Yêrêmi 3:2 - Nau Brah Ndu Ngơi 2023

² N'gơr hom măt uănh ma yôk hil! Geh lĕ ntŭk may mâu bê̆ch ndrel đah bu êng? May hŏ gŭ meng trong gay kâp nơm rŏng, Nâm bu phung Arabi tâm bri rdah. May hŏ ƀư ƀơ̆ ƀơch neh aơ Đah lĕ nau văng tĭr tih mhĭk ngăn.

Yêrêmi 3:2 Iomraidhean Croise

Nau Ntơm 38:14

H'Tamar doh lơi ao bu ur ndrô, sŏk bok nkŭm muh măt, nkŭm lĕ săk păng, jêh nây gŭ êp ntŭk lăp ƀon Ênaim, ta trong hăn tât ta Timna. Păng ƀư kơt nây yorlah hŏ saơ Y-Sêla văch ma toyh jêh, ƀiălah bu mâu ăn ôh păng jêng ur Y-Sêla.

I Phung Hađăch 11:3

Hađăch geh pơh rhiăng nuyh ur jêh ri pe rhiăng nuyh ur yông; khân păng ƀư vĭ ma nuih n'hâm hađăch.

II Phung Hađăch 23:13

Hađăch ƀư ƀơ̆ lĕ ntŭk prêh klơ mpeh luh nar ƀon Yêrusalem, mpeh rđŭng ma yôk Ôm-Rai, jêng lĕ ntŭk prêh Y-Salômôn, hađăch Israel ndâk jêh gay nhhơr mbah ma brah Astarôt, rup brah dŭt ƀơ̆ ƀơch phung ƀon lan Sidôn; Chêmôs, rup brah dŭt ƀơ̆ ƀơch phung ƀon lan Môap; jêh ri Milkôm, rup brah dŭt ƀơ̆ ƀơch phung ƀon lan Ammôn.

Nau Mprơ Ơm 106:38

Khân păng ƀư nkhŭt mham mâu geh tih, Nây jêng mham kon bu klâu kon bu ur khân păng Gay ƀư brah ma rup brah n'gor bri Kanaan, Ăn n'gor bri jêng ƀơ̆ ƀơch yor mham nây.

Nau Hôr 23:28

Păng dâk moch nâm bu du huê nơm ntŭng, Ƀư lơ hâu ntop âk nơm mâu geh răp jăp tâm kon bunuyh.

Nau Hôr 7:11

Nây jêng bu ur vay ngơi drơu drơu, mâu blau bêk, Bar đah jâng păng mâu đăp ôh gŭ tâm ngih;

Yêrêmi 12:12

Ta klơ yôk hil tâm bri rdah Phung sŏk ntŭng ƀư rai hŏ lip tât jêh; Yor mpiăt đao Brah Yêhôva rvăn neh aơ Ntơm bôk đah aơ tât bôk đah ri, Mâu geh du săk jăn dơi đăp mpăn.

Yêrêmi 2:20

“Bơh jŏ Gâp hŏ nkê̆ch pă mâng mbăk, Tôch lơi rse rvăk ma may, Ƀiălah may ngơi: ‘Gâp mâu mra pah kan đŏng ôh.’ N'hêl nanê̆ ngăn, klơ ăp yôk prêh, Tâm dâng ăp pŭm tơm si âk n'ha, May kŭnh bôk nâm bu bu ur văng tĭr.

Yêrêmi 2:23

“Mâm may nănh ngơi: ‘Gâp mâu geh ƀơ̆ ƀơch, Gâp mâu geh tĭng brah Baal ôh’? Uănh hom trong may tâm ntŭk rlŭng; Ăn gĭt nanê̆ nau may hŏ ƀư, Nâm bu seh samô ngăch, nchuăt blă blơ.

Yêrêmi 2:7

Gâp njŭn leo khân may tât du ntŭk bri neh ueh Gay ma dơi geh kao play jêh ri lĕ ndô ndơ ueh păng. Ƀiălah dôl lăp ta nây, phung khân may hŏ ƀư ƀơ̆ ƀơch neh Gâp, Hŏ ƀư ăn drăp ndơn Gâp plơ̆ jêng ƀơ̆ ƀơch.

Yêrêmi 3:1

Brah Yêhôva lah: “Tơlah nơm ri chalơi ur, Ur nơm nây luh du jêh ri sŏk sai êng, Pôri sai ơm păng mra plơ̆ tay Đah bu ur nây lĕ? Mâu di hĕ neh aơ hŏ ƀơ̆ ƀơch ngăn? Păng hŏ ƀư nau văng tĭr đah âk nơm rŏng, Hôm e mĭn plơ̆ tay đah Gâp hĕ?

Yêrêmi 3:13

‘Knŏng ŭch may dơn saơ nau tih may pô aơ: May hŏ tâm rdâng đah Yêhôva Brah Ndu; May hŏ nsong lam ntŭk tĭng brah phung bu năch tâm dâng ăp pŭm tơm si âk n'ha, Jêh ri mâu rkêng tôr ôh iăt nau Gâp.’” Brah Yêhôva lah pônây.

Yêrêmi 3:21

Geh bâr lŭng nter dơi tăng bơh lĕ dor hil, Nây jêng bâr phung kon Israel nhĭm nhhiăng vơl dăn, Yorlah khân păng hŏ hăn vĭ nhhơt trong, Hŏ chuêl Yêhôva Brah Ndu khân păng.

Yêrêmi 3:9

Yorlah uănh mâu tih ôh nau păng văng tir yor nây păng ƀư ƀơ̆ ƀơch êng păng nơm ndrel ma neh aơ, văng tĭr đah lŭ jêh ri tơm si.

Yêrêmi 7:29

Koh hom sŏk jêh ri klŭp lơi; Ntơm nau nsôr nter hom ta klơ yôk hil; Yorlah Brah Yêhôva hŏ dun jêh ri chalơi jêh rô̆ aơ, Jêng rô̆ srônh nuih Păng.’”

Êsêkiêl 16:16

Ay sŏk kho ao ay ƀư jêng ntŭk prêh nkrơ̆ ueh gay ma ƀư nau văng tĭr ta nây. Lĕ nau tâm ban pônây tâm rnôk kăl e jêh ri pakơi aơ taơ mâu mra geh ôh.

Êsêkiêl 20:28

Dôl Gâp hŏ leo jêh khân păng lăp neh Gâp ton ăn jêh ma khân păng, rnôk nây khân păng saơ jêh lĕ yôk prêh, lĕ rngôch tơm si dŭt pŭm jêh ri nhhơr ndơ ƀư brah ma khân păng nơm ta nây. Khân păng hŏ mpơl ta nây ndơ ƀư brah gay nsônh Gâp ji nuih; khân păng su ndơ n'hôl geh ƀâu kah jêh ri ƀư ndơ nhhơr nhêt ta nây.

Ndrom Samƀŭt bơh Ôsê 2:5

Ngăn yơh, mê̆ khân păng văng tĭr, Bunuyh ntreo ma khân păng hŏ ƀư jêh nau prêng. Yorlah păng lah: ‘Gâp mra hăn tĭng phung rŏng gâp; Khân păng mra ăn ƀănh, dak, rsau biăp, brai mhay, Dak ngi jêh ri ndơ nhêt.’

Luka 16:23

Bunuyh ndrŏng gŭ tâm ƀon phung khĭt geh nau nđêh nji, n'gơr măt uănh saơ Y-Abraham bơh ngai jêh ri Y-Lasar gŭ ta ntang ntơh păng.

Nau Vay Nkah Tay 12:2

Ăn khân may ƀư rai lơi lĕ rngôch ntŭk phung ndŭl mpôl khân may mra mprơh, ntŭk khân păng hŏ pah kan jêh ma phung brah khân păng, mâu lah ta klơ yôk prêh, ta klơ gôl mâu lah tâm dâng ăp tơm si ndrêh.