Yêrêmi 3:22 - Nau Brah Ndu Ngơi 2023

²² “Hơi phung kon mâu răp jăp, plơ̆ sĭt hom! Gâp mra ƀư bah nau mâu răp jăp khân may.” Khân may plơ̆ lah: “Aơ, phung hên tât ma May, Yorlah May jêng Yêhôva Brah Ndu hên.

Yêrêmi 3:22 Iomraidhean Croise

Nau Mprơ Ueh 1:4

Dăn têk gâp tĭng may, ăn he gơnh chuat ndrel, — Hađăch hŏ njŭn gâp sĭt tâm ngih hađăch — Phung he nsum răm maak rhơn răm ndrel may, Nsum tâm rnê nau may rŏng, âk lơn ma ndrănh. Lĕ bu druh mâm ƀư mâu dơi rŏng ma may!

Êsai 1:2

Ơ lĕ ndâr trôk gŭ iăt hom, ơ neh ntu rkêng tôr iăt hom! Yorlah Brah Yêhôva lah pô aơ: “Gâp hŏ mât mơh jêh oh kon, ăn khân păng toyh kuăng, Ƀiălah khân păng tâm rdâng jêh đah Gâp.

Êsai 27:8

May tâm rmal jêh khân păng tâm nau veh keh Ma nau nsot khân păng; May dŏng phŭt chuănh đô̆ ktang rdu khân păng Tâm nar geh sial bơh luh nar.

Êsai 31:6

Ơ phung ƀon lan Israel, plơ̆ sĭt hom ma Nơm khân may hŏ tâm rdâng dŭt n'hâm jêh.

Êsai 57:17

Yor nau păng kơnh rlau ir dĭng Gâp ji nuih jêh ri dong păng. Tâm nau ji nuih, Gâp hŏ pôn jêh muh măt Gâp ma păng, Ƀiălah păng ăt plơ̆ tay nâm trong nuih n'hâm păng.

Yêrêmi 3:12

Hăn hom, rle mpeh pa lơ mbơh lĕ nau aơ: ‘Hơi phung Israel mâu răp jăp, plơ̆ sĭt hom! Brah Yêhôva lah, Gâp mâu mra luh muh măt ji nuih ôh uănh ma khân may, Yorlah nuih n'hâm Gâp bêng ma nau yô̆ nđach; Gâp mâu mra ji nuih n'ho ro ôh.’ Brah Yêhôva lah pônây.

Yêrêmi 30:17

Brah Yêhôva lah: ‘Gâp mra ăn tay n'hâm suan ma may, Ƀư bah sôt rmanh may, Yorlah khân păng ntơ may jêng nơm bu hŏ mƀăr lơi jêh: “Nây jêng ƀon Siôn, mâu geh bunuyh meng tât!”’

Yêrêmi 31:18

Nanê̆, Gâp hŏ tăng jêh nau phung Êphraim vah vơl: May hŏ nduyh nkra jêh gâp, jêh ri bu nduyh nkra gâp Nâm bu du mlâm ndrôk kon ê hŏ bên mâng mbăk. Ăn Kôranh Brah njŭn gâp sĭt, pôri gâp mra geh nau plơ̆ sĭt; Yorlah Kôranh Brah jêng Yêhôva Brah Ndu gâp!

Yêrêmi 33:6

Ƀiălah, Gâp mra ăn tay n'hâm suan jêh ri nau ƀư bah ma ƀon nây. Gâp mra ƀư bah ăn ma phung ƀon lan khân păng, mra tâm mpơl ma khân păng saơ nau chăt jêng rmeh ler jêh ri đăp rmên jŏ jong.

Yêrêmi 4:1

Brah Yêhôva lah: “Hơi phung Israel, tơlah may plơ̆ sĭt, Tơlah khân may plơ̆ sĭt ma Gâp, Tơlah may mƀăr lơi lĕ rngôch nau ƀơ̆ ƀơch du bơh măt Gâp, Jêh ri mâu mpât n'gơ đŏng ôh,

Êsêkiêl 18:30

Yor nây, Kôranh Brah Yêhôva lah: ‘Hơi ngih Israel, Gâp mra phat dôih khân may, ăp nơm tĭng nâm kan păng ƀư. Rmal hom jêh ri chalơi lĕ rngôch nau tih khân may! Tâm ban pônây, nau nây mâu mra jêng ndơ chêh prah ăn ma khân may.

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Ndrom Samƀŭt bơh Ôsê 13:4

Gâp yơh jêng Yêhôva Brah Ndu may Nơm njŭn leo may du luh tă bơh n'gor bri Êjipt; Padih Gâp, may lơi sŏk dơn brah êng ôh, Mâu geh ôh Nơm Tâm Rklaih êng, knŏng êng Gâp!

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Ndrom Samƀŭt bơh Ôsê 14:5

Gâp mra jêng nâm bu dak ngom ma phung Israel; Păng mra luh kao nâm bu kao si ueh Jêh ri hon reh nâm bu krŏng bri Liban.

Ndrom Samƀŭt bơh Ôsê 14:8

Hơi Êphraim, mâm Gâp dơi dơh dăch đah lĕ rup brah? Gâp yơh hŏ mplơ̆ lah jêh ri mra uănh treng păng. Gâp mra jêng nâm bu tơm si chiprơ ndrêh ueh; Tă bơh Gâp yơh may luh kao play âk.”

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Yôel 2:12

Brah Yêhôva lah: “Aƀaơ aơ, plơ̆ sĭt hom ma Gâp ma lĕ nuih n'hâm, Ât hom sông sa, nhhiăng nhĭm jêh ri rngot vơl săk.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”