ôh iăt nau Gâp.’” Brah Yêhôva lah pônây.

Yêrêmi 31:19

Jêh nau vĭ nhhơt, gâp hŏ rmal nau tih; Jêh geh nau nti, gâp hŏ tŭr tang tơh nduyh tôr; Gâp prêng brâp muh măt Yorlah hŏ anh nau bu mưch rmot bơh nôk hôm mom.

Yêrêmi 6:26

Hơi phung kon bu ur ƀon lan Gâp, put hom bok ƀau tâm săk, Jêh ri rlă tâm ndruyh ŭnh buh. Nhĭm vơl hom nâm bu roh kon bu klâu kon dul, Vơl nhĭm hom rngot ji ngăn; Yorlah phung ƀư rai Mra tât ndal rduh ma he.

Yêrêmi 7:19

Brah Yêhôva lah: “Di lĕ khân păng nsônh nau ji nuih Gâp? Mâu di hĕ khân păng ƀư rmanh êng, sŏk dơn nau bêk prêng ăn ma khân păng nơm nây hĕ?”

Yêrêmi 8:14

Mâm ƀư he hôm gŭ mro? Tâm rƀŭn rgum, nchuăt ndrel lăp tâm ƀon nâp Jêh ri khĭt ta nây! Yorlah Yêhôva Brah Ndu he hŏ nal ăn he mra khĭt, Păng ăn he nhêt dak kăch khih, Yorlah he hŏ ƀư tih đah Brah Yêhôva.

Yêrêmi 9:18

Đă khân păng gơnh hom nau klâng rvê, Gay ma hên tŭp dak măt, Rsâng măt hên bêng dak măt!

Nau Nhĭm Vơl 5:16

Đon hađăch tŭp jêh bơh klơ bôk hên, Rêh ni ngăn ma hên, yorlah hên ƀư tih jêh!

Nau Nhĭm Vơl 5:7

Chô yau hên hŏ ƀư tih jêh ri abaơ lĕ khĭt jêh; Hên mra anh nau mhĭk khân păng.

Êsêkiêl 2:3

Păng lah ma gâp: “Hơi kon bunuyh, Gâp prơh may hăn tât ma phung ƀon lan Israel, hăn tât ma phung vay mơng tâm rdâng đah Gâp. Khân păng jêh ri phung chô yau khân păng ƀư tih vay mơng tâm rdâng đah Gâp kŏ tât nar aơ.

Êsêkiêl 36:32

Kôranh Brah Yêhôva lah: ‘Mâu di yor khân may dĭng Gâp ƀư nâm pônây, ăn khân may gĭt nau nây. Hơi ngih Israel, ăn khân may saơ nau bêk prêng jêh ri đit ngăn yor trong khân may nơm!’

Êsêkiêl 44:13

Khân păng mâu mra văch dăch Gâp ôh gay ƀư lôch nau kan kôranh ƀư brah tanăp măt Gâp. Mâu lĕ khân păng mâu mra văch dăch ôh ma moh ndơ kloh ueh Gâp mâu lah ndơ dŭt kloh ueh, ƀiălah mra anh nau bêk prêng jêh ri lĕ rngôch nau mhĭk khân păng hŏ ƀư jêh.

Êsêkiêl 7:18

Khân păng mra vân rse bŭt ma bok ƀau, nau krit nkŭm khân păng; lĕ rngôch muh măt prêng da dê, lĕ rngôch bôk poih plưn da dê.

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

Ndrom Samƀŭt bơh Ôsê 9:10

Gâp hŏ mâp Israel Nâm bu mâp rkŭm play krăk ƀâu tâm bri rdah; Gâp hŏ saơ chô yau khân may Nâm bu play bôk rah bôk yan ta klơ tơm play rvi nse. Ƀiălah khân păng hŏ tât Baal-Pêôr; Nhhơr săk jăn khân păng ăn ma ndơ khư bêk prêng, Jêh ri jêng ndơ ƀơ̆ nâm bu ndơ khân păng hŏ rŏng jêh.

Sôphôni 1:17

Gâp mra leo nau rêh ni tât ma phung bunuyh; Khân păng mra chuat hăn nâm bu bunuyh chieh măt, Yorlah hŏ ƀư tih jêh đah Brah Yêhôva; Mham khân păng mra nkhŭt nâm bu neh muy, Jêh ri proch ôm hăch nâm bu ek.

Samƀŭt Pôl Njuăl Ăn Ma Phung Nsing Ta Ƀon Rôm 6:21

Nôk nây moh play aƀaơ aơ khân may geh nau bêk prêng? Play ƀư prêng khân ay may aƀaơ! Nau nglĕ dŭt lĕ nau nây jêng nau khĭt.

Phung Kôranh Phat Dôih 2:2

bi khân may, lơi ta ƀư ôh nau tâm rnglăp đah phung ƀon lan tâm n'gor aơ; ƀư chah hom nơng ƀư brah khân păng.’ Ƀiălah khân may mâu iăt tĭng nau Gâp ntĭnh. Mâm khân may hŏ ƀư nau nây?