Yêrêmi 3:18 - Nau Brah Ndu Ngơi 2023

¹⁸ Tâm nar nây, ngih Yuđa mra hăn ndrel ma ngih Israel, jêh nây khân păng mra nsum ndrel luh bơh neh mpeh pa lơ, plơ̆ sĭt ma n'gor Gâp hŏ ăn ma phung chô yau khân may ƀư drăp ndơn.

Yêrêmi 3:18 Iomraidhean Croise

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Êsai 43:5

Lơi klach ôh, yorlah Gâp gŭ ndrel ma may, Gâp mra djôt noi deh may tât tă bơh mpeh luh nar, Jêh ri tâm rƀŭn may tă bơh mpeh nhâp nar.

Êsai 43:6

Gâp mra lah ma mpeh pa lơ pô aơ: ‘Ăn mƀơk hom!’ Jêh ri lah ma mpeh pa dâng pô aơ: ‘Lơi kuăn prăp ôh!’ Djôt leo hom phung kon bu klâu Gâp plơ̆ sĭt tă bơh ngai, Djôt leo phung kon bu ur Gâp plơ̆ sĭt tă bơh bôl dŭt bri neh;

Yêrêmi 16:15

Ƀiălah mra lah: ‘Tĭng nâm bu Brah Yêhôva gŭ rêh mro mrăng, jêng Nơm hŏ njŭn leo kon sau phung ƀon lan Israel plơ̆ sĭt tă bơh mpeh pa lơ jêh ri tă bơh lĕ rngôch bri dak khân păng bu hŏ mprơh tât.’ Yorlah Gâp mra njŭn tay khân păng plơ̆ sĭt ma bri Gâp hŏ ăn jêh ma phung chô yau khân păng.”

Yêrêmi 23:8

Ƀiălah bu mra lah: ‘Tĭng nâm Brah Yêhôva gŭ rêh mro mrăng, jêng Nơm hŏ njŭn jêh noi deh ngih Israel sĭt bơh mpeh pa lơ, bơh lĕ rngôch bri dak Păng hŏ mprơh jêh khân păng tât.’ Khân păng mra gŭ tâm bri khân păng nơm.”

Yêrêmi 3:12

Hăn hom, rle mpeh pa lơ mbơh lĕ nau aơ: ‘Hơi phung Israel mâu răp jăp, plơ̆ sĭt hom! Brah Yêhôva lah, Gâp mâu mra luh muh măt ji nuih ôh uănh ma khân may, Yorlah nuih n'hâm Gâp bêng ma nau yô̆ nđach; Gâp mâu mra ji nuih n'ho ro ôh.’ Brah Yêhôva lah pônây.

Yêrêmi 30:3

Brah Yêhôva lah: ‘Aơ, nar panăp Gâp mra njŭn leo phung ƀon lan Israel jêh ri Yuđa Gâp plơ̆ sĭt tă bơh ntŭk jêng dĭk, Gâp mra njŭn leo khân păng sĭt tâm bri dak Gâp hŏ ăn jêh ma phung chô yau khân păng, jêh ri khân păng mra sŏk dơn bri dak nây ƀư drăp ndơn.’ Brah Yêhôva lah pônây.”

Yêrêmi 31:8

Aơ, Gâp mra njŭn khân păng sĭt bơh bri mpeh pa lơ, Rgum tâm rƀŭn khân păng bơh nglĕ dŭt rplay neh. Ta nklang khân păng mra geh nơm chieh măt, nơm rvĕn, Phung bu ur ntreo jêh ri bu ur veng deh, Jêng du phung âk ngăn ngên mra sĭt ta aơ.

Yêrêmi 50:20

Brah Yêhôva lah: “Tâm nar nây, tâm rnôk nây, bu mra joi nau tih mhĭk tâm phung Israel ƀiălah mâu saơ ôh; bu mra joi nau tih tâm phung Yuđa ƀiălah mâu mra saơ ôh; yorlah Gâp mra yô̆ an nau tih ma phung khân păng hôm e Gâp rong.”

Yêrêmi 50:4

Brah Yêhôva lah: “Tâm lĕ nar nây, tâm rô̆ nây, phung kon sau Israel jêh ri phung kon sau Yuđa plơ̆ sĭt ndrel n'grŭp; khân păng hăn ƀă nhĭm ƀă, tĭng joi Yêhôva Brah Ndu khân păng.

Yêrêmi 50:5

Khân păng ôp trong hăn plơ̆ sĭt ma ƀon Siôn, măt uănh mpeh ma nây jêh ri lah: ‘Văch hom jêh ri tâm nkol đah Brah Yêhôva du nau tâm rnglăp n'ho ro, nau tâm rnglăp mâu mra chuêl ôh!’

Yêrêmi 7:7

pôri Gâp mra ăn khân may gŭ tay ta ntŭk aơ, tâm n'gor Gâp hŏ ăn jêh ma chô yau khân may ntơm bơh kăl e kŏ tât n'ho ro.

Êsêkiêl 11:17

Yor nây lah hom: ‘Kôranh Brah Yêhôva lah: Gâp mra tâm rgum khân may tă bơh ƀon lan lĕ mpôl bunuyh, mra sŏk sĭt khân may tă bơh bri dak khân may pru pra jêh, jêh ri Gâp mra plơ̆ ăn ma khân may n'gor bri Israel.

Ndrom Samƀŭt bơh Ôsê 1:11

Phung ƀon lan Yuđa jêh ri phung ƀon lan Israel mra tâm rgum tay jêh ri săch ăn ma khân păng du huê kôranh chiă uănh ndrel; khân păng mra du luh tă bơh n'gor bri aơ, yorlah nar toyh ngăn ma Jesrêel.”

Ndrom Samƀŭt bơh Ôsê 2:2

“Phong hom ma mê̆ khân may, Phong hom yorlah păng mâu di ôh jêng ur Gâp, Gâp mâu ôh jêng sai păng! Đă păng mƀăr lơi nau văng tĭr klơ măt păng Jêh ri têl nau văng tĭr ta nklang toh păng.

Amôt 9:15

Gâp mra tăm tay Israel tâm bri khân păng nơm Jêh ri bu mâu mra hôm rôk ôh khân păng bơh bri Gâp ăn jêh ma khân păng.” Brah Yêhôva jêng Brah Ndu may lah kơt nây.

Sakari 10:6

“Gâp mra ƀư ăn dăng ma ngih Yuđa, Jêh ri mra tâm rklaih ngih Yôsep. Gâp mra leo khân păng plơ̆ sĭt, yorlah yô̆ klâng khân păng, Jêh ri khân păng mra jêng nâm bu Gâp ê hŏ mâp dun ôh ma khân păng; Yorlah Gâp jêng Yêhôva Brah Ndu khân păng, jêh ri mra dơn nau khân păng dăn.

Sakari 2:6

Brah Yêhôva lah: “Hơi, hơi! Du hom tă bơh bri mpeh pa lơ, yorlah Gâp hŏ srih khân may pru pra nâm bu puăn njônh sial tâm trôk.” Brah Yêhôva lah.