Yêrêmi 3:17 - Nau Brah Ndu Ngơi 2023

¹⁷ Rnôk nây bu mra ntơ Yêrusalem jêng sưng Hađăch Brah Yêhôva. Lĕ rngôch mpôl bunuyh mra tâm rƀŭn tâm amoh Brah Yêhôva ta ƀon Yêrusalem, khân păng mâu mra dăng bôk ôh rêh tĭng nuih n'hâm mhĭk khân păng nơm đŏng.

Yêrêmi 3:17 Iomraidhean Croise

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

I Phung Hađăch 8:41

Rlau ma nây, lah du huê bu năch jêng bunuyh mâu jêng ôh phung ƀon lan Israel May, ƀiălah yor tăng amoh May păng văch tât tă bơh n'gor ngai

Nau Mprơ Ơm 102:23

Brah Ndu ƀư rdja jêh nau ktang gâp ta nklang trong; Ƀư gleh lơi nar khay gâp gŭ rêh.

Nau Mprơ Ơm 78:8

Jêh ri ăn khân păng mâu tâm ban ôh ma phung chô yau khân păng, Jêng ndŭl mpôl dăng bôk jêh ri uh ah, Du ndŭl mpôl mâu geh nuih n'hâm nâp Jêh ri mâu geh răp jăp đah Brah Ndu.

Nau Mprơ Ơm 87:3

Ơ ƀon Brah Ndu, Bu hŏ lah jêh ma nau chrêk rmah ma may. (Sêla)

Êsai 26:8

Ơ Brah Yêhôva, ngăn yơh, ta trong nau May phat dôih. Hên kâp gân May; Huêng hên ji hir ma May Ma amoh May jêh ri nau kah gĭt ndray ma May.

Êsai 56:6

Phung bu năch plơ̆ sĭt ma Brah Yêhôva Gay pah kan ma Păng, rŏng ma amoh Brah Yêhôva, Jêh ri jêng phung oh mon Păng, Jêng lĕ rngôch phung djôt prăp nar Saƀat mâu ƀư ƀơ̆ nar nây ôh, Jêh ri djôt prăp nâp nau Gâp tâm rnglăp,

Êsai 59:19

Bơh mpeh nhâp nar, bu klach yơk ma amoh Brah Yêhôva, Ntơm bơh mpeh luh nar, khân păng yơk mbah ma nau chrêk rmah Păng; Yorlah Păng mra văch tâm ban ma n'hong dak krong hoch thăng, Yor n'hâm nsôr Brah Yêhôva khôm mpruh khân păng.

Êsai 6:1

Năm hađăch Usia khĭt, gâp hŏ saơ Kôranh Brah gŭ ta du mlâm sưng hađăch dŭt prêh ngăn, ntôr ao jâr Păng ƀư bêng ngih brah.

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Êsai 66:18

“Bi Gâp, Gâp gĭt năl nau kan jêh ri nau mĭn khân păng. Tât năng, Gâp mra văch tâm rƀŭn lĕ rngôch bri dak jêh ri lĕ rngôch nau ngơi; khân păng mra văch jêh ri saơ nau chrêk rmah Gâp.

Êsai 66:20

Brah Yêhôva lah: “Phung bu năch mra njŭn lĕ rngôch phung oh nâu khân may plơ̆ sĭt bơh lĕ rngôch bri dak. Khân păng rdeng khân may klơ seh, ndeh, tâm ưn, ncho seh bri jêh ri seh samô, hăn ta yôk kloh ueh Gâp jêng Yêrusalem, gay nhhơr khân păng tâm ban ma du mpa nhhơr ma Brah Yêhôva; tâm ban đŏng phung Israel djôt leo mpa nhhơr tâm ndơ dŏng kloh rsang lăp ma ngih Brah Yêhôva.”

Yêrêmi 11:8

Ƀiălah khân păng mâu iăt, mâu rkêng tôr iăt; ăp nơm chuat hăn tĭng nau mĭn nuih n'hâm djơh mhĭk jêh ri nau rôih ko khân păng nơm. Yor nây, Gâp hŏ djôt tât ăn ma khân păng ăp nau tâm nau rnglăp aơ, jêng nau tâm rnglăp Gâp hŏ ntĭnh khân păng tĭng kơt ƀiălah khân păng mâu ƀư ôh.”

Yêrêmi 12:15

Ƀiălah hŏ lôch jêh rôk khân păng, Gâp mra yô̆ nđach tay khân păng jêh ri djôt ăp bunuyh plơ̆ sĭt ma drăp ndơn jêh ri ƀon tơm khân păng.

Yêrêmi 12:16

Tơlah khân păng gơih nti trong ƀon lan Gâp, ton tâm amoh Gâp pô aơ: ‘Ngăn yơh Brah Yêhôva gŭ rêh mro mrăng!’ — nâm bu phung khân păng hŏ nti ăn ma ƀon lan Gâp ton tanăp brah Baal — pôri nôk nây khân păng mra dơi nâp ta nklang phung ƀon lan Gâp.

Yêrêmi 14:21

Yor amoh May, lơi ta mƀăr lơi, Lơi ta uănh dơm dam ôh sưng hađăch chrêk lơp May. Ăn May kah gĭt tay jêh ri lơi ta ngroh lơi Nau tâm rnglăp May hŏ njêng ma hên.

Yêrêmi 16:12

Bi khân may ƀư nau mhĭk rlau lơn ma phung chô yau khân may đŏng; ăp nơm khân may ma nau dăng bôk tĭng nuih n'hâm mhĭk păng nơm, mâu ŭch tông bâr Gâp ôh.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 17:12

Ntơm bơh saơm, sưng hađăch chrêk ma lơp gŭ ntŭk prêh klơ, Jêng ntŭk ngih brah kloh ueh ma hên!

Yêrêmi 18:12

Ƀiălah khân păng lah: ‘Mâu khlay ôh! Hên mra hăn tay tĭng nâm dăp kan hên nơm; ăp nơm mra ƀư tĭng nâm nau dăng nuih n'hâm mhĭk păng nơm.’”

Yêrêmi 3:19

Gâp hŏ lah: ‘Mâm ƀư gay njŭn may lăp ta phung kon Gâp, Jêh ri ăn ma may du ntŭk bri ueh ngăn. Drăp ndơn khlay lơn ta nklang ndŭl mpôl bunuyh. Gâp hŏ lah: May mra kuăl Gâp jêng “Mbơ̆ gâp.” Jêh ri mâu mra ndôn kơi chalơi Gâp.

Yêrêmi 31:23

Brah Yêhôva ma phung tahan, Brah Ndu Israel, lah: “Lah Gâp djôt leo lĕ rngôch phung bu nă plơ̆ sĭt jêh pôri tâm n'gor Yuđa jêh ri lĕ rngôch phung ƀon toyh păng, bu mra hôm ngơi nau aơ: ‘Hơi ntŭk gŭ nau sŏng srăng, hơi yôk kloh ueh ri, Dăn ma Brah Yêhôva ăn nau ueh uĭn ma may!’

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Yêrêmi 7:24

Ƀiălah khân păng mâu iăt, mâu srâng iăt; sŏl ko chuat hăn tĭng lĕ nau mĭn êng khân păng nơm, tĭng tâm nau nuih n'hâm djơh mhĭk jêh ri dăng ko păng nơm; khân păng plơ̆ sĭt pakơi mâu hăn ôh rlet panăp.

Yêrêmi 9:14

Ƀiălah khân păng rêh tĭng rôih ko nuih n'hâm dăng khân păng nơm, hăn tĭng lĕ brah Baal chô yau khân păng hŏ nti.”

Êsêkiêl 1:26

Ta klơ đôr panăp ta klơ bôk lĕ mpa rêh geh ndơ nâm bu sưng hađăch lŭ khlay saphir, jêh ri ta sưng hađăch nây geh ndơ nâm bu rup du huê bunuyh.

Êsêkiêl 43:7

Bunuyh nây lah ma gâp: “Hơi kon bunuyh, aơ yơh jêng ntŭk dơm sưng hađăch Gâp, jêng ntŭk ăn mpang jâng Gâp. Ta aơ, Gâp mra gŭ ta nklang phung kon sau ƀon lan Israel kŏ tât n'ho ro. Ntơm bơh abaơ let kăndơ̆, ngih Israel lĕ rngôch phung ƀon lan jêh ri phung hađăch khân păng mâu mra ƀư ƀơ̆ đŏng ôh amoh kloh ueh Gâp yor nau văng tĭr khân păng jêh ri yor ma săk jăn khĭt phung hađăch khân păng ta klơ lĕ ntŭk prêh đŏng ôh.

Êsêkiêl 48:35

Ndăch jŭm ƀon toyh mra geh sĭn rbăn met, jêh ri ntơm bơh aƀaơ tât ô klak, amoh ƀon mra jêng: “Brah Yêhôva gŭ ta nây!”

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Sakari 8:8

Gâp djôt leo khân păng sĭt, jêh ri khân păng mra gŭ ta nklang ƀon Yêrusalem. Khân păng mra jêng phung ƀon lan Gâp; bi Gâp mra jêng Brah Ndu khân păng tâm nau răp jăp jêh ri nau sŏng srăng.”

Nau Kơp Bunuyh 15:39

Ăn khân may anh mlâm grong nây gay dôl uănh saơ păng, khân may kah gĭt ma lĕ rngôch nau vay Brah Yêhôva ntăm gay tông tĭng, jêh ri mâu tĭng ndô̆ ôh nau nuih n'hâm jêh ri măt khân may nơm, jêng nau ƀư ma khân may ƀư nau văng tĭr.

Samƀŭt Pôl Njuăl Ăn Ma Phung Nsing Ta Ƀon Rôm 1:21

Yorlah nđâp tơlah hŏ gĭt năl jêh Brah Ndu, khân păng mâu ŭch tâm n'hao prêh ma Păng jêng Brah Ndu ôh jêh ri mâu lah ueh Păng, ƀiălah khân păng ăt mĭn mâu geh kô̆; nuih n'hâm rluk mâl khân păng plơ̆ jêng nau ngo klĕng.

Samƀŭt Pôl Njuăl Ăn Ma Phung Nsing Ta Ƀon Rôm 6:14

Yorlah nau tih mâu mra hôm chiă uănh khân may ôh, yorlah khân may mâu gŭ tâm dâng nau vay ôh, ƀiălah tâm dâng nau yô̆.

Galati 4:26

Ƀiălah ƀon Yêrusalem ta klơ trôk jêng kon me; nây jêng me he.

Nau Vay Nkah Tay 29:29

Lĕ nau ndâp prăp ma Yêhôva Brah Ndu he, ƀiălah lĕ nau păng tâm mpơl jêh prăp ma he jêh ri ma phung kon sau he ƀaƀơ n'ho ro, gay ma he tĭng kơt lĕ rngôch nau ngơi tâm nau vay aơ.

Phung Kôranh Phat Dôih 2:19

Ƀiălah dôl phung kôranh phat dôih khĭt jêh, phung Israel ƀư tay nau mhĭk tih rlau lơn phung chô yau khân păng, hăn tĭng phung brah êng, pah kan jêh ri chon mbah phung brah nây. Khân păng mâu ŭch chalơi lĕ nau djơh ƀiălah ăt thoi đŏng nau dăng bôk.