Yêrêmi 3:13 - Nau Brah Ndu Ngơi 2023

¹³ ‘Knŏng ŭch may dơn saơ nau tih may pô aơ: May hŏ tâm rdâng đah Yêhôva Brah Ndu; May hŏ nsong lam ntŭk tĭng brah phung bu năch tâm dâng ăp pŭm tơm si âk n'ha, Jêh ri mâu rkêng tôr ôh iăt nau Gâp.’” Brah Yêhôva lah pônây.

Yêrêmi 3:13 Iomraidhean Croise

Nêhêmi 9:2

Phung Israel hŏ nkhah bơh phung bu năch, dâk da dê mbơh nau tih khân păng nơm jêh ri nau djơh mhĭk bơh phung chô yau khân păng.

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Êsai 57:5

Khân may ƀư nau văng tĭr ndrăng khân may ta meng tơm si têrêbin, Tâm dâng lĕ rngôch tơm si ndrêh, Khân may nkhĭt phung kon khân may nơm ƀư mpa ƀư brah tâm rlŭng, Tâm lĕ rkâp lŭ!

Yêrêmi 14:10

Brah Yêhôva lah ma phung ƀon lan aơ kơt aơ: “Khân păng ŭch hăn nsong blêng pônây, Mâu gĭt nkân bar jâng ôh; Yor ri Brah Yêhôva mâu sŏk dơn ôh khân păng. Aƀaơ aơ, Păng kah gĭt tay nau khân păng hŏ ƀư tih, Jêh ri rmal lơi nau tih khân păng.”

Yêrêmi 14:20

Ơ Brah Yêhôva, hên gĭt saơ jêh nau djơh mhĭk hên, Jêh ri nau tih phung chô yau hên, Yorlah hên hŏ ƀư tih jêh đah May.

Yêrêmi 2:20

“Bơh jŏ Gâp hŏ nkê̆ch pă mâng mbăk, Tôch lơi rse rvăk ma may, Ƀiălah may ngơi: ‘Gâp mâu mra pah kan đŏng ôh.’ N'hêl nanê̆ ngăn, klơ ăp yôk prêh, Tâm dâng ăp pŭm tơm si âk n'ha, May kŭnh bôk nâm bu bu ur văng tĭr.

Yêrêmi 2:25

Njrăng hom jâng may mâu hăn jâng dơm, Trô ko may mâu geh ji hir! Ƀiălah may lah: ‘Mâu khlay ôh! Gâp hŏ ŭch rŏng phung brah bu năch Jêh ri mra tĭng khân păng.’

Yêrêmi 3:2

N'gơr hom măt uănh ma yôk hil! Geh lĕ ntŭk may mâu bê̆ch ndrel đah bu êng? May hŏ gŭ meng trong gay kâp nơm rŏng, Nâm bu phung Arabi tâm bri rdah. May hŏ ƀư ƀơ̆ ƀơch neh aơ Đah lĕ nau văng tĭr tih mhĭk ngăn.

Yêrêmi 3:25

Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 3:6

Tâm rô̆ hađăch Y-Jôsia chiă uănh, Brah Yêhôva lah ma gâp: “May saơ đŏng nau mâu răp jăp tâm phung Israel hŏ ƀư? Khân păng hŏ hao ăp yôk prêh, tât tâm dâng pŭm tơm si âk n'ha ƀư nau văng tir.

Yêrêmi 7:24

Ƀiălah khân păng mâu iăt, mâu srâng iăt; sŏl ko chuat hăn tĭng lĕ nau mĭn êng khân păng nơm, tĭng tâm nau nuih n'hâm djơh mhĭk jêh ri dăng ko păng nơm; khân păng plơ̆ sĭt pakơi mâu hăn ôh rlet panăp.

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Êsêkiêl 16:15

‘Ƀiălah ay nsing ma nau ueh ay, nsing nau lư n'găr ay nơm gay lăp nau vay văng tĭr jêh ri ƀư nau văng tĭr ăn ma phung bu năch rgăn trong.

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Nau Vay Nkah Tay 12:2

Ăn khân may ƀư rai lơi lĕ rngôch ntŭk phung ndŭl mpôl khân may mra mprơh, ntŭk khân păng hŏ pah kan jêh ma phung brah khân păng, mâu lah ta klơ yôk prêh, ta klơ gôl mâu lah tâm dâng ăp tơm si ndrêh.